Walawi 3:1 - Luganuzi Luswanu Kuli Wanhu Wose 2002

¹ “Na lono yunji yawe yakulavya ng'ombe monga ya mwi'tewa lyakwe, yiwe cilavywa co mulamu, ng'ombe yiyo hono yiwe nume hamba nyhekulu, yeze nhelevu yisina cilema co cose.

Walawi 3:1 ပူးပေါင်းရင်းမြစ်များ

1 Zinghomo 21:26

Yakawa kumuzenjela Muwaha Mulungu cikumbicilo baho, yakamulavizya ne vilavywa vinyanywe, hamonga ne vilavywa vyo mulamu. Hanyuma yakalomba, nayo Muwaha Mulungu yakamuhulika, yakaleta moto wulawa ku wulanga, wukavinyanya vilavywa vyono vyali vili mucanyha ye cikumbicilo.

Wutuluce 20:24

Anye langa munzenjele cikumbicilo ce malongo. Nanye mondavizya mumo i vilavywa vinyanywe, hamonga ne vilavywa vyo mulamu, nha cinji zo ngholo zenyu, hamonga ne zing'ombe zenyu. Nane hanhu ho hose hono nohahagula nene, baho ho mukalombele mwi'tagwa lyangu, nane nomuzizenyi, kanyhi nomulugutizenyi.

Wutuluce 24:5

Hayuma yakawa kuwatuma wazelelo we Ciisilayeli, wakamulavizya Muwaha Mulungu vilavywa vinyanywe, hamonga ne vilavywa vyo mulamu.

Wutuluce 29:28

na vivyo vyowa lyo ligawo lyono kowa kupegwa nhondo zose Haluni hamonga ne wanagwe, ku wulawa kuli wanhu wa Isilayeli. Hambi nha lyo ligawo lye posho ye wakohani yono yowa kulavywa ne wanhu wa Isilayeli, lono wakulavya vilavywa vyo mulamu. Nawo co cilavywa cawo kuli Muwaha Mulungu.

Zimbazi 7:14

“Ane zuwali ndavya vilavywa, holeka ku kaya yangu ko yili nyama ye makumbiko.

Ezekiyeli 43:27

Na kolo vyakondya kupuluta vivyo vilo mupunghati, nawo i wakohani nhondo, ho wokwanza kucitumamila cikumbicilo so mulimo wo kulavya vilavywa vye wanhu, i vilavywa vinyanywe hamonga ne vilavywa vyo mulamu. Nane nhondo ho nokwendezwa nanye wose, yo nene Muwaha Mulungu vyo nghutya.”

Ezekiyeli 45:15

Na Ngholo monga monga mu wulawa mu ngholo magana mejete mejete za mu wudimo wuswanu we Waisilayeli. “Kanyhi yinojeye mulavye ne cilavywa co wusaje, hamonga ne zimitugo so cilavywa cinyanywe, na so vilavywa vyo mulamu, u wubi wenyu ho wusume kunenelwa. Yo nene no Muwaha Mulungu mono nghuzilajiliza zizi.

Walawi 1:10

“Na hono munhu yawe kulavya cilavywa ce ngholo hamba mhene, yimunojeye yalavye nduwilu hamba mvulati yono yisina cilema cinji.

Walawi 1:3

“Na hono yawe yakulavya ng'ombe yakwe, yiwe lyo likumbiko lye cilavywa cinyanywe, yimunojeye yalavye ng'ombe nume, yono yisina cilema cinji. Yayilete ha Mulango we Lihema lyono lyelile, no Mulungu nayo ho kosuma kumubocela.

Walawi 17:5

Ne nhunizo ye lilajilizo lili, yoyi, i wanhu wa Isilayeli ku wulawa zuwali, weze kuzileta mitugo zawo kuli Muwaha Mulungu, mitugo zono waziwulajilaga ako na ako mu'si. Alu yiwanojeye wazilete zose kuli mukohani, ha mulango we Lihema lyono lyelile. Nawo waziwulajile baho, so cilavywa co mulamu.

Walawi 3:6

“Na hono ngholo hamba mhene yiwe yikwitumamilwa mu cilavywa co mulamu, yidahile yiwe nume hamba nyhekulu, ninga yinojeye yiwe nhelevu yono yisina cilema co cose.

Walawi 9:18

Hanyuma yakawa kuyiwulaga nzeku, hamonga ne nduwilu, so cilavywa co mulamu kuli wanhu. Nawo wanagwe, wakawa kumupeleza sakami, nayo yakawa kuyimiza mu zimbavu zose vyono yine ze cikumbicilo.

