Walawi 7:18 - Luganuzi Luswanu Kuli Wanhu Wose 2002

¹⁸ Vyono nyama yiyo yono yowa yikali yisigaye sunga mwi'zuwa lye kadatu, hono yiligwe, Mulungu nayo hamba si kocivumila cilavywa cico co munhu yuyo. Ne cilavywa cico hamba si cosuma kuwalwa vyono yakondya kuhaliza, langa cowa iwifyo du, no munhu wo wose mono koyilya nyama yiyo, kotuga wulipicizwe so nghani yiyo.

Walawi 7:18 ပူးပေါင်းရင်းမြစ်များ

Zimbazi 15:8

Nayo Muwaha Mulungu, kendezwaga no wulombe we wanhu we ling'ani. Ninga yagasulile makumbiko gono wamulavizyaga i wanhu wabi.

Isaya 65:4

Na mu mapango ge cilo, wawa kubita mu vitenjelo na mu mapango, wawa kuwuza mahweso kuli myuhe ya wono wafwa. Wawa kulya nyama ya ngubi, no kung'wa muhuzi we nyama hanza-hanze ne mboga, yono mutelece mu wulawa mu nyama, yono ndavye mu makumbiko ge wanhu wono si wamumanyile Mulungu.

Isaya 66:3

“Hambi i wanhu nha wetumaga nha vyono wendile weneco. Hambi wene nha wakuwona co cimonga du, hono mu makumbiko gawo wawulaje ng'ombe hamba munhu, hamba wawulaje ngholo, hamba kubena singo ye 'mbwa, hamba hono walavye cilavywa co wusaje, hamba sakami ye magubi, hamba na hono walavye wuvumba, hamba wavitogoze vihwani. Heya! Wene wendile zinzila zono ziwuhodangaga wuhembi.

Yelemiya 14:10

Kanyhi u Muwaha Mulungu, yakulonga kuli ze wanhu wawa, yakutya nhavi, “Ninga wene wendile kunhiza'ne, akuno hamba si wakusuma no kwiyimila kose. Holeka nane si nghwendezwa nawo. Alu nane nogakumbucila i makani gawo mabi, niwalipicize ku soko yo wubi wawo.”

Yelemiya 14:12

Nawo hamba walece kulya, ninga 'ne hamba si nowahuliciziza lukulu cililo cawo ho niwaponye, ng'o. Hamba wandavizye ne cilavywa cinyanywe, hamonga ne cilavywa co wusaje, ane si nokwendezwa nawo yaye. Langa 'ne nowawulajila wose ku wulugu na mu nzala, na mu matamwa.”

Ezekiyeli 18:20

Langa mono yakwituma wubi, ale, yuyo du yo kofwa. Umwana, si kofwa so wubi wo sogwe, hamba sogo yo munhu nayo, si kofwa yaye ku soko yo wubi wo mwanagwe. U munhu muswanu kohumbilizwa so wituma ziswanu wakwe. No munhu mwituma zimbi, nayo kofwa so wubi wono ketumaga.

Hoseya 8:13

Wakundavivya makumbiko ge zinyama, no kulya weneco kanyhi zinyama zizo ze makumbiko. Ninga ane no Muwaha Mulungu singhwendezwa nawo. Naluno nowukumbucila wubi wawo, no kuwalipiciziza mu wubi wawo, nowagomola kanyhi sunga ko ku Misili!

Walawi 10:17

“Alo nhawule si mucililiye cilavywa co wubi mu hanhu hono helile? Hambi nha celile muno. Nayo Muwaha Mulungu kamupelenyi, ho mwitumamile so mulimo wo kudinghula wubi we zimhuga no kuwanozeza wilamule hali Muwaha Mulungu?

Walawi 10:19

Nayo Haluni yakapitula yakatya, “Wule! Hono nali nilye cilavywa co wubi izuwali, Muwaha Mulungu yali yendezwe? Hambi wanhu nha waleta cilavywa co wubi kuli Muwaha Mulungu izuwali, kanyhi waleta ne cilavywa cawo cinyanywe, holeka zizi ziwa kunyagana.”

Walawi 11:41

Kanyhi mulecele lukulu kulya i vilimu vyo vyose i vidodododo vyono vikujenda hasi.

Walawi 17:16

Na hono yalece kuwutyatya wulajilize wuwu, munhu yuyo kolipicizwa.

Walawi 19:5

“Na lono mukumuwulajila Muwaha Mulungu mutugo, so cilavywa co mulamu, ale mulanjilile, mutyatye nha vyono namulajilizenyi, nane ho nosuma kucibocela cico cilavywa cenyu.

