Walawi 5:2 - Luganuzi Luswanu Kuli Wanhu Wose 2002

² Hono munhu yapamize cinhu co cose cavu wula kumanya, lunji mudunhu we nimu yono yifwiliye, hodu munhu yuyo kowa yakondya kwiyavufya mweneco no kwinjila mwi'sutya. Nayo kolo yakondya kumanya vyono kumbe kasutya, ale ho kowa musutyi.

Walawi 5:2 ပူးပေါင်းရင်းမြစ်များ

Zabuli 19:12

Ninga 'lu nani 'mbi, mono kewonaga i masutya gakwe mweneco? Gwe go Muwaha Mulungu, wumhonye ne masutya gono sinigamanyile.

Isaya 52:11

Mumanye vyono wose mwakondya kuwuka mu Babiloni, anye wose mono muvidinghulaga viya vye Nyumba yo Mulungu! Kanyhi mulecele lukulu ku vipamiza vinhu vyavu, Mutuluce muwuce, akuno mwelile.

Walawi 11:11

Vilimu vye liwala lilyo, si vitelevu yaye. Holeka mulecele lukulu kuvilavya, hamba kuyipamiza midunhu yavyo.

Walawi 11:8

Holeka mulecele lukulu kulya zinimu zizino, hamba kuyipamiza midunhu yazo, hambi nha nyavufywe.

Walawi 4:13

“Na hono yiwe mhuga yose ya Isilayeli wo wasutizye, no kubena lilajilizo limonga lyo Muwaha Mulungu wula kumanya,

Walawi 5:17

“Hono munhu yasutye wula kumanya, yabene lilajilizo limonga lya muli malajilizo go Muwaha Mulungu, ale munhu yuyo kowalwa musutyi, yimunojeye yalavye cilavywa co wusutye.

Walawi 5:3

Hono munhu yapamize cinhu co cose cavu cono cilawile muli munhu wula kumanya vyono cavu, munhu yuyo kowa yakondya kwiyavufya mweneco no kwinjila mwi'sutya. Nayo kolo yakondya kwizuka vyono kumbe kasutya, ale, ho kowa musutyi.

Walawi 5:4

Hono munhu yelahize musunho muli cinhu co cose wula kwihwesa, kowa yenjila mwi'sutya kolo yakwizuka du cono yetumile.

Walawi 7:21

Kanyhi munhu wo wose hono yayilye nyama yiyi ye cilavywa, lono yakondya kupamiza cinhu cavu, lunji mu wulawa muli munhu hamba mu mutugo, munhu yuyo si kowalilizwa kanyhi hamonga ne wanhu wo Mulungu.”

Hagayi 2:13

Hanyuma Hagayi kanyhi yakawawuza yakutya, “Ma, hono yiwe munhu yeyavufya ku soko yo kuwupamiza muvimba. Na hono yapamize cinhu co cose ca muli zindigwa zizo, wule, kowa yazitajila wavufywe zindigwa zizi?” Nawo i wakohani wakapitula wakatya, “Heya, kowa yavitajila wavufywe.”

Wuwale 19:22

Na muli cinhu co cose cono kocipamiza u munhu mwavufywe, hodu ne cinhu cico naco cowa cakondya kwavufywa. Nayo munhu mono kocipamiza cinhu cico, nayo kowa yakondya kwiyavufya. Holeka kokwikala mwavufywe, sunga kono lyoswela lizuwa.

Luka 11:44

Woyi he nye! Hambi nha mwinha vitenjelo vyono si vijelaga, ne wanhu wono wakuvikanyaga si wamanyile.”

2 Wakolinto 6:17

Holeka u Muwaha kanyhi yakutya, “Ale muwuce muli wene, mweze musiwanuce mulece kupamiziza lukulu cinhu cavu nane ho nomubocelenyi.

Wukumbucize wo Wulajilize 14:8

Nayo ngubi hamba yiwe yikwasanuce mabangho gayo, ninga si yisindulaga yaye, holeka nyama yayo mulece kuyilya, hambi nayo, nha nyavufywe ku soko yiyo, hamba no mudunhu wayo mulece kuwupamiza.