Walawi 3:2 - Luganuzi Luswanu Kuli Wanhu Wose 2002

² Nayo yuyo munya ng'ombe, yajelece muwoko wakwe mu mutwe we ng'ombe yiyo, hanyuma yayiwulajile ha mulango we Lihema lyono lyelile. Nawo wakohani i wana wa Haluni, wayimize sakami yo mutugo wuwo, mu cikumbicilo mu zimbavu zayo zose vyono yine.

Walawi 3:2 ပူးပေါင်းရင်းမြစ်များ

Wutuluce 29:10

“Na kolo zakondya zizo, ale wuyilete nzeku yiyilya he Hema lyono lyelile. Nayo Haluni hamonga ne wanagwe, wayijelece miwoko yawo mu mutwe,

Wutuluce 29:11

hanyuma nagwe wuwe kuyiwulajila hali Muwaha Mulungu, baho ha mulango we Lihema lyono lyelile.

Wutuluce 29:15

“Kanyhi wusole nduwilu monga ya muli zinduwilu zizilya zi nyejete, wumulonjele Haluni hamonga ne wanagwe, wayijelece miwoko yawo mu mutwe.

Wutuluce 29:16

Nagwe wuyiwulaje, wusole sakami yayo, wuyimize mu cikumbicilo cose mbavu zose.

Wutuluce 29:19

“Hanyuma, wuyisole yi yilya nduwilu nzagwe nayo, wumulonjele Haluni hamonga ne wanagwe, wayijelece miwoko yawo mu mutwe.

Isaya 53:6

Ase wose cinha zingholo zono zajiliye, munhu yakubita na nzila yakwe mweneco. Ninga Muwaha Mulungu yakamulipiciza so sese, u wulipicizwe wono wali wucinojeye sese co weneco.

Walawi 1:11

Nayo yayiwulajile ku lubavu lwe sumuka ye cikumbicilo; Nawo Wakohani i wana wa Haluni, wayimize sakami yayo mu zimbavu zose vyono yine, ze cikumbicilo.

Walawi 17:3

Mwiisilayeli wowose mono kowulaga ng'ombe, hamba ngholo, so kumulavizya Muwaha Mulungu,

Walawi 17:4

hono yalece kuyiwulajila ha mulango we Lihema lyono lyelile, munhu yuyo kowa yabena wulajilize. Kamwaga sakami caka, holeka nayo, si kowalilizwa ne wanhu wo Mulungu.

Walawi 3:3

Hanyuma wamulavizye Muwaha Mulungu mhama yose ya mu'nda,

Walawi 3:8

munhu yuyo yajelece muwoko wakwe mu mutwe we ngholo yiyo, hanyuma yayiwulajile ha mwande ye Lihema lyono lyelile. Nawo wakohani i wana wa Haluni wayimize sakami yayo mu cikumbicilo mu zimbavu zayo zose vyono yine.

Walawi 8:22

Hanyuma Musa yakawa kuyileta nduwilu ye kejete, yono yali cilavywa so wusiwanule. Nayo Haluni hamonga ne wanagwe wakajeleka miwoko yawo mu mutwe we nduwilu yiyo.

Zakaliya 12:10

Kanyhi nowamemya Muhe wo lusungu no Muhe wo wulombe, wose we ndelo ya Dawudi, hamonga ne wanhu wose wa Yelusalemi. Nawo womulanga no kumulilila u munhu mono wamuwulaga, kanyhi womulilila cililo kotya nha wakumukalila u mwana we ciwene. Wolila ko wusungu wuwaha wowa kotya nha wono wamwajilize mwana wawo we ciwene hamba u mwana wawo umulongozi kulelwa.

Wuwale 18:17

Ninga zinyana zinongozi kulelwa ze zing'ombe, na ze zingholo, na ze zimhene, azo si zinojeye zikombozwe yaye, hambi azo nha zangu nene no mweneco, hambi nha zinojeye zilavywe yikumbiko. Ne sakami yazo wunojeye wuyimizize ha cikumbicilo, ninga mhama yayo, wuyikongoje mu moto, yiwe cilavywa ce ndigwa, ne mhunjile yayo yikunyendeza ane muno.

Metumo ge Watumwa 3:15

Mukawa muwulaga ayulya mono yo mwamulizo wo wumi. Ninga Mulungu yamuzukula, nase yo sese mono cili wahomelezi we nghani yiyi.

Metumo ge Watumwa 3:26

Holeka Mulungu yamuzukula Mwitumami wakwe so cambuzi cenyu, yamutuma ho yamuletelenyi wumoteswe wo kumunozenyi mupituce no kugaleka imabi genyu munhu na lwakwe.”

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wiling'ano wo Mulungu.