Walawi 7:16 - Luganuzi Luswanu Kuli Wanhu Wose 2002

¹⁶ Na hono munhu yawe yakuleta cilavywa co mulamu ku so wilahize wakwe, hamba lunji ku soko vyono keyendela mweneco du, ale, si nghani yaye, hamba hono nyama yayo yilece kuligwa yose mwizuwa lilyo lyono yilavigwe, na hono nyama yiyo yisigale, yosuma kuligwa hamba mitondo yaco hakali mitondo.

Walawi 7:16 ပူးပေါင်းရင်းမြစ်များ

Zabuli 116:14

Nomufisiliziza Muwaha Mulungu vipingo vyangu, ha mwande ye likungugo lyakwe lyose.

Zabuli 116:18

Nane nokufisiliziza zose, zono nehuwiza, go Muwaha Mulungu, ha mwande ye likungugo lyako lyose,

Zabuli 66:13

Nane nokuletela mu Nyumba yako, vilavywa vinyanywe, no kukufisiliziza wihuwizo wangu.

Wutuluce 35:29

Ne wanhu wose wa Isilayeli, walume ne wacekulu, wono zinhumbula zawo, zikawa zendile kulavya cinhu co cose, ku soko yo mulimo wo Muwaha Mulungu. Mulimo wono Mulungu yali yamulajiliza Musa witumwe. Nawo wavileta vinhu vivyo kwa nhumbula nzelu, wakavileta viwe vyo vilavywa vyawo kuli Muwaha Mulungu.

Zimbazi 7:14

“Ane zuwali ndavya vilavywa, holeka ku kaya yangu ko yili nyama ye makumbiko.

Ezekiyeli 46:12

“Nayo mutemi kolo yakuhila kumulavizya Muwaha Mulungu, i cilavywa cinyanywe, hamba cilavywa co mulamu, ale, u mulango wo lubavu lwa kucilima wono wudomile kwi'kumbo lya mugati, wunojeye wuwe mudigule wuli mwazi. Nayo mutemi kocilavizya cilavywa mu nzila yono kayitumamilaga mu vilo vye Sabato. Ninga kolo yakondya kulawaniza kudeha, yinojeye u mulango wudindwe kanyhi.”

Walawi 22:23

Langa mu vilavywa vye lihewa, mosuma kulavya mutugo we cilema hamba yono yicepuciywe vilunzwa vyayo vinji. Ninga mu vilavywa vyo wilahize, mutugo wuwo si wovumilwa yaye.

Walawi 22:29

Na lono mukulavya yikumbiko lyo wulumbe kuli Muwaha Mulungu, yinojeye muwutyatye wulajilize vyono winha ho musume kuvumilwa.

Walawi 23:38

Ne zi sikukuu zizo, zili hamonga ne mazuwa ge Sabato. Navyo vilavywa vivyo, vili hamonga ne vilavywa vyenyu vye nhondo zose, vilavywa vyono mukulavya so wufisiliza wilahize wenyu, sunga ne vilavywa vye lihewa vyono mukumulavizya Muwaha Mulungu.

Nahumu 1:15

Lanje, u muganuzi yakuza yakulawa mucanyha ye matunda, hamonga no luganuzi Luswanu, mono yakwanza zo mulamu. Mwene yali mu nzila yakwe ho yanze zo wusume. Nanye nyo wanhu wa Yuda, mwibate zi sikukuu, kanyhi mumufisilizize Mulungu vyono mwamwihuwiziza. Hambi i wabi, nha si wolokwinjila kanyhi no kuyihoma yisi yenyu. Hambi nha wakondya kuwusizwa lukulu!

Wuwale 15:3

Yiwanojeye wamulavizye Muwaha Mulungu nghongolo, hamba ngholo, hamba mhene, yiwe so cilavywa cinyanywe, hamba so cilavywa co wufisilize wo wilahize, hamba so cilavywa ce lihewa, hamba so cilavywa cono wazoweye kulavya mu zi sikukuu zenyu ze nhondo zose, ne mhunjile ye vilavywa vye ndigwa, yikumwendeza Muwaha Mulungu.

Wukumbucize wo Wulajilize 12:11

Nayo Muwaha Mulungu, kokwihagulila mweneco, i hanhu hono mosuma kumuhembela. Na kanyhi hanhu baho, ho mowa kumulavizya vilavywa vyenyu vyose, nha vyono nghamulajilizenyi. I vilavywa vyenyu vinyanywe, ne makumbiko ganji ganji, ne zaka zenyu, hamonga ne vilavywa vinulwe vyono nyenye nyo weneco mwehuwiza nha vyono momulavizya Muwaha Mulungu.

Wukumbucize wo Wulajilize 12:17

Langa cinhu cocose cono momulavizya Muwaha Mulungu, mulecele lukulu kucilila mu zikaya zenyu, hamba yiwe zaka yo wuhemba, hamba divayi, hamba mafuta, hamba zinyana zinongozi kulelwa ze zing'ombe, hamba ze zingholo, hamba vilavywa vyenyu vye lihewa, hamba vilavywa vinji vinji vye liwala lyolyose lilya.

Wukumbucize wo Wulajilize 12:26

Vilavywa vyose, ne vipegwa vyose, nha vyono mwamwihuwiziza Muwaha Mulungu, mweze kuvitegula baho i hanhu ho wuhembelo.

Wukumbucize wo Wulajilize 12:6

Ne hanhu baho ho mowa kuvilavizya vilavywa vyenyu vinyanywe, ne makumbiko genyu ganji ganji, ne zaka zenyu, ne vilavywa, ne vipegwa vyono muvihuwize nyenye nyo weneco kuli Muwaha Mulungu. Hamonga ne vilavywa vye lihewa. Ne zinyana zinongozi kulelwa, ze zing'ombe zenyu ne zingholo zenyu.