Walawi 5:1 - Luganuzi Luswanu Kuli Wanhu Wose 2002

¹ “Vilavywa so wubi, vyosakwa vilavywe so nghani azi zono zityatizye. “Hono munhu yawe yacemigwe ne mahakama, yakalavye wuhomelezi, kuli zono yamanyile, nayo ho yaleme kulavya wuhomelezi kuli zono yawene, hamba kuli zono yahulice, munhu yuyo, kowa yanojeye yatuje wulipicizwe so nghani yiyo.

Walawi 5:1 ပူးပေါင်းရင်းမြစ်များ

1 Watemi 22:16

Ninga Ahabu yakamupitula Mikaya yakamutya, “Gwe Mikaya, hono wuwe wukulonganila nane mwi'tagwa lyo Muwaha Mulungu, yikunojeye wunonjele ze mbeka! Ne nghani yiyi nha nghulonjeye kali kenji muno?”

1 Watemi 8:31

“Na hono munhu yasitakwe vyono kamusutizya yunji, na hono yaletwe ha cikumbicilo mu Nyumba yako, yaze yelahize nha vyono mwene yasina masutya.

2 Zinghomo 18:15

Ninga Ahabu yakamupitula Mikaya yakamutya, “Gwe Mikaya, hono wuwe wukulonganila nane mwi'tagwa lyo Muwaha Mulungu, yikunojeye wunonjele ze mbeka! Ne nghani yiyi, nha nghulonjeye kali kenji muno?”

Zabuli 38:4

No wubi wangu wungubicize, wanhulila, wawa nha mutegulo muzito muno muno.

Wutuluce 22:11

Ale, wilahize wa hali Muwaha Mulungu wuwo du wo wolamula hali wene, no kulajila vyono yuyo mukozwa si yayihizize yiyo sawo yo muyagwe. Nayo munya sawo yimunojeye yawubocele wilahize wuwo. No mukozwa nayo, hodu si kolipa cinji yaye.

Zimbazi 29:24

Nayo u muyagwe no muhizi, kesuzaga wumi wakwe. Na hono yalonje ze mbeka mu mahakama, kotuga wulipicizwe. Nayo hono yalece kwituma nhavivyo, Mulungu komulijita.

Zimbazi 30:9

Ku soko hono niwe nina ndigwa nyinji, ndahile kutya “Muwaha Mulungu yo nani?” Ninga kanyhi hono niwe nili muciwa, nohiza no kulitoyula litagwa lyakwe.

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

Yelemiya 23:10

Alu yisi yose yimemile i wanhu wono si wehuwilwa kuli Muwaha Mulungu, hambi wanhu nha wekaye mu mikalile yo wituma ze metumo mabi, ne vilungo wasoceye. Nalu yisi yikulila ku soko ye lilijito lyo Muwaha Mulungu, no wudimo wose wakondya kunyala.

Ezekiyeli 18:20

Langa mono yakwituma wubi, ale, yuyo du yo kofwa. Umwana, si kofwa so wubi wo sogwe, hamba sogo yo munhu nayo, si kofwa yaye ku soko yo wubi wo mwanagwe. U munhu muswanu kohumbilizwa so wituma ziswanu wakwe. No munhu mwituma zimbi, nayo kofwa so wubi wono ketumaga.

Ezekiyeli 18:4

Hambi u wumi we wanhu wose, nha wangu nene. U wumi wo mulezi, sunga no wumi wo mwana. Holeka u munhu mono kokwituma wubi, yuyo yo kofwa.

Walawi 17:16

Na hono yalece kuwutyatya wulajilize wuwu, munhu yuyo kolipicizwa.

Walawi 19:8

Nayo munhu wowose hono yayilye nyama yiyo, hobaho kowa musutyi, vyono kenjiza liwifyo muli zo Muwaha Mulungu zono zelile. No munhu yuyo si kowalilizwa kanyhi hamonga ne wanhu wo Mulungu.

Walawi 20:17

“Na hono munhu yamutole lumbulye hamba u lumbulye mono wahanjile sogo yawo hamba nyina yawo, wanojeye wakozwe cevu calinze, kanyhi wakomwe mu mhuga. Hambi nha vigona no lumbulye, holeka wanojeye wawubocele wulipicizwe wayo.

Walawi 4:2

“Yawalonjele wanhu wa Isilayeli vyono, munhu wo wose mono kosutya, no kubena lilajilizo limonga, lya muli malajilizo go Muwaha Mulungu wula kumanya, munhu yuyo yowa yimunojeye yatyatye wulajilize awuno.

Walawi 5:15

Hono munhu yasutye wula kumanya, so wulemwa kuleta cilavywa co wusutye, cono cisiwanuliywe Muwaha Mulungu, ale, munhu yuyo yanojeye yalete nduwilu nhelevu, yono yisina cilema co cose, hamba mhene yono yisina cilema. Ne cifo cayo, ciweze ce nghango ye mapesa gono gakwitumamilwa mwi 'Hema lyono lyelile.

Walawi 5:17

“Hono munhu yasutye wula kumanya, yabene lilajilizo limonga lya muli malajilizo go Muwaha Mulungu, ale munhu yuyo kowalwa musutyi, yimunojeye yalavye cilavywa co wusutye.

Walawi 7:18

Vyono nyama yiyo yono yowa yikali yisigaye sunga mwi'zuwa lye kadatu, hono yiligwe, Mulungu nayo hamba si kocivumila cilavywa cico co munhu yuyo. Ne cilavywa cico hamba si cosuma kuwalwa vyono yakondya kuhaliza, langa cowa iwifyo du, no munhu wo wose mono koyilya nyama yiyo, kotuga wulipicizwe so nghani yiyo.

Wuwale 9:13

Ninga langa, munhu wo wose mono si yeyavufye, kanyhi hamba si yali mu muhinzo kutali, nayo ho yalece mweneco ne nyono kuyinoza Pasaka. U munhu yuyo, si kowalilizwa hamonga ne wanhu wangu yaye. Hambi nha si yandavizye cilavywa cangu mu cipango cayo. Holeka munhu yuyo kokwidinghulila wulipicizwe wo wubi wakwe mweneco.

Matayo 26:63

Ninga Yesu yakanyamala twii du. Nayo u Mukohani Muwaha yakamutya, “Nghukwilahiza kuli u Mulungu mumi, wucilonjelaje hono yo gwegwe Kilisito u Mwana wo Mulungu!”

1 Petelo 2:24

U mwene yawudinghulila u wubi wetu mu muwili wakwe mu musalaba, ho cisume kufwa ku lubavu lo wubi, no kuwumipila ku wiling'ano. Na muzinghomele zakwe, anye mo mwaponyezwa.

Walamuzi 17:2

Yakamulonjela nyina yakatya, “Fweza zi zilya elufu monga ne ligana limonga zono wahizizwa, nane nghakuhulika nha vyono wakumulijitiza u muhizi mono yahiza, langa ta! Zo azi nina nazo, yo nene mono nazisola.” Unyina yakamutya, “Gwe mwanangu, u Muwaha Mulungu yalumbwe, kanyhi yakulugute!”