Walawi 3:5 - Luganuzi Luswanu Kuli Wanhu Wose 2002

⁵ Nawo wakohani wavikongojele vivyo vyose mu cikumbicilo hamonga ne vilavywa vinyanywe. Ne mhunjile ye cilavywa ce ndigwa yiyi, yikwendeza muno kuli Muwaha Mulungu.

Walawi 3:5 ပူးပေါင်းရင်းမြစ်များ

1 Watemi 8:64

Na mwizuwa lilyo du, yakalisiwanula ne likumbo lya hagati, lyono lyali ha mwande ye Nyumba yo Mulungu, yakalavya baho ne makumbiko ge cilavywa cinyanywe, ne vilavywa vyo wusaje, ne mhama ye zimitugo so cilavywa co mulamu. Nayo yanoza zizino vyono cikumbicilo ce shaba cali cidodo ku wulavizya vilavywa vivino vyose.

2 Zinghomo 35:14

Na lono zizi zali zeza kukondya, i Walawi nawo, ho wakawa kwigawila nyama weneco, hamonga ne wakohani wo lulelo lwa Haluni. Hambi i wakohani nha wepiganzaga muno, sunga cilo cinala, waswezaga wakukongoga mitugo mututu ye vilavywa vinyanywe, hamonga ne zimhama ze makumbiko.

Wutuluce 29:13

Kanyhi wusole mhama yose yono yifunicize wutumbu, ne nhandamala yono yili mwi'toga, hamonga ne zifigo zi nyejete, hamonga ne mhama yayo. Na vivyo vyose wuviticimizize mucanyha ye cikumbicilo.

Ezekiyeli 44:15

Kanyhi u Muwaha Mulungu yakatya, “Ale, wawo i wakohani Walawi, wo mulango wa Lawi, wo lulelo lwa Zadoki, wo wawo du wono wojendelele kunyitumamila mu Nyumba yangu ko wihuwilwa, hambi i wanhu wanji wa Isilayeli nha wakondya kwajilila no kundeka. Holeka wo wawo du wo lulelo lwa Zadoki, wono wosuma kunyitumamila no kusejelela hali'ne wawe kundavizya mafuta hamonga ne sakami vye makumbiko.

Ezekiyeli 44:7

Hambi nha wawenjiza mu Nyumba yangu i wajenzi wono si walame, wono wasina cihuliko kuli'ne, ho wawe mugati, mwi'pango lono wakundavizya mafuta ne sakami vye makumbiko, vyono vikulavywa kuli'ne. Na mu nzila yiyo, wakawa kuyavufya Nyumba yangu. Holeka i wanhu wangu wakondya kucibena i cilagane, ku soko ye makani gawo gose ge mawifyo gono wakwituma.

Walawi 1:13

Ninga munhu yuyo, yamule yavikweme ne malenga, wutumbu hamonga ne vima. Nayo mukohani ho yalilete likumbiko lilyo hali Muwaha Mulungu, yalikongoje mu moto mucanyha ye cikumbicilo. Ne mhunjile swanu muno ye cilavywa cico, yikwendeza muno kuli Muwaha Mulungu.

Walawi 1:17

Hanyuma yayitandakule ndeje yiyo mabawa gayo no kuyikata, ninga yalece kugadumula mabawa gayo. Hanyuma yawe kuyikongoga yose mu moto mucanyha ye cikumbicilo. Ne mhunjile swanu muno ye cilavywa cico, yikwendeza muno kuli Muwaha Mulungu.

Walawi 1:9

Kanyhi yimunojeye munhu yuyo, yasole wutumbu, hamonga ne vima, ne viwoko vye ng'ombe yiyo, yavikweme ne malenga. Nayo mukohani, yacikongoje cilavywa cose hamonga, mu moto mucanyha ye cikumbicilo. Ne mhunjile swanu muno ye cilavywa cico, yikwendeza muno kuli Muwaha Mulungu.

