Walawi 7:34 - Luganuzi Luswanu Kuli Wanhu Wose 2002

³⁴ Nayo nyama ye ng'hwa yo mutugo wuwo cowa cilavywa cinulwe, hamonga nayo ne nyama yo mugulu we cima co kulume nyinulwe, navyo Muwaha Mulungu yakondya kuvisola ku wulawa mu wanhu wa Isilayeli, no kuwapela wakohani. Ne zinyama zizo, zo wanojeye wanhu wa Isilayeli wawe kuwapela wakohani vilo vyose.

Walawi 7:34 ပူးပေါင်းရင်းမြစ်များ

Wutuluce 29:26

“Hanyuma wusole ne nyama ye nghwa ye nduwilu yiyo, yono yitumamiywe mulimo wo kumusiwanula Haluni, nagwe wuyiyumvye, ciwe cilavywa ciyumvywe hali 'ne no Muwaha Mulungu. Nayo yowa lyo ligawo lyako.

Wutuluce 29:9

Wuwawope ne misipi mu viwino vyawo, no kuwavwika ne zi kofiya zawo. Mu nzila yiyi yo kowasiwanulila Haluni hamonga ne wanagwe, no wukohani wowa muli wene hamonga ne zindelo zawo ko wutemye we cibitilila.

Walawi 3:17

Kanyhi hasina Muisilayeli wo wose mono yakomboywe kulya mhama hamba kung'wa sakami. Ne lilajilizo lili munojeye mulikamise cibitilila mu zindelo zenyu zose ho hose hono mowa kubita.”

Walawi 7:33

ayo yapegwe mukohani yuyo, mono kokwituma mulimo we cilavywa ce sakami, hamonga ne mhama ye cilavywa co mulamu.

Wuwale 5:9

Kanyhi sunga ne vilavywa vyose vyo winulwe, vyono Waisilayeli wakulavya kuli Muwaha Mulungu, vyowa sawo yo mukohani mono wakumulavizya.

Wuwale 6:20

Hanyuma mukohani yawe kuvisinjisa hali Muwaha Mulungu, ciwe cilavywa cisinjiswe hali Muwaha Mulungu. Navyo vikuwa vilavywa vyono visiwanuliywe mukohani, hamonga ne nyama ye ng'hwa nyumvywe, hamonga ne cima cimonga ce nduwilu cinulwe, cono mu wulajilize, yo ling'ani yapegwe mukohani. Nazo kolo zakondya zizo, hodu Munazili kosuma kung'wa divayi.

Wuwale 8:11

Nayo Haluni ho yawe kuwalavya Walawi wawe cilavywa hali Muwaha Mulungu, cisinjiswe mu wulawa mu Waisilayeli, ho wanyitumamile.

Wukumbucize wo Wulajilize 18:3

Na mu mapango gogose lono ng'ombe hamba ngholo yikulavywa yiwe yikumbiko, wakohani wapegwe ciwoko, ne mazagasa vyono mejete, hamonga ne lilomofu.