Walawi 3:9 - Luganuzi Luswanu Kuli Wanhu Wose 2002

⁹ Ninga mhama yose yo mutugo wuwo, hamonga no mucila wayo wose wono mudumulile ha cigugu ce ngholo, ne mhama yose ya mu wutumbu,

Walawi 3:9 ပူးပေါင်းရင်းမြစ်များ

2 Samwili 6:17

Wakawa kulileta Lisanduku, wakaliwika mwihema lyono Dawudi yali yaliwikanize so mulimo wuwo. Hanyuma, yakalavya makumbiko, hamonga ne vilavywa vyo mulamu, kuli Muwaha Mulungu.

1 Watemi 3:15

Solomona nhondo yakawa kusinhuka mu zinhongo, ninga yakamanya nha vyono, Mulungu kalonganila nayo mu zindoto. Hodu, yakawa kubita ku Yelusalemi, yakema ha mwande ye Lisanduku lye Cilagane, yakamulavizya Muwaha Mulungu vilavywa vinyanywe, hamonga ne vilavywa vyo mulamu. Hanyuma ya zizo, yakawanozeza sikukuu mbaha ya ndigwa i wetumami wakwe.

1 Watemi 8:63

Yakalavya yitewa lya ng'ombe zificile elufu makumi mejete na nyejete, hamonga na ngholo elufu yigana limonga na makumi mejete, ku so cilavywa co mulamu. Hanyuma nhondo, mutemi hamonga ne wanhu wose, wakayisiwanula Nyumba yo Mulungu.

1 Watemi 8:64

Na mwizuwa lilyo du, yakalisiwanula ne likumbo lya hagati, lyono lyali ha mwande ye Nyumba yo Mulungu, yakalavya baho ne makumbiko ge cilavywa cinyanywe, ne vilavywa vyo wusaje, ne mhama ye zimitugo so cilavywa co mulamu. Nayo yanoza zizino vyono cikumbicilo ce shaba cali cidodo ku wulavizya vilavywa vivino vyose.

1 Zinghomo 16:1

Wakalitegula Lisanduku lye Cilagane, wakalinjiza mwihema lyono Dawudi yali yakondya kuliwikaniza so mulimo wuwo. Hanyuma ya zizo, wakalavya makumbiko, hamonga ne vilavywa vyo mulamu kuli Mulungu.

Wutuluce 29:22

“Kanyhi wuwe kusola mhama ye nduwilu yiyo, hamonga no mucila wayo, ne mhama yose yono yifunicize wutumbu, ne nhandamala yono yili mwi'toga, hamonga ne zifigo zi nyejete, ne mhama yayo, wusole ne cima co mugulu wo kulume. Hambi nduwilu yiyo nha yo yo mulimo wo kusiwanula.

Zimbazi 23:26

Gwe mwanangu, wuhulicizaje. Ne mikalile yangu yiweze colecezo kuli'gwe.

Isaya 53:10

Muwaha Mulungu yakutya nhavi, “Nene no mweneco nali nyendile yagazwe, ne lifwa lyakwe, lyali lyo likumbiko lyono likuleta wunenelwe wo wubi. Nayo kowawona wanagwe, kanyhi kokwikala vilo vinji. Na muli mwene, wuhile wangu mo wofisilizizwa.

Walawi 17:5

Ne nhunizo ye lilajilizo lili, yoyi, i wanhu wa Isilayeli ku wulawa zuwali, weze kuzileta mitugo zawo kuli Muwaha Mulungu, mitugo zono waziwulajilaga ako na ako mu'si. Alu yiwanojeye wazilete zose kuli mukohani, ha mulango we Lihema lyono lyelile. Nawo waziwulajile baho, so cilavywa co mulamu.

Walawi 7:3

Mhama yayo yose, yinojeye yiwuswe yilavywe mu cikumbicilo, hamonga ne mhama ya mu mucila wayo, ne mhama ya mu wutumbu,

Walawi 8:25

Hanyuma yakawa kuyisola mhama, no mucila wayo, ne mhama yono yifunicize wutumbu, ne nhandamala yono yili mwi'toga, ne zifigo, ne mhama yayo hamonga ne cima co mugulu wo kulume.

Walawi 9:19

Hanyuma yakawa kuyisola mhama yose ye nzeku, yakayiwika mugati mu ng'hwa yayo, mhama ye nduwilu, nayo yakayiwika mugati mu ng'hwa yayo.

Wuwale 7:88

Kanyhi na mvulati yikumi na nyejete so cilavywa co wubi. Hamonga na nzeku yine na nduwilu makumi mutandatu, na mvulati makumi mutandatu, hamonga na nyana za ngholo makumi mutandatu za mwaka monga monga, so cilavywa co mulamu.

1 Samwili 10:8

Hanyuma wunongolele wubite ku Giligali, nane nokwagana kuko, nagwe kolo wafika kuko, wulavye makumbiko manyanywe, hamonga ne makumbiko go mulamu. Hanyuma wikale baho vilo mupunghati, sunga kolo neza kuza, nghulonjele kanyhi zono zinojeye witume.”