Walawi 4:12 - Luganuzi Luswanu Kuli Wanhu Wose 2002

¹² avi vyose yavisole yavitegule kunze ye nghambi, i hanhu haswanu hono wagamwagaga mavu, yavikongojele baho mucanyha ye zingwagu.

Walawi 4:12 ပူးပေါင်းရင်းမြစ်များ

Wutuluce 29:14

Ninga i nyama ye nzeku yiyo, ne nyhingo yayo, no wutope wayo, wuvisolaje wukaviticimizize mu moto kunze ye nghambi yenyu. Na yiyo, co cilavywa co wubi.

Ezekiyeli 43:21

Hanyuma yayo wuyisole yiyo nzeku yono yilavigwe yikumbiko, so cilavywa co wubi, wuyikongojezeze i hanhu hono hahagulwa, kunze ye Nyumba yo Mulungu.

Walawi 13:46

Nayo kojendelela kuwa mwavufywe mu vilo vyakwe vyose vyono yakali mutamwa. Kanyhi yimunojeye munhu yuyo, yekale kunze ye nghambi kutali ne wayagwe.

Walawi 16:27

Nayo nzeku, hamonga ne mvulati zono zitumamiywe mulimo we cilavywa co wubi, zono ne sakami yazo yitumamilwa mugati mu Hanhu hono helile, helile muno, so kuleta wilamule, zizo zisolwe zitegulwe kunze ye nghambi, zibite zikakongogwe kuko. Nyama yazo, ne nyhingo, ne matumbu gazo, vyose vinojeye vikongogwe.

Walawi 4:21

Hanyuma yayisole nzeku yose mututu, yayitegule kunze ye nghambi, yakayikongojele kuko, yanoze nha vyono kakongogaga nzeku yono kalavyaga so wubi wakwe mweneco. Na cico co cilavywa co wubi so mhuga yenyu yose.

Walawi 6:23

Kanyhi hasina cibegulwa co cose ca mu cilavywa co wusaje, cono mukohani yatelece, cono cosuma kuligwa, langa cinojeye cilavywa cico cikongogwe cose.”

Walawi 6:30

Ninga hono sakami yo mutugo wuwo yinjizwe mwi 'Hema no kwitumamilwa so mulimo wo kunoza wilamule, hodu nyama yayo yilece kuligwa na munhu yaye, langa yikongogwe yose mu moto.”

Walawi 6:4

Na hono munhu yasutye nghani monga muli zizi, yimunojeye munhu yuyo yahalize co cose cono yena, ku soko yo wula wihuwilwa wakwe.

Walawi 8:17

Yakawa kusola kanyhi sunga ne nyama yono yali yisigaye, hamonga ne nyhingo yayo, no wutumbu wayo, yakawa kubita kuvikongojela kunze ye nghambi, nha vyono Muwaha Mulungu yamulajiliza.

Walawi 9:11

Ninga nyama yose ne nyhingo yayo, avyo yakavikongojela kunze ye nghambi.

Wuwale 15:35

Muwaha Mulungu yakamulonjela Musa yakatya, “U munhu yuyo, yanojeye yawulagwe, yategulwe kunze ye nghambi, ne mhuga yose wamutowangaje ne mabwe sunga yafwe.”

Wuwale 19:3

wamupele Eleyezali u mukohani. Nayo ndama yiyo yitegulwe kunze ye nghambi, yikawulajilwe ha mwande ya Eleyezali mukohani.

Wuwale 19:5

Nayo nyama yose ye ndama yiyo, hamonga no mukunza wayo, ne sakami yayo, hamonga no wutumbu wayo, vyose vikongogwe mu moto ha mwande yo mukohani.

Wuwale 5:3

I wanhu wose we liwala lilyo wono weyavufye, wunojeye wuwakome, wuwategule kunze ye nghambi, ho walece kuyihodanga nghambi, mono nikaye 'ne, hamonga ne wanhu wangu.”

Wahebelaniya 13:11

U Mukohani Muwaha we Ciyahudi, kaletaga i sakami ye mitugo, i Hanhu Hono Helile, no kulavya makumbiko ku soko yo wubi ninga i zinyama ze mitugo zizo nha zikuwa kuticimizizwa kunze ye nghambi.