Walawi 5:5 - Luganuzi Luswanu Kuli Wanhu Wose 2002

⁵ Na kolo munhu yavumila vyono musutyi, yimunojeye yanene wubi wakwe,

Walawi 5:5 ပူးပေါင်းရင်းမြစ်များ

Jobu 33:27

Nayo ho kolonjela mwi'puga lye wanhu yawe kutya, ‘Ane nili mubi, ninga Mulungu kambonela lusungu du, hambe ane si netuma ze ling'ani yaye.

Zabuli 32:5

Nghawa kuwuvumila wubi wangu hali'gwe, hamba sinawuhundika wavu wangu. Nghawona viswanu, mvumile wubi wangu hali'gwe go Muwaha Mulungu, nagwe wukawa kunenela wubi wangu wose.

Zimbazi 28:13

Na hono wujendelele kuwuhundika wubi wako, mbeka hamba si komoteswa mu mikalile yako. Holeka yikunojeye wunene wubi wako, wuwulece, nayo Mulungu kokuwonela lusungu.

Yelemiya 3:13

Langa ane yono nghusaka kuli 'gwe, wuvumile masutya gako gose nha vyono wali wamubedegala u Muwaha Mulungu, u Mulungu weko. Kanyhi wunene, nha vyono wali kusenyha ne milungu mijenzi, hasi ye mibici yose yono yina mahamha gono gadedewaye, hamba kugebata malajilizo gangu yaye. Vyo nghutya ane no Muwaha Mulungu.

Danyeli 9:4

Nghamulomba Muwaha Mulungu, u Mulungu wangu, nghawunena u wubi we wanhu wangu. Nghalomba nghatya, “Gwe go Muwaha Mulungu, yo gwegwe Muwaha, nase cikogopile gwegwe du. Nagwe wibate ne cilagane cako, kanyhi wuli lusungu kuli wono wakwendile, no kwituma zono kulajilizaga.

Walawi 16:21

Nayo yayijelece miwoko yakwe yose vyono myejete, mu mutwe we mvulati yiyo nyumi. Yawe kuvumilila mu mutwe we mvulati, masutya gose, no wubi wose, hamonga no wubedegazi wose we wanhu Waisilayeli. Na mu nzila yiyo, kowa yagawika masutya gose mu mutwe we mvulati yiyo. Hanyuma yayisole mvulati yiyo, yamwibatize munhu mono yamuwikanize mweneco, nayo munhu yuyo yayitegule sunga ko ku nyika.

Walawi 26:40

“Ninga i wana wenyu wo wolonena u wubi wawo, no wubi we walezi wawo, vyono wesumaniza nane, wakambedegala,

Walawi 5:13

Nayo mukohani komunozeza wilamule so wubi munhu yuyo wono yawitumile. Nayo munhu yuyo konenelwa wubi wakwe. No wusaje wono wowa wukali wusigaye, wowa sawo yo mukohani, nha vyono yinha du mu cilavywa co wusaje.”

Wuwale 5:7

ale, u munhu yuyo yowa yimunojeye yanene wubi wakwe, kanyhi yalavye kuli munhu yuyo mono yamusutizye, wulavye wono wukwiliye hamonga no wonjeleze wa mekumi mejete kwe 'gana.

Walumi 10:10

Hambi nha cikwihuwila mu nhumbula, no kunozwa ling'ani no Mulungu, na kanyhi cikuvumila kwe milomo yetu no kuyituga mhonelo.

Yoshuwa 7:19

Yoshuwa yakamutya Akani, “Mwanangu Akani, wulonje ze mbeka lu hali Muwaha Mulungu, u Mulungu we Waisilayeli, kanyhi wunene wubi wuwo. Wunonjelaje lu ta cono witumile. Wulece kuhundicila 'ne nghani hamba monga.”