Walawi 3:16 - Luganuzi Luswanu Kuli Wanhu Wose 2002

¹⁶ Nayo mukohani yavikongojele vivi vyose mu cikumbicilo, yiwe ndigwa ya cilavywa, yono yikwendeza kuli Muwaha Mulungu. Mhama yose yo yo Muwaha Mulungu.

Walawi 3:16 ပူးပေါင်းရင်းမြစ်များ

Mwamulizo 4:4

Habeli nayo, yakamulavizya Mulungu zinyana ze zingholo zinongozi kulelwa, za mwi'tewa lyakwe, zono zijinile viswanu muno muno. Nayo Muwaha Mulungu, yakendezwa muno muno na Habeli, hamonga ne vilavywa vyakwe.

2 Zinghomo 29:35

Hamonga na zizo, lono vilavywa vinyanywe vyalavywaga, i wakohani wo wali wena mulimo wo kukongoga mhama, yono yalavywaga mu wulawa mu makumbiko, gono galizagwa ne wanhu, hamonga no wujidila divayi mu vilavywa vinyanywe vyono vyalavywaga. Na hanyuma ya zizo, wuhembi wukajendelela kanyhi mu Nyumba yo Mulungu.

2 Zinghomo 7:7

Mutemi Solomona, yakahasiwanula ha wuduwilo, wono wali haciligati, ha mwande ye Nyumba yo Mulungu. Hanyuma yakalavya ne vilavywa vinyanywe, ne vilavywa vyo wusaje hamonga ne mafuta ga mu vilavywa vyo mulamu. Nayo yanoza nhavivyo, vyono ci cilya cikumbicilo ce shaba cono yacinoza, cali cidodo muno, si cali cikwile ku wulavizya vilavywa vyose vivyo.

Wutuluce 29:13

Kanyhi wusole mhama yose yono yifunicize wutumbu, ne nhandamala yono yili mwi'toga, hamonga ne zifigo zi nyejete, hamonga ne mhama yayo. Na vivyo vyose wuviticimizize mucanyha ye cikumbicilo.

Wutuluce 29:22

“Kanyhi wuwe kusola mhama ye nduwilu yiyo, hamonga no mucila wayo, ne mhama yose yono yifunicize wutumbu, ne nhandamala yono yili mwi'toga, hamonga ne zifigo zi nyejete, ne mhama yayo, wusole ne cima co mugulu wo kulume. Hambi nduwilu yiyo nha yo yo mulimo wo kusiwanula.

Isaya 53:10

Muwaha Mulungu yakutya nhavi, “Nene no mweneco nali nyendile yagazwe, ne lifwa lyakwe, lyali lyo likumbiko lyono likuleta wunenelwe wo wubi. Nayo kowawona wanagwe, kanyhi kokwikala vilo vinji. Na muli mwene, wuhile wangu mo wofisilizizwa.

Ezekiyeli 44:15

Kanyhi u Muwaha Mulungu yakatya, “Ale, wawo i wakohani Walawi, wo mulango wa Lawi, wo lulelo lwa Zadoki, wo wawo du wono wojendelele kunyitumamila mu Nyumba yangu ko wihuwilwa, hambi i wanhu wanji wa Isilayeli nha wakondya kwajilila no kundeka. Holeka wo wawo du wo lulelo lwa Zadoki, wono wosuma kunyitumamila no kusejelela hali'ne wawe kundavizya mafuta hamonga ne sakami vye makumbiko.

Walawi 17:6

Nayo mukohani yasole sakami, yayimize mu zimbavu zose ze cikumbicilo ca baho ha mulango we Lihema. Hanyuma yayikongoje mhama, ho yilete mhunjile swanu yono yikwendeza kuli Muwaha Mulungu.

Walawi 4:26

Na hanyuma yawe kuyikongoga mhama yayo yose mu cikumbicilo, nha vyono kakongogaga mhama ye mitugo zose, zono zikuwa kulavywa no kuwulagwa so vilavywa vyo mulamu. Na mu nzila yiyi mukohani mo komunozeza wilamule so wubi, no mulongola yuyo konenelwa wubi wakwe.

Walawi 4:31

Hanyuma yawe kuyiwusa mhama yayo yose, nha vyono kanozaga mhama ye mitugo zose, zono zikuwa kulavywa no kuwulagwa so vilavywa vyo mulamu. Nayo mukohani yayikongojele mu cikumbicilo. Mhunjile yayo ho yimwendeze Muwaha Mulungu. Na mu nzila yiyi, mukohani mo komunozeza wilamule so wubi wo munhu yuyo, no munhu yuyo konenelwa wubi wakwe.

Walawi 8:25

Hanyuma yakawa kuyisola mhama, no mucila wayo, ne mhama yono yifunicize wutumbu, ne nhandamala yono yili mwi'toga, ne zifigo, ne mhama yayo hamonga ne cima co mugulu wo kulume.

Walawi 9:24

Nayo Muwaha Mulungu yakagumila moto nhinicizo, wukacitakamiza cilavywa cinyanywe hamonga ne mhama yose ya mu cikumbicilo. Nawo wanhu wali weza kuziwona zizo, wakazozeza wose hamonga, wakafugama, wakenamya wusu wawo sunga ho hasi.

Matayo 22:37

Yesu yakamupitula yakamutya, “Wumwendaje u Muwaha Mulungu wako kwe nhumbula yako yose, na ko mutima wako wose, na kwe mahala gako gose.