Walawi 4:3 - Luganuzi Luswanu Kuli Wanhu Wose 2002

³ Hono yiwe mukohani mweneco yo yasutya no kuwasutizya wanhu, yowa yimunojeye yalavye nzeku nhelevu, yamulavizye Muwaha Mulungu so wubi wuwo wono yawitumile.

Walawi 4:3 ပူးပေါင်းရင်းမြစ်များ

2 Zinghomo 29:21

Wakaleta ng'ombe zinume mupunghati, ne zingholo zinduwilu mupunghati, ne zinyana zayo nazo mupunghati, na mvulati mupunghati, ziwe cilavywa co wubi ku so mhuga yo mutemi, na ku soko ye wanhu wa Yuda, hamonga no wezwe we Nyumba yo Mulungu. Mutemi yakawalajiliza wakohani i wana wa Haluni, wazilavye zimitugo zizo zose, makumbiko mu cikumbicilo.

Ezila 8:35

Nawo wose wono wawuya ku wulawa ku wuhamywe, waleteleza hamonga ne vilavywa vyo kunyanywa, liwe yikumbiko kuli Mulungu we Waisilayeli. Walavya nghongolo yikumi na nyejete, so Waisilayeli wose, na nduwilu makumi 'cenda na mutandatu, na nyana ze zingholo makumi mupunghati na mupunghati. Kanyhi walavya hamonga na mhene mvulati, yikumi na nyejete so cilavywa co wubi. Ne mitugo yiyi yose, yikawa cilavywa cinyanywe kuli Muwaha Mulungu.

Wutuluce 29:14

Ninga i nyama ye nzeku yiyo, ne nyhingo yayo, no wutope wayo, wuvisolaje wukaviticimizize mu moto kunze ye nghambi yenyu. Na yiyo, co cilavywa co wubi.

Wutuluce 29:21

Kanyhi wusole sakami ndodo yono yili mu cikumbicilo, wusole ne mafuta go kusiwanulila, wumumizize Haluni hamonga ne vivwalo vyakwe, i wanagwe, nawo nhavivyo, hamonga ne vivwalo vyawo. Nayo Haluni hamonga ne wanagwe, hamonga ne vivwalo vyawo vyose, wowa wakondya kusiwanulilwa kuli'ne mu nzila yiyo.

Wutuluce 29:7

Na kolo wakondya kuzinoza zizo zose, wusole mafuta gagalya go kusiwanulila, i mafuta go witile, wumujidile Haluni mu mutwe wakwe, no kumubaka mafuta so wusiwanulwe wakwe.

Wutuluce 30:10

Nayo Haluni yimunojeye yawe kunozeza wilamule mu mahembe gaco, mu mwaka kamonga. Nayo konozeza wilamule mu nzila ye sakami ye cilavywa co wubi, mu mwaka kamonga, mu zindelo zenyu zose. Ne cikumbicilo cico kuli'ne, cowa celile muno muno, ane no Muwaha Mulungu.”

Ezekiyeli 40:39

Na ha balaza yo kwambila lubeho, hali ho zili meza yine. Nazo zali mbice nyejete ku lubavu aluno, ne zinyejete nazo, ku lubavu aluno baho ha balaza. Nawo, mu zi meza zizo, mo waziwulajilaga zimitugo ze vilavywa vye makumbiko, hamba ze vilavywa vinyanywe, hamba ze vilavywa so wubi, hamba ze vilavywa vyo mulamu.

Ezekiyeli 43:19

Ne wakohani wo mulango wa Lawi, wo lulelo lwa Zadoki, wo wawo du wono wanojeye wanyizize no kunyitumamila'ne. Ane yo nene Muwaha Mulungu mono nghuzilajiliza zizi. Yikunojeye wuwapele ng'ombe nzeku ndodo, yo yiwe ye cilavywa co wubi.

Ezekiyeli 44:27

hanyuma ho yenjile mwi'kumbo lya mugati lya mu Nyumba yo Mulungu, yalavye cilavywa cakwe co wubi. Nayo mu nzila yiyo, ho kosuma kwitumama kanyhi mu Nyumba yo Mulungu. Vyo nghutya ane no Muwaha Mulungu.

Walawi 1:10

“Na hono munhu yawe kulavya cilavywa ce ngholo hamba mhene, yimunojeye yalavye nduwilu hamba mvulati yono yisina cilema cinji.

Walawi 1:3

“Na hono yawe yakulavya ng'ombe yakwe, yiwe lyo likumbiko lye cilavywa cinyanywe, yimunojeye yalavye ng'ombe nume, yono yisina cilema cinji. Yayilete ha Mulango we Lihema lyono lyelile, no Mulungu nayo ho kosuma kumubocela.

