Walawi 7:12 - Luganuzi Luswanu Kuli Wanhu Wose 2002

¹² Hono munhu yawe yakulavya cilavywa cono cinha ci cino, so kumulumba Mulungu, yimunojeye yalete cilavywa co mukate wono wusina cisase, hamba mikate yono yijinhaye yono mitelece ko wusaje wono muhanzahanzwe ne mafuta, hamba bisikuti zono zijidiywe mafuta, hamba keki zono nhelece ko wusaje wono muhanzahanzwe ne mafuta. Hamonga ne vivyo vyose, munhu yuyo yaleteleze no mutugo we likumbiko.

Walawi 7:12 ပူးပေါင်းရင်းမြစ်များ

2 Zinghomo 29:31

Mutemi Hezekiya yakawalonjela wanhu yakawatya, “Alu vyono wose mwakondya kwiyeza, alu mulete makumbiko hamonga ne vilavywa vyo kumulumba Muwaha Mulungu.” Nawo wanhu wose wakayilumbiliza nghani yiyo. Na lulo baho du wanji wakawa kulavya zimitugo zawo ko mutima muzelu, ho ziwe makumbiko ge vilavywa vinyanywe.

2 Zinghomo 33:16

Yakacinozeleza ne cikumbicilo i hanhu hono Muwaha Mulungu yanojeye yahembelwe. Yakawa kulavya ne makumbiko ge cilavywa co mulamu, hamonga ne vilavywa vyo wulumbize mucanyha yayo. Yakawa kuwalajiliza i wanhu wa Yuda wamuhembe Muwaha Mulungu, u Mulungu we Waisilayeli.

Nehemiya 12:43

Mwi'zuwa lilyo, makumbiko menji gakalavywa ne wanhu wali wena nyemo mbaha, hambi Mulungu nha yo yawapela wusangalale wuwo. We cicekulu ne wana wao, wose wakelunza mu sikukuu yiyo, ne lizozo lye nyemo lyono lyali baho ha Yelusalemi, lyali yiwaha muno muno.

Zabuli 107:8

Holeka yiwanojeye wamulumbe Muwaha Mulungu, ku soko yo lusungu lwakwe lwinji, ku soko ye mapoto gono yawatendela.

Zabuli 116:17

Holeka nane lu, nokulavizya likumbiko lyo wulumbe, kanyhi nowa nghogopile muno muno.

Zabuli 50:23

Nayo mono yakumhela lilumbo liwa lyo likumbiko lyakwe, yuyo langa yo yanyogopile, no munhu wo wose mono yakuhulika ane, nane nomuponya.”

Yelemiya 33:11

mazi ge nyemo, hamonga no wusangalale. Hamonga ne mazi nyemo ge zindigwa ze halusi. Kanyhi kolowahulika wanhu wakwimba lono wakulavya vilavywa vyo wulumbe mu Nyumba yangu. Wolowa kwimba wakutya nhavi, ‘Mulumbenyi Muwaha Mulungu u Mudaha vyose, hambi mwene nha muswanu no lusungu lwakwe lwa cibitilila.’ “Nane noloyimotya yisi yiyi, yiwe nha vyono yali sonje. Vyo nghutya, ane no Muwaha Mulungu.”

Hoseya 14:2

Muwuyilenyi Muwaha Mulungu, no wulombe awu wuwe co cilavywa cenyu kuli mwene. “Gwe Muwaha Mulungu, wucinenelaje wubi wetu wose, kanyhi wubocele wulombe wetu nase cokukumya agwe nha vyono cehuwiza.

Walawi 2:4

“Na hono cilavywa ciwe ca mukate wono wuteleceligwe mu nyungu, weze mukate mutelece, wono wusina cisase. Kanyhi yeze mikate yono yina njiga mbaha, minozwe no wusaje wono wunamuce, wono muhanzahanzwe ne mafuta, hamba lunji ziwe bisikuti zono njidile mafuta.

Walawi 2:5

Na hono cilavywa ciwe ca mukate wono wuteleceligwe mu cikalango, weze mukate wono wutelecigwe no wusaje wono muhanzahanzwe ne mafuta, ninga weze wusina cisase.

Walawi 22:29

Na lono mukulavya yikumbiko lyo wulumbe kuli Muwaha Mulungu, yinojeye muwutyatye wulajilize vyono winha ho musume kuvumilwa.

Walawi 6:16

Nawo wakohani wosuma kuwulya wusaje wono wusigaye. Ninga wusaje wuwo, wunojeye wutelekwe mukate wono wusina cisase, kanyhi yinojeye wulilwe i hanhu hono helile, mugati ye luwa ye Lihema lyono lyelile.

Walawi 7:15

Ne nyama yo mutugo, yinojeye yiligwe mwi'zuwa lilyo du lono linozezwe likumbiko, yinji yilecele lukulu kusigala sunga wele hakali mitondo.

Amosi 4:5

Mujendelele no kulavya mikate yenyu yo wulumbize kuli Mulungu, no kwilumbila mu vilavya vyono vizize ko winji vyono mukuleta! Ayi yo nghani yono anye mwendile kwituma.

Wuwale 6:15

Kanyhi yalavye nhoto monga ya mikate yono yisina cisase, ne maandazi gono gatiwigwe hamonga ne mafuta, na capati zono njidile mafuta, ne vilavywa vyono vikusakwa vyo wusaje hamonga ne divayi.

Luka 17:16

yakegwisa hasi ha mwande ye magulu ga Yesu, akuno yakumulumba. Nayo yali Musamaliya.

Luka 17:18

Si yejeye yunji mono yazize kumupela Mulungu lilumbo, langa mujenzi ayu du?”

Walumi 1:21

Ku soko hamba wawe wakondya kumanya vyono u Mulungu yali baho, ninga si wakumupela ililumbo lyono limunojeye, hamba si wamulumbaga. Langa wene waco, wehwesaga zo wulele du, ne mahala gawo vyono gasina cinji, gamemile wutitu.

Waefeso 5:20

Mumulumbaje u Mulungu Baba nhondo zose ku soko ya zose, mwi'tagwa lyo Muwaha wetu Yesu Kilisito.

Wahebelaniya 13:15

Ale nhondo, mu nzila ya Yesu, cimulavizyaje u Mulungu, likumbiko lyo lukumyo nhondo zose, wo wutya, u lukumyo lono lukuletwa ne wanhu wono wakulivumila litagwa lyakwe.

1 Petelo 2:5

Ale mubitilenyi mwene nha mabwe momi, mukazenjece, no kuwa nyumba ye cimuhe, mono mosuma kwitumama nhe wakohani wono welile, ku wulavya i makumbiko ge cimuhe gono gakumwendeza Mulungu mu nzila ya Yesu Kilisito.