Walawi 4:7 - Luganuzi Luswanu Kuli Wanhu Wose 2002

⁷ Hanyuma yuyo mukohani yasole sakami yinji kanyhi, yayitajile mu mahembe ge cikumbicilo, mu zinhuzi zose ze cikumbicilo co kufusiza wuvumba mumo mugati ye Lihema. Ne sakami yono yowa yikali yisigaye, yayite hasi ha cikumbicilo ce vilavywa vinyanywe cono cili hanze yo mulango we Lihema lyono lyelile.

Walawi 4:7 ပူးပေါင်းရင်းမြစ်များ

Zabuli 118:27

Muwaha Mulungu, yo Mulungu du yali wene, nayo kacimulicilaga mu wuswanu. Holeka ale mwibataje manhambi, mu miwoko yenyu, musangalale, mujendele hamonga sunga ko ku cikumbicilo.

Wutuluce 29:12

Wuwe kusola sakami ndodo no kuyibaka mu zinhuzi ze cikumbicilo kwe cidole cako, ne sakami yose yono yosigala, wuyimwagaje baho hasi ye cikumbicilo.

Walawi 1:5

Nayo koyiwulajila ng'ombe yiyo baho hali Muwaha Mulungu. Nawo wana wa Haluni i wakohani, woyilavya sakami yayo kuli Muwaha Mulungu, hanyuma wawe kuyimiza mu cikumbicilo cono cili ha mulango we Lihema lyono lyelile, mbavu zose vyono yine.

Walawi 16:18

Hanyuma ho kosuma luno kubita ku cikumbicilo ca kunze, co kulavizya cilavywa cinyanywe, no kucinozeza wilamule. Ninga yimunojeye Haluni, yasole sakami ndodo ye nzeku, hamonga ne sakami ndodo ye mhene, yayitajile mu mahembe ge cikumbicilo mbavu zose vyono yine.

Walawi 4:18

Kanyhi yayitajile sakami yinji mu mahembe ge cikumbicilo, mu zinhuzi zose ze cikumbicilo co kufusiza wuvumba mumo mugati ye Lihema. Ne sakami yono yowa yikali yisigaye, yayite hasi ha cikumbicilo ce vilavywa vinyanywe, cono cili hanze yo mulango we Lihema.

Walawi 4:25

Nayo mukohani yazabice cidole cakwe mu sakami yiyo ye mvulati, yayibace mu mahembe ge cikumbicilo, mu zinhuzi zose vyono yine, hanyuma sakami yono yisigaye yayite baho hasi ye cikumbicilo.

Walawi 4:30

Nayo mukohani yazabice cidole cakwe, mu sakami yiyo ye mhene, yayibace mu mahembe ge cikumbicilo, mu zinhuzi zose vyono yine, hanyuma sakami yono yowa yisigaye, yayite baho hasi ye cikumbicilo.

Walawi 4:34

Nayo mukohani yazabice cidole cakwe mumo mu sakami ye ngholo yiyo, yayibace mu mahembe ge cikumbicilo, mu zinhuzi zose vyono yine, hanyuma sakami yono yowa yisigaye, yayite baho hasi ye cikumbicilo.

Walawi 5:9

yayimize sakami yayo yinji mu lubavu lwe cikumbicilo. Ne sakami yono yowa yikali yisigaye, yayisuluze baho hasi ye cikumbicilo. Ne sakami yiyo, cowa co cilavywa co wubi.

Walawi 6:30

Ninga hono sakami yo mutugo wuwo yinjizwe mwi 'Hema no kwitumamilwa so mulimo wo kunoza wilamule, hodu nyama yayo yilece kuligwa na munhu yaye, langa yikongogwe yose mu moto.”

Walawi 8:15

Musa yakawa kuyisola ng'ombe yiyo, yakawa kuyiwulaga. Yakayisola sakami yayo, yakayibaka mu mahembe ge cikumbicilo gose vyono mane kwe cidole cakwe, yakaceza cikumbicilo. Hanyuma i sakami yono yali yikali yisigaye, yakawa kuyita baho hasi ye cikumbicilo. Na mu nzila yiyi, yakawa yacisiwanula no kuceza cikumbicilo.

Walawi 9:9

Nawo wanagwe, wakawa kumupeleza sakami, nayo yakawa kuzabika cidole cakwe mu sakami, yakawa kuyimiza mu mahembe, mu zinhuzi zose ze cikumbicilo. Na yono yali yisigaye, yakayita hasi ye cikumbicilo.

Waefeso 2:13

Ninga alu vyono mwelunza na Kilisito Yesu, anye mono mwali kutali ha mwamulizo, mwasejelezezwa mu nzila ye sakami ya Kilisito.

Wahebelaniya 9:15

Holeka Kilisito yo munoza i cilagane cipya mono wa walya wono wacemwa no Mulungu, ho wawubocele wihuwizo wono wehuwizwa wo wuhazi we cibitilila. Vyono i lifwa lyakwe likuwakomboza wanhu mu wulawa mu masutya ga galya gono wasutya mwidaha li lilya lye cilagane cilongozi.

Wahebelaniya 9:21

Musa yakalimiziza sakami lililya lihema nhavivilya hamonga ne viya vyo witumami.

Wugubule 6:9

Hanyuma kanyhi u Mwana we ngholo yakacinamatula i cinamatizo ce hano. Ale, hasi ye cikumbicilo co kufusiza wuvumba, nghawona awalya wono wawulagwa ku soko ye nghani yo Mulungu, na ku soko yo kuyiganula.