Walawi 20:17

“Na hono munhu yamutole lumbulye hamba u lumbulye mono wahanjile sogo yawo hamba nyina yawo, wanojeye wakozwe cevu calinze, kanyhi wakomwe mu mhuga. Hambi nha vigona no lumbulye, holeka wanojeye wawubocele wulipicizwe wayo.

Walawi 20:19

Na hono munhu yagone no muwahawe wo nyina yakwe, hamba no lumbulye lyo sogwe, wose vyono wejete wanojeye wabocele wulipicizwe wawo.

Walawi 22:16

mu nzila yo kumuleceleza munhu mono si yanojeye yalye. Ne nghani yiyi, yomuletela munhu yuyo masutya hamonga no wulipicizwe wuwaha muli mwene. Ane yo nene Muwaha Mulungu, yo nene mono nghuweza.”

Walawi 22:23

Langa mu vilavywa vye lihewa, mosuma kulavya mutugo we cilema hamba yono yicepuciywe vilunzwa vyayo vinji. Ninga mu vilavywa vyo wilahize, mutugo wuwo si wovumilwa yaye.

Walawi 22:25

Mulece kulavya cilavywa ce ndigwa co mutugo wono wulawile kuli munhu mujenzi. Hambi mitugo ze liwala lilyo nha zikuwalwa vyono zina vilema, holeka si zikuvumilwa yaye.”

Walawi 5:17

“Hono munhu yasutye wula kumanya, yabene lilajilizo limonga lya muli malajilizo go Muwaha Mulungu, ale munhu yuyo kowalwa musutyi, yimunojeye yalavye cilavywa co wusutye.

Walawi 7:19

“Ne nyama hono yiwe yipamize cinhu cocose cavu, yilece kuligwa yaye, langa yitakamizwe mu moto. Kanyhi munhu wo wose mono si yeyavufye, yuyo yo yadahile kulya nyama ye likumbiko,

Amosi 5:22

Hamba mundavizye vilavywa vinyanye na vyo 'saje, ane sinovibocela yaye, sinozibocela hamba ne zimitugo zenyu zono zijinile zono mukundavizya.

Malaki 1:10

U Muwaha Mulungu we mihanga yakutya, “Yali yiwe yili ciba yunji wa muli nyenye, yadinde milango yo wuhembelo, ho muze mulece kwasa moto wono wusina cambuzi mu cikumbicilo cangu. Ane singhwendezwa nanye hamba hadodo, hamba sinovibocelela lukulu ne vilavywa vyono mukundavizya.

Malaki 1:13

Akuno mukutya, “Ka! Lanje ta nghani ayi vyono yacikataza! Akuno mukunyile ne zimhula zenyu ku soko yangu. Na kuno mwandetela vilavywa vyenyu vyo mutugo wono muhize, kanyhi wina cilema na kanyhi wutamigwe, hambi nha vyo vilavywa vyono mukundetela. Alu mukwihwesa vyono 'ne, hongo nosuma kumubocelenyi vilavywa vye liwala lilyo mbi?

Wuwale 18:27

Ne cilavywa cenyu cico cinulwe, cowa nha co cilavywa cono munhu mulimi, kalavyaga mu wulawa mu wuhemba wupya, na mu divayi mhya.

Luka 16:15

Nayo yakawatya, “Anye mwinozaga muli waswanu ha meso ge wanhu, ninga Mulungu yo yazimanyile zinhumbula zenyu, hambi cono cijelaga cina lukumyo hali wanhu, Mulungu yakuciwona nha takataka du.”

Walumi 4:11

Abulahamu yalama hanyuma yayo, na mu walame wuwo, cali citanjilo cono cakangazaga vyono, u Mulungu yali yamuvumila vyono yali ling'ani, ku soko yo wihuwilo wakwe wono yali yena nawo, sunga na lono yali yakali si nalama. Holeka Abulahamu yaweza sogo wa wose wono, hamba wawe si walame, ninga wamwihuwiye u Mulungu no kunozwa ling'ani.

Wahebelaniya 9:28

nhavivyo nayo Kilisito, yelavya likumbiko lwa kamonga du ho yawuwuse u wubi wa wenji. Nayo yalaza kuza lwe kejete, ho yalece kuziza so wihoma no wubi, langa so kuwakomboza wawo wono wakumulindila.

1 Petelo 2:24

U mwene yawudinghulila u wubi wetu mu muwili wakwe mu musalaba, ho cisume kufwa ku lubavu lo wubi, no kuwumipila ku wiling'ano. Na muzinghomele zakwe, anye mo mwaponyezwa.