Walawi 16:11

Na lono Haluni yakulavya nzeku, cilavywa co wubi kuli mwene hamonga ne mhuga yakwe,

Walawi 16:3

Nayo kosuma kwinjila i Hanhu hono helile, helile muno, lono yena ne nzeku ye cilavywa co wubi, ne nduwilu so cilavywa cinyanywe.”

Walawi 16:5

Nawo mhuga ye Waisilayeli, wamuletele Haluni mvulati nyejete, so cilavywa co wubi, na ngholo nyejete so cilavywa cinyanywe.

Walawi 16:6

Nayo Haluni yalavye nzeku so cilavywa co wubi wakwe yenozeze wilamule, hamonga na we mhuga yakwe.

Walawi 4:14

no wubi wuwo vyono wukumanyika du, ale mhuga yose walete nzeku lwa kamonga, wayilavye cilavywa co wubi. Wayilete sunga he 'Hema lyono lyelile.

Walawi 4:23

ale, yimunojeye baho baho du lono yakumanya vyono yasutizye, yalavye cilavywa ca mvulati nhelevu yono yisina cilema co cose.

Walawi 4:28

yimunojeye baho baho du lono yakumanya vyono yasutizye, yalavye cilavywa ce mhene nyhekulu nhelevu yono yisina cilema co cose.

Walawi 4:5

Hanyuma yayisole sakami nyhefu ya yiyo nzeku, yayitegule mwi 'Hema mugati.

Walawi 5:6

kanyhi yimunojeye yalavye ngholo nyhekulu hamba mhene, yiwe co cilavywa cakwe co wubi wakwe kuli Muwaha Mulungu. Nayo mukohani komunozeza munhu yuyo wilamule, so wubi wakwe.

Walawi 6:18

Na mu vilo vyose vyono vikuza, i wana wose wa Haluni wowa kulya, nalyo lyowa lyo ligawo lyawo lyono lyojendelela, lye ndigwa yono yilavigwe kuli Muwaha Mulungu. Na munhu wo wose mono koyipamiza ndigwa yiyo yono yilavigwe, u munhu yuyo kotamiswa ne ndigwa yiyo ku soko yo wele wayo.”

Walawi 8:12

Musa yakamusiwanula Haluni ko kumwitila mafuta go witile mu mutwe wakwe.

Walawi 9:2

Yakawa kumulonjela Haluni yakatya, “Ale, wulete nzeku hamonga ne nduwilu nhelevu vyono visina cilema co cose, wuvilavye kuli Muwaha Mulungu. Wulavye nzeku so cilavywa co wubi, nayo nduwilu yiwe so cilavywa cinyanywe.

Walawi 9:3

Hanyuma wuwalonjele nawo wanhu wa Isilayeli, walete mvulati so cilavywa co wubi, kanyhi walavye ne nyehe ya mwaka monga, ne nyana ye ngholo ya mwaka monga, zono nhelevu zisina cilema co cose, viwe so cilavywa cinyanywe.

Wuwale 16:22

Ninga Musa na Haluni wakenama sunga no wusu wawo wukapamiza ho hasi, wakatya, “Gwe go Muwaha Mulungu, nha yo gwegwe du mono yo ndawililo yo wumi wose. Alu hono munhu monga yasutye, agwe hodu kowakolelwa likuwo mhuga yose?”

Wuwale 8:8

Hanyuma walete nzeku yono yikali ndodo ndodo, hamonga ne cilavywa cono cikusakwa co wusaje wono wunamuce, weze wusaje wono wuhanjile ne mafuta. Nagwe wulete nzeku yinji kanyhi so cilavywa co wubi.

Walumi 8:3

U Mulungu yaketuma, yono u Wulajilize si wasuma kwituma so wusocele wo munhu. U Mulungu yakamutuma u mwanagwe, mu hwani yono yiling'aniye no muwili wetu ase co wanyo wubi, ho vidome no wubi, na so muwili wuwo, yakawusuma u wubi.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wiling'ano wo Mulungu.

Wahebelaniya 5:3

Vyono na mweneco nayo musocele, holeka yimunojeye yalavye likumbiko, si ku soko ye wanhu du, langa na ku soko yo wubi wakwe mweneco.

Wahebelaniya 9:12

U Mwene yenjila i Hanhu Hono Helile kamonga du, kanyhi hamba si yasoleleza ne sakami ye mhene, hamba ya ng'ombe, langa yenjila so sakami yakwe mweneco, yakaciletela u wukombozi we cibitilila.