Walawi 8:7 - Luganuzi Luswanu Kuli Wanhu Wose 2002

⁷ Hanyuma yakawa kumuvwika Haluni shati ne lisweko lya mucanyha yayo, yakawa kumuwopa no musipi mu ciwino. Yakamuvwika ne efodi, yakayiwopeleza yiyo efodi ko musipi wayo mu ciwino.

Walawi 8:7 ပူးပေါင်းရင်းမြစ်များ

Wutuluce 28:2

Ninga nagwe wumuhonelaje muwahawo Haluni, vivwalo vyo wukohani, ho yejele mu nhojo no wuswanu.

Wutuluce 28:4

Wuwalonjele wamunozeze vinhu avino, cifuko cono kovwala ha mhambaga, efodi, kanzo, no musweko we mawalawala, no mukumbo, hamonga no musipi. Nawo wahone vinhu vivyo vyo wukohani, wamuhonele muwahawo Haluni, hamonga ne wanagwe, ho wanyitumamile mu mulimo wo wukohani.

Wutuluce 28:6

“Nayo efodi wayihonelaje zimhuti za zahabu ne bafuta ye liwala lye buluu, ne liwala lyo lugandu ne liwala lidunghu, hamonga ne bafuta swanu, mbote, kanyhi yono honwe viswanu muno ko wunghula.

Wutuluce 29:5

Wusole vivwalo vivilya vye cikohani wumuvwice Haluni, nha cinji, shati, kanzo, efodi, ne cifuko ca ha mhambaga, wumuwope no musipi wuwulya wono wuhonigwe ko wunghula muno.

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

Isaya 61:3

Ho niwasangalaze no kuwapela nyemo wanhu wose wono wali mu Sayuni, wono wali wali mu wusungu no wukalale wawuce mu wukalale, wembe lwimbo lo lukumyo. Kanyhi wawe nhe mibici i mihadikwe no Muwaha Mulungu mweneco. Kanyhi wawe kwituma zo mugoloka. Nayo Muwaha Mulungu ho yakumizywe muli zono yetuma.

Ezekiyeli 42:14

Na lono i wakohani wakondya kwituma mu Nyumba yo Mulungu, yiwanojeye wavule i vivwalo vyono vyelile vyono wali wavwalile lono wali wali mu mulimo, wavilece mumo mu vinyumba vivyo, ho walawile wabite ku luwa ya kunze. Kanyhi yiwanojeye wavwale vivwalo vinji vyono vinojeye, lono weza kubita kwilajila kuko kunze kono wanhu wekongholelaga.”

Walumi 13:14

Langa u Muwaha Yesu Kilisito yaweze co civwalo cenyu, kanyhi mulece kwipiganziza u wusulumizi wenyu wo muwili, no kuwufisiliza.

Walumi 3:22

U Mulungu yakuwanoza iwanhu, ho wavumilwe hali mwene mu nzila yo wihuwilo wawo, muli Yesu Kilisito: Nayo u Mulungu, ketumaga nhavivyo kuli wose wono wakwihuwila, hamba hasina wusiwanule wo wose.

Wagalatiya 3:27

Nanye wose mono mwabaputizwa, mukelunza na Kilisito, alu mwamuvwala Kilisito.

1 Samwili 2:28

Na mu wulawa mu zimbeyu zose ze wana wa Isilayeli, ane nghayihagula mhuga ya Haluni, wawe wo wakohani wangu, wanyitumamile ha cikumbicilo, wawe kufusa wuvumba, kanyhi wawe kuvwala Efodi hali 'ne. Kanyhi nghawapela ne ling'ani, yo kusola ligawo, mu wulawa mu makumbiko manyanywe ga mu cikumbicilo.