Walawi 3:11

Nayo mukohani mono yakulongoza wuhembi, yavikongojele vyose mu cikumbicilo, yiwe yo ndigwa ndavye kuli Muwaha Mulungu.

Walawi 3:4

hamonga ne zifigo ne mhama yayo, ne nhandamala yono yili mwi'toga, yiwe ndigwa ye cilavywa kuli mwene.

Walawi 4:31

Hanyuma yawe kuyiwusa mhama yayo yose, nha vyono kanozaga mhama ye mitugo zose, zono zikuwa kulavywa no kuwulagwa so vilavywa vyo mulamu. Nayo mukohani yayikongojele mu cikumbicilo. Mhunjile yayo ho yimwendeze Muwaha Mulungu. Na mu nzila yiyi, mukohani mo komunozeza wilamule so wubi wo munhu yuyo, no munhu yuyo konenelwa wubi wakwe.

Walawi 4:35

Hanyuma yawe kuwusa mhama yayo yose, nha vyono kanozaga mhama ye zingholo, zono zikuwa kulavywa no kuwulagwa, so vilavywa vyo mulamu. Nayo mukohani yawe kuyikongojela mu cikumbicilo, hamonga ne cilavywa ce ndigwa yono yilavigwe kuli Muwaha Mulungu. Na mu nzila yiyi, mukohani mo komunozeza wilamule so wubi wo munhu yuyo, no munhu yuyo konenelwa wubi wakwe.”

Walawi 6:12

Nawo moto wono wuli mu cikumbicilo, awo weze kujendelela kwaka du, wulece kulecelezwa hamba hadodo wuzime. Nayo mukohani yeze kujendelela kutajila zingwagu mucanyha yayo nhondo zose, hakali mitondo, hamonga ne cilavywa cinyanywe mumo mu cikumbicilo, no kukongoga mhama so cilavywa co mulamu.

Walawi 7:28

Muwaha Mulungu, kanyhi yakamupela Musa wulajilize awuno kuli wanhu wa Isilayeli yakatya,

Walawi 9:17

Yakaleta ne cilavywa co wusaje, yakawumemya mwi 'ganza, yakawukongoga mu cikumbicilo. Na yiyi yali nyonjeza ye cilavywa cinyanywe ce nhondo zose.

Wuwale 15:8

Na hono yiwe nghongolo yo yikulavywa kuli Muwaha Mulungu nha cilavywa cinyanywe, hamba nha cilavywa co wufisilize wo wilahize, hamba lunji so cilavywa co mulamu,

Wuwale 18:17

Ninga zinyana zinongozi kulelwa ze zing'ombe, na ze zingholo, na ze zimhene, azo si zinojeye zikombozwe yaye, hambi azo nha zangu nene no mweneco, hambi nha zinojeye zilavywe yikumbiko. Ne sakami yazo wunojeye wuyimizize ha cikumbicilo, ninga mhama yayo, wuyikongoje mu moto, yiwe cilavywa ce ndigwa, ne mhunjile yayo yikunyendeza ane muno.

Wuwale 28:12

Na vyono co cilavywa co wusaje, holeka wulavye wusaje wono muhanzahanze ne mafuta. Wulavye kilo yidatu zo wusaje, hamonga na nzeku monga monga, nzeku na kilo yidatu za wusaje. Nazo zinduwilu, ziweze nduwilu monga na kilo nyejete zo wusaje.

Wuwale 28:3

Navyo avino vyo vilavywa vye ndigwa, vyono vinojeye wamulavizye Muwaha Mulungu so cilavywa cinyanywe. Weze kulavya nyana za ngholo nume nyejete za mwaka monga, nhelevu, zono zisina cilema co cose.

1 Petelo 2:5

Ale mubitilenyi mwene nha mabwe momi, mukazenjece, no kuwa nyumba ye cimuhe, mono mosuma kwitumama nhe wakohani wono welile, ku wulavya i makumbiko ge cimuhe gono gakumwendeza Mulungu mu nzila ya Yesu Kilisito.