Walawi 6:4 - Luganuzi Luswanu Kuli Wanhu Wose 2002

⁴ Na hono munhu yasutye nghani monga muli zizi, yimunojeye munhu yuyo yahalize co cose cono yena, ku soko yo wula wihuwilwa wakwe.

Walawi 6:4 ပူးပေါင်းရင်းမြစ်များ

Mwamulizo 21:25

Abulahamu nayo yakamung'ung'ulicila Abimeleki ku soko ye lisima lye malenga lyono wetumami wa Abimeleki wakamuboka.

Nehemiya 5:11

Hamba mulece kuwadaya migawa yo yose yono mukuwadaya, hono ziwe pesa hamba ndigwa, hamba divayi, hamba mafuta. Kanyhi, muwagomolelaje mbela ne migunda yawo, hamonga ne mizabibu yawo, ne zi nyuma zawo, ne mizeyituni yawo.”

Jobu 20:19

vyono yawewonelaga waciwa no kuwabedegala, kanyhi yakawaboka wanji zikaya zono wali wezenjeye.

Jobu 24:2

I Wanhu wendile kuteza mabwe ge mipaka, ho weyonjelezeze yisi, wakuhiza zingholo, wawa kuzijihila mu matewa gawo.

Isaya 59:6

Ninga wihehemeze wenyu wuwo si wuswanu yaye, kanyhi wusina cambuzi hamba cidodo bwete, wihwanile mwenda we nhandabuli!

Ezekiyeli 18:12

Kanyhi yendile kuwakonya i waciwa, akuno muhizi, no kuwaboka wanhu sawo yawo kwe vilungo, hamba kugomola cono munhu yunji yacipinjice kuli mwene. Kanyhi, yawe yendile kubita ku wuhembelo we wanhu wono si wamumanyile Mulungu, no kuhemba vihwani vye mawifyo.

Ezekiyeli 18:18

Na ku lubavu lunji, u sogwe mweneco yo yawakonyaga wanhu no kuwahiziza, no kwituma nhondo zose i zimbi kuli wayagwe. Holeka yuyu sogwe yo, kofwa so wubi wakwe wono mweneco yali kuwituma.”

Ezekiyeli 18:7

Hamba si yamukonya munhu, langa yamulipa viswanu mono yamudayaga, hamba si yamuboka yunji sawo yakwe kwe vilungo. Kanyhi yawe yakuwalisa wono wadabuce, no kuwapela vivwalo wono wasakaze.

Ezekiyeli 33:15

nha cinji, hono yagomole cinhu cono yapinjicilwa, kanyhi yamugomolele munhu sawo yakwe yono yakopa, hamba cono yahiza, na hono yalece kwituma kanyhi wubi, yatyatye u wulajilize wo wumi, u munhu yuyo si kofwa yaye, langa kowumipa.

Ezekiyeli 44:19

Nawo yiwanojeye wawe kuyivula myenda yawo yose yono wowa wavwalile, lono wali mu mulimo, mu Nyumba yo Mulungu, no kuyiwika mumo mu vinyumba vyono vyelile, lono wakali si nalawila kwi'kumbo lya kudeha, kono ko wali wanhu. Heya, yowa yiwanojeye wayikawanize myenda yiyo, wavwale myenda yinji, ho walece kuwataciza wanhu wele, so vivwalo vyawo.

Walawi 24:18

No munhu wowose mono kowulaga mutugo wo muyagwe, munhu yuyo yimunojeye yayihalize. Ninga nghani mbaha muli zizi, wo wumi kwa wumi.

Walawi 24:21

No munhu wo wose mono kowulaga mutugo, munhu yuyo kohaliza yinji, ninga munhu mono kowulaga munhu muyagwe, u munhu yuyo langa yawulagwe du.

Walawi 4:12

avi vyose yavisole yavitegule kunze ye nghambi, i hanhu haswanu hono wagamwagaga mavu, yavikongojele baho mucanyha ye zingwagu.

Amosi 3:10

Muwaha yakutya, “Wanhu awa, wakumevya mu zinhumba zawo vinhu vyo wuhizi no wuwulaji, hamba siwakumanya vyono yiwanojeye wawe wehuwila.

Mika 2:2

Na lono wawe wakusaka migunda, hodu, wakuyisola kwa vilungo, na lono wakusaka zinyumba, nazo wakuzisola, hasina mhuga yo yose, hamba sawo, yono yisigaye yipolile.

Zefaniya 1:9

Kanyhi nolowalipiciza wose wono wakuhemba nhe wanhu wono si wamumanyile Mulungu, hamonga na wono wahizaga no kuwulaga, ho wazimemye ngaluzi zinyumba ze wawaha wawo.

Malaki 1:13

Akuno mukutya, “Ka! Lanje ta nghani ayi vyono yacikataza! Akuno mukunyile ne zimhula zenyu ku soko yangu. Na kuno mwandetela vilavywa vyenyu vyo mutugo wono muhize, kanyhi wina cilema na kanyhi wutamigwe, hambi nha vyo vilavywa vyono mukundetela. Alu mukwihwesa vyono 'ne, hongo nosuma kumubocelenyi vilavywa vye liwala lilyo mbi?

Wuwale 5:7

ale, u munhu yuyo yowa yimunojeye yanene wubi wakwe, kanyhi yalavye kuli munhu yuyo mono yamusutizye, wulavye wono wukwiliye hamonga no wonjeleze wa mekumi mejete kwe 'gana.