Walawi 6:2 - Luganuzi Luswanu Kuli Wanhu Wose 2002

² “Cilavywa, cinojeye cilavywe lono munhu yamusutizya Muwaha Mulungu, so wulema kumugomolela Mwiisilayeli muyagwe, cinhu cono yaleceywe no muyagwe nha mupinga, hamba cono yamuhizize muyagwe,

Walawi 6:2 ပူးပေါင်းရင်းမြစ်များ

Mwamulizo 26:7

Nawo i wanhu wanya kuko ku Gelali, wali weza kumuwuza zo mugolece wakwe, u mwene yakawalonjela yakatya, vyono, yuyo Labeka lumbulye. Nayo yalonga nhavivyo, vyono yawogopa, hono yawalonjele vyono yuyu Labeka mugolece wakwe, hodu wanhu wa kuko womuwulaga mwene, wamusole Labeka. Hambi Labeka nha yali muswanu muno muno mono yendezaga muno, ku wulangwe.

Zabuli 51:4

Nane nghusutizya gwegwe du wuli wene, nituma zimbi hali gwegwe. Holeka lono wukuning'aniza, wukunoza viswanu, hambi nha wina ling'ani lono wukundipiciza.

Zimbazi 24:28

Wulece kumuhomelela zo wulambi, u mwikalani muyago. Hamba wulece kulonga nghani zono zomwajiliza.

Zimbazi 26:19

yuyo yehwanile munhu wo lukwale, mono yakwidawalila cipe ciwulaji.

Isaya 21:2

Ane niwuwona wugubulilwe we metumo go wukali, wugubulilwe wo wugaluci no wongomezwe. Lipuga lye wasilikale wa Elamu, likuhoma! Lipuga lye wasilikale wa Mediya, nalyo ligapilime makaya! Alu langa Mulungu kogawusiza lukulu magazo gono galetwa na Babiloni.

Isaya 24:16

Nawo we ma'si go kutali mono'nze, wolozihulika zinyimbo zo kumukumya Isilayeli, nghungugo ye ling'ani. Ninga hamba nhavivyo, ane nha sina witumbilo! Nghuganda! Nawo i wagaluci vyo wakucila kungaluka du, no wukonji wawo wukucila kuwa wubi muno muno.

Isaya 33:1

Woyi he kuli'nye nyo walugu wetu! Hambi nye nha mwagaluka kanyhi mukahiza. Ninga anye hasina mono yamugalukajenyi hamba kumuhizizenyi yaye. Ninga zinghani zenyu zizo zo wugaluci, hamonga no wuhizi, vyose vyoloduma lwa kamonga du. Hambi nanye nha molowa kwihiziza no kwikonga nyenye wose.

Yelemiya 9:5

Na wose wowa walambi, wakuwajiliza wayawo. Ne zinimi zawo, wazizoweleze kulamba du nhondo zose, hamba si wasumaga no kuwuleka wubi wawo.

Ezekiyeli 40:46

ne nyumba yo mulango wono wulanjile ku lubavu lwa kusumuka, yo nyumba ye wakohani wono wetumaga ha cikumbicilo. Ne wakohani wawa, wose wo wana wa Zadoki, wa mu mhuga ya Lawi, nawo wo wali wakomboligwe du, wamwitumamile u Muwaha Mulungu.

Walawi 1:3

“Na hono yawe yakulavya ng'ombe yakwe, yiwe lyo likumbiko lye cilavywa cinyanywe, yimunojeye yalavye ng'ombe nume, yono yisina cilema cinji. Yayilete ha Mulango we Lihema lyono lyelile, no Mulungu nayo ho kosuma kumubocela.

Walawi 19:11

“Wulece kuwa wuli muhizi hamba wuli mungwele, hamba wuli mulambi.

Walawi 5:15

Hono munhu yasutye wula kumanya, so wulemwa kuleta cilavywa co wusutye, cono cisiwanuliywe Muwaha Mulungu, ale, munhu yuyo yanojeye yalete nduwilu nhelevu, yono yisina cilema co cose, hamba mhene yono yisina cilema. Ne cifo cayo, ciweze ce nghango ye mapesa gono gakwitumamilwa mwi 'Hema lyono lyelile.

Walawi 5:19

Naco cowa co cilavywa co wusutye so wubi wakwe wono yetumile hali Muwaha Mulungu.”

Walawi 6:1

Muwaha Mulungu yakamulonjela Musa yakatya,

Amosi 8:5

Mukutya nyo weneco, “Colindila sunga kolo vyapuluta i vilo vye ndawo yo mwezi, ho cosuma kuguza vilimwa vyetu. Alu sabato yomalika nili nase ho cisume kwanza kuguza kanyhi? Hambi baho nha colosuma kuguza na kumhelo, mu nzila yo kwitumila vipimo vyo wulambi, no kuvipitula vipimilo, ho ciwahizize wanyo kugula.

Habakuki 1:13

Ninga socici wukusuma kwima kuli wanhu awa wakoci, kanyhi wabi? Ne meso gako nha gelile, ku wulanga zo wubi, hamba si kosuma kwima ku lubavu lwe wanhu wetuma zimbi. Alu socici wunyamaye lono wakuwahodanga wanhu wono wali ling'ani si nha wene?

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Metumo ge Watumwa 5:4

Lono wali wukali sinawuguza, wali wako, na lono wali wakondya kuwuguza, izipesa zizo zali zako, ho wuzitumamile nha vyono wendile. Alu so cici kulamula nghani yiyi mu nhumbula yako no kwituma nghani yiyi? Ninga wumanye vyono si wumukonjile munhu, langa kumukonga Mulungu!”

Waefeso 4:25

Holeka muwulekaje u wulambi, yinojeye mweze kulongana ze mbeka munhu na muyagwe, vyono ase wose cili vilunzwa vyo muwili wa Kilisito.

Wakolosayi 3:9

Mulece kwiyilambila nyenye wose, vyono anye mwakondya kuwuvula u wunhu wuhuma hamonga ne metumo gayo gose,

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose, si wokwinjilila lukulu mwi'kaya lilyo, langa wokwikala kunze du.