Wugubule 1:16 - Luganuzi Luswanu Kuli Wanhu Wose 2002

¹⁶ Na mu muwoko wakwe wo kulume, yakawa yadinghuye nyelezi mupunghati, na mu mulomo wakwe, mukalawa mumaje mukali kose kose. No wusu wakwe wang'alalaga nhe lizuwa likali.

I CILAGANE CIPYA 1991

¹⁶ Na mu muwoko wakwe wo kulume, yakawa yadinghuye nyelezi mupunghati, na mu mulomo wakwe mukalawa mumaje mukali kose kose. No wusu wakwe wangʼalalaga nhe lizuwa likali.

Wugubule 1:16 ပူးပေါင်းရင်းမြစ်များ

Jobu 38:7

Hakali mitondo muno ya mwizuwa lilyo, zinyelezi zemba hamonga, ne viwumbwa vyose vya ku wulanga, vikemba na mazi mawaha ne nyemo.

Zabuli 45:3

Gwe go citung'ati, wuwikanize mumaje wako, agwe yo gwegwe mono wuli we nhojo, kanyhi yo gwegwe munghalo wuwaha wose.

Lwimbo Luswanu muno 6:10

Alo yo nani yuyu mono yakulanga, wulanje wakwe winha hakali mitondo. Muswanu muno, kanyhi yena wusu wono wusangalaye, yakung'alala nhe lizuwa hamba mwezi.

Isaya 11:4

Langa kolowaling'aniza wasocele ko wiling'ano, no kulamula nghani yo muciwa kwe ling'ani. Nawo wanhu wolowa kulipicizizwa mu wulajilize wakwe, ne wanhu wetuma zimbi wolowulagwa.

Isaya 24:23

Nawo mwezi wolotukuwala, ne lizuwa nalyo hamba si lyolowalika yaye. Hambi u Muwaha Mulungu we mihanga, nha kolowa yo mutemi. Nayo kolotema mu Yelusalemi, mwi'tunda lya Sayuni, ne walongola wose we wanhu, wololuwona lukumyo lwakwe.

Isaya 49:2

Yakazinoza zinghani zangu ziwe kuhoma nho mumaje. Kanyhi yakanyhitila no muwoko wakwe. Yakanoza 'ne niwe nha songa nghali muno yono yiwikanizwe ku wugume.

Danyeli 12:3

Ninga i walongola we mahala, wolonga'lala nhe limuli lya ku wulanga. Na wono wawatongaga wanhu wenji, ho wetume ze ling'ani, awo wolong'alala nhe zinyelezi, cibitilila.”

Danyeli 8:10

Naco cihembe cico, cikawiluka muno, cikawa ne vilungo vyo kwihoma ne lipuga lya ku wulanga, nha cinji, zinyelezi, sunga likazigumila zinji ho hasi, likazikanyaga.

Malaki 4:2

Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

Matayo 17:2

Na lono wali wamulanjile, u mwene Yesu yakawa kupituka i futa yakwe, u wusu wakwe wukang'alala nhe lizuwa, ne vivwalo vyakwe, vikawa vizelu swee, kotya nha wuzelu we lizuwa.

Metumo ge Watumwa 26:13

Gwe go mutemi Agilipa, lono nali nili mu nzila mwipango lye saa sita ne misi, nghawona wuzelu wulawile ku wulanga, wucizize wumulice we lizuwa, wukamulicila kose kose nene na wono cajendana nawo.

Waefeso 6:17

Muyibocelaje mhonelo ho yiwe nha kofiya yenyu ya cuma, ne nghani yo Mulungu yiwe nha mumaje wono mukupegwa no Muhe Mono Yelile.

Wahebelaniya 4:12

Hambi nghani yo Mulungu nha nyumi kanyhi nyitumi, kanyhi nghali yicizize u mumaje mukali kose kose, kanyhi yicinyaga sunga ku wutemanula i nhumbula no Muhe, sunga hono vihanjiye i vilunzwa vyo muwili no musopo. Ne nghani yiyo yisalangulaga u wuhile ne mahweso ga mu zinhumbula ze wanhu.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga na hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.”

Wugubule 10:1

Hanyuma kanyhi nghamuwona malayika yunji mono yali vilungo, yakutima ku lawa kuwulanga. Nayo yali muvwikwe yivunde, hamonga ne licilalyambwa lye mvula mu mutwe wakwe. Wusu wakwe wali wihwanile lizuwa, ne migulu yakwe yali yinha masumbili ga moto.

Wugubule 12:1

Hanyuma cikejela citanjilo ciwaha ku wulanga. Baho hali hoyuli mucekulu mono yali yavwicigwe lizuwa, no mwezi wukawa wuli hasi ye magulu gakwe, no mukumbo we zinyelezi yikumi na nyejete, zikawa mucanyha mu mutwe wakwe!

Wugubule 19:15

No mumaje mukali wukulawa mu mulomo wakwe, nayo kowasumila, we makungugo, u mumaje wuwo. Nayo yo mweneco mono kotema muli wene ne nghome ya cuma, akuno yakuminyila idivayi mu ciya co kuminyila zizabibu ze likuwo liwaha lyo Mulungu u Mudaha Vyose.

Wugubule 19:21

I wasilikale wawo, wakawulagwa ko mumaje wono walawa mu mulomo wa yuyo mono yali yapandile fwalasi. Ne zindeje zose zikalya zinyama ze miwili yawo sunga zikeguta.

Wugubule 2:1

“Kuli malayika we likanisa lya Efeso, wandice nhavi, “ ‘Ayi yo nghani yono yikulawa kuli mwene mono yazibate i zinyelezi mupunghati mu muwoko wakwe wo kulume, mono kajendaga haciligati yo wuwiko we zitala mupunghati ze zahabu.

Wugubule 2:12

“Kuli malayika we likanisa lya Peligamo, wandice nhavi, ‘Ayi yo nghani ya mono yena mumaje mukali kose kose, yakutya,

Wugubule 2:16

Holeka wunene wubi wuwo kanyhi wuwulece. Na hono wulece kunoza nhavivyo, ale nokuza kuli'gwe mbela mbela, nane nokwihoma ne wanhu wawo ko mumaje wono wukulawa mu mulomo wangu.’

Wugubule 3:1

“Kuli malayika we likanisa lya Salidisi wandice nhavi, “ ‘Ayi yo nghani yono yikulawa kuli mwene mono yena myuhe mupunghati yo Mulungu, hamonga ne zinyelezi mupunghati. Nigamanyile i metumo gako gose, manyile vyono wumanyice nha wuli mumi, kumbe ho wufwiye!

Walamuzi 3:16

Nayo Ehudi yaketyanila mumaje wono wali mukali kose kose wina wutali wa sentimeta kotya makumi mahano. Yakewopa mumaje wuwo mu ciwino, wukaninyinila mu cima cakwe co mugulu wo kulume kusi ye myenda yakwe.

Walamuzi 5:31

“Ale wafwe nhavivyo i walugu wako 'gwe Muwaha Mulungu langa wono wuwendile wang'alale nhe lizuwa lyono lidulaga hakali mitondo. Lulo yisi yikawa no mulamu myaka makumi mane.”