Walawi 9:4

Walavye kanyhi nzeku ne nduwilu, so cilavywa co mulamu. Kanyhi yiwanojeye walavye likumbiko lilyo kuli Mulungu hamonga ne cilavywa co wusaje wono muhanzahanzwe ne mafuta. Yiwanojeye wazitume zizi, vyono Muwaha Mulungu kokwilajila kuli wene izuwali.”

Amosi 5:22

Hamba mundavizye vilavywa vinyanye na vyo 'saje, ane sinovibocela yaye, sinozibocela hamba ne zimitugo zenyu zono zijinile zono mukundavizya.

Malaki 1:14

Wulijitwe wuli muli mukoci, mono yakundavizya vye mitugo yono yisoceye, na kuno, ho yena ne mitugo miswanu mwi'tewa lyakwe, yono yelahiza vyono komhela 'ne! Hambi 'ne nha nili mutemi Muwaha, ne makungugo gose, wanyogopile nene.”

Malaki 1:8

Alu mwene lono mukundetela cilavywa co mutugo wono wuli cibofu, hamba wono wutamigwe, hamba we cilema, muwa kundavizya likumbiko, mukwihwesa hongo vyono kusina yisutya mu nghani yiyo? Mujele ta kumupela u mulongola we'si, mitugo yono yinha nhavivyo! Wule, mukwihwesa kokwendezwa nanye no kumulumbenyi?”

Wuwale 15:8

Na hono yiwe nghongolo yo yikulavywa kuli Muwaha Mulungu nha cilavywa cinyanywe, hamba nha cilavywa co wufisilize wo wilahize, hamba lunji so cilavywa co mulamu,

Wuwale 6:14

yamulavizye Muwaha Mulungu mitugo midatu, nhelevu, zono zisina cilema co cose. Yalete nyana nume monga, ya ngholo ya mwaka monga, yiwe so cilavywa cinyanywe, na nyana nyhekulu monga ya ngholo ya mwaka monga, yiwe so cilavywa co wubi. Hamonga na nduwilu monga ya mwaka monga, yiwe so cilavywa co mulamu.

Wuwale 7:17

Nzeku nyejete, nduwilu yi hano, mvulati yihano, hamonga na nyana za nghalo nume yihano za mwaka monga, so likambiko lye cilavya co mulamu. Acico cilavywa ca Nasoni mwana wa Aminadabu.

Wuwale 7:59

Nzeku nyejete, nduwilu yihano, mvulati yihano, nyana za ngholo nume yihano za mwaka monga, so likumbiko lye cilavywa co mulamu. Aci co cilavywa ca Gamaliyeli u mwana wa Pedazuli.

Wukumbucize wo Wulajilize 12:27

Mweze kulavizya baho ha cikumbicilo co Muwaha Mulungu, i makumbiko ge vilavywa vinyanywe, ne makumbiko gose, gono anye moyilya nyama yayo no kuyita sakami yayo mucanyha ye cikumbicilo.

Wakolosayi 1:20

Holeka u Mulungu yadumula nghani kuyilamula yinze no mweneco. U Mulungu yakanoza mulamu mu nzila ye sakami ya Kilisito mu musalaba, holeka yakawa yakondya kuvilamula vinhu vyose no mwene, ivinhu vya mono'nze na vya ku wulanga.

Wahebelaniya 10:22

Holeka cimusejelelaje u Mulungu ne nhumbula yo winenenyhezi no wihuwilo wono wumemeleceye, mu nhumbula yono yezigwe mu ciselinji cibi, na mu miwili yono yihovugwe ne malenga mazelu.

1 Yohana 1:3

Cico cono cawona, na cono cahulika, co cikumwanzizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.

Walamuzi 20:26

Lulo kanyhi wanhu wa Isilayeli wakatuluka wakabita ku Beteli, wakalila ko wukalale wuwaha muno muno hali Mulungu. Wakaceha baho hali Muwaha Mulungu hamba siwalya cinji sunga likaswa. Wakalavya hali Muwaha Mulungu cilavywa co mulamu, hamonga ne cilavywa cinyanywe.

Walamuzi 21:4

Hodu wali weza kwela i mitondo yaco hakali mitondo, wanhu wakazenga cikumbicilo baho, wakalavya cilavywa co mulamu hamonga na vilavywa vinyanywe