Wugubule 10:1 - Luganuzi Luswanu Kuli Wanhu Wose 2002

¹ Hanyuma kanyhi nghamuwona malayika yunji mono yali vilungo, yakutima ku lawa kuwulanga. Nayo yali muvwikwe yivunde, hamonga ne licilalyambwa lye mvula mu mutwe wakwe. Wusu wakwe wali wihwanile lizuwa, ne migulu yakwe yali yinha masumbili ga moto.

I CILAGANE CIPYA 1991

¹ Hanyuma kanyhi nghamuwona malayika yunji mono yali vilungo, yakutima kulawa ku wulanga. Nayo yali muvwikwe ivunde, hamonga ne licilalyambwa lye mvula mu mutwe wakwe. Wusu wakwe wali wihwanile lizuwa, ne migulu yakwe yali yinha masumbili ga moto.

Wugubule 10:1 ပူးပေါင်းရင်းမြစ်များ

Zabuli 104:3

wuzenjile wikalo wako, mucanyha ye malenga mu wulanga, wunozize mavunde gawa wo mutuka wako, kugulucilaga mucanyha ye zimbawa ze libeho.

Zabuli 97:2

Mavunde ne citi ciwaha vimupilime, nayo, yatemile ko wuswanu ne mbeka.

Wutuluce 16:10

Nayo Haluni lono yalongaga ne mhuga ye Waisilayeli, wakalanga wose ku lubavu lwa ku nyika, hobaho lukumyo lo Muwaha Mulungu, lukejela mu mavunde.

Lwimbo Luswanu muno 5:15

Ayi migulu yakwe, yinha zisumbili ze'bwe lyono likung'alala viswanu zono ziwicigwe mucanyha ye misinji ye zi zahabu. Yo munhu mutambule, yenhe matunda ga Lebanoni, hamonga ne mibici yayo ye mihagata.

Isaya 19:1

Ayi yo nghani ya kuli yisi ya Misili. Muwaha Mulungu kokuza ku Misili, yapandile mwi'vunde lyono likumangha. Ne vihwani vya Misili, vikucicima hali mwene, ne wanhu wa Misili vilungo vyawo vyodejepa.

Isaya 54:9

“Nane mu cipango ca Noha, nehuwiza nha vyono si nololetela lukulu kanyhi liwazi mono'nze. Naluno kanyhi nghwihuwiza nha vyono si nolokukolelwa likuwo kanyhi yaye, hamba kukutacila, hamba kukulipiciza ng'o.

I Cililo 3:44

No wulombe wetu hamba si wakuficila yaye ku soko ye livunde lizito lyono walicita.

Ezekiyeli 1:28

wung'alale we mawala gose gono yali yina, wali wihwanile ne mawala ge licilalyambwa. Na wuwu wali wo wijele we nhojo wono walajilaga nha vyono Muwaha Mulungu yali baho. Nane nali neza kuziwona zizi, nghagwa wugubama. Hanyuma nghahulika lizi lyo Muwaha Mulungu likunonjela likutya,

Danyeli 10:6

No muwili wakwe, wang'alalaga nhe 'bwe lyono likucemwa Zabalajadi. No wusu wakwe, wang'alalaga kotya limuli, ne meso gakwe genha tala. Miwoko yakwe ne migulu, vyang'alalaga kotya shaba yono nghusulwe muno muno. Ne lizi lyakwe nalyo, lyahulicikaga kotya nhe lizi lye 'puga yiwaha lya wanhu.

Danyeli 7:13

Na mu wugubulilwe wuwu ne cilo, nghawona cinhu cinji kanyhi cono cali cihwanile munhu. Nayo munhu yuyo yakawa kusejelela hali'ne, akuno yapilimwe ne mavunde. Hanyuma yakawa kubita kuli mono kekalaga mumi cibitilila, yakelajila kuli mwene.

Walawi 16:2

Muwaha Mulungu yakamulonjela Musa yakatya, “Mulonjelaje muwahawo Haluni, vyono yimunojeye yenjile kugati ye libupa lyo mwenda, ku Hanhu hono helile, helile muno, mu cidaha cono cinojeye du. Hambi hanhu baho nha ho hanhu hono nosuma kwilajilila mwi'vunde, hacanyha ye ligoda lyo lusungu mucanyha ye Lisanduku lye Cilagane. Na hono yalece kuwa ne cihuliko, kofwa.

Matayo 17:2

Na lono wali wamulanjile, u mwene Yesu yakawa kupituka i futa yakwe, u wusu wakwe wukang'alala nhe lizuwa, ne vivwalo vyakwe, vikawa vizelu swee, kotya nha wuzelu we lizuwa.

Luka 21:27

Hobaho ho wolomuwonela Mwana wo Munhu, yakuziza mwivunde ne vilungo ne nhojo mbaha.

Metumo ge Watumwa 26:13

Gwe go mutemi Agilipa, lono nali nili mu nzila mwipango lye saa sita ne misi, nghawona wuzelu wulawile ku wulanga, wucizize wumulice we lizuwa, wukamulicila kose kose nene na wono cajendana nawo.

Wugubule 1:7

Langa ta! Yakuziza mu mavunde! Ne wanhu wose wolomuwona, sunga na walya wono wamucinya no mugoha. Ne makungugo gose ga kono'nze, gololila ku soko yo mwene. Heya! Vyo yiweze.

Wugubule 18:1

Hanyuma ya zizi, nghamuwona malayika yunji yakutima kulawa ku wulanga. Yali yena vilungo viwaha, ne yinze yikamulikwa so wung'alale wakwe.

Wugubule 18:21

Hanyuma malayika yunji mono yali vilungo muno, yakenula libwe yiwaha, lyono lihwanile nho luzala luwaha lo kusajila, nayo yakaligumila mwi'lenga akuno yakutya, “Nhavivyo ne likaya liwaha lya Babiloni vyo lyogumilwa no kwajililila lukulu, hamba kwijela yaye.

Wugubule 20:1

Hanyuma kanyhi nghawona malayika yunji yakutima kulawa ku wulanga, akuno yena ne funguwo ya kwikombo lyo wuninyina, akuno kanyhi yadinghuye ne manyolo mu muwoko wakwe.

Wugubule 4:3

Nayo yuyo mono yali yekaye mwi'goda lilyo, ku wulangwe, yali yehwanile alimasi, ne libwe yidunghu yiswanu muno. Kanyhi kwali kolili licilalyambwa lye mvula, lyono likung'alala, na kuwulanje, linha lili dedede, nalyo likawa lipilime ligoda lyo wutemi mbavu zose.

Wugubule 5:2

Kanyhi nghamuwona malayika we vilungo yakulonga ne'zi 'waha yakutya, “Nani 'mbi mono yanojeye kubena vivyo vinamatizo, sunga yacigubule ne citabu cico?”

Wugubule 8:13

Nane naza langa, nghayiwona numba yiguluce yili kucanyha muno muno, nghahulika yikulonga kwe'zi iwaha yikutya, “Woyi he, woyi he, woyi he, kuli wono wowa wakali wekaye mono'nze, lono wamalayika wadatu wono wasigaye kolo wakuzitowa zindulele zawo!”