Walawi 26:9 - Luganuzi Luswanu Kuli Wanhu Wose 2002

⁹ Nane nomulugutizenyi, kanyhi nomupelenyi wana wenji. Nane nocikamisa cilagane cangu cono nalagana nanye.

Walawi 26:9 ပူးပေါင်းရင်းမြစ်များ

Mwamulizo 1:28

U Mulungu yakawalugutiza, yakutya, “Mwilele mwinjipe muno muno, no kuyimemya yinze, no kuyinoza yinze yimuhulicenyi nyenye. Kanyhi muteme mu zisomba ne zindeje zose, na muli viwumbwa vyose vyumi vyono vili mono yinze.

Mwamulizo 17:20

“Na kuli za Ishumayeli, nakondya kuwuhulika u wulombe wako. Holeka nayo nomulugutiza, nane nomupela wana wenji, no kuwenjifya muno muno. Nayo Ishumayeli kowa sogo we watemi yikumi na wejete, nane nomunoza yawe yikungugo yiwaha.

Mwamulizo 22:17

holeka nane mbeka nokulugutiza, no lulelo lwako nolwinjifya luwe lwinji muno muno nhe zinyelezi za ku wulanga, na kanyhi luwe kotya nho muhangha wa mwi'lenga.

Mwamulizo 26:4

Kanyhi nolunoza lulelo lwako, luwe lwinji nha vyono zinha zinyelezi za ku wulanga, hamonga no kuwapela zi'si zizino zose. Kanyhi ne zinghungugo zose zolugutizizwa muli gwegwe,

Mwamulizo 28:14

No lulelo lwako, wowa wenji muno nho muhangha wa mono'nze, nagwe kotandala mose, kumwezi, kucilima, kusumuka, na kutakama. Na muli gwegwe no lulelo lwako, i zinghungugo zose mo zolugutizizwa.

Mwamulizo 28:3

Nayo u Muwaha Mulungu, Mudaha vyose, yakulugutize, ho lulelo lwako lwinjipe muno, no konjelezeka, ho wuwe mhuga mbaha ye wanhu.

Mwamulizo 48:4

yakatya, ‘Lanje ta, ane nokunoza wuwe na ndelo nyinji, kanyhi wonjelezece, na muli gwegwe kanyhi, nonoza mhuga mbaha ze wanhu, nane nowapela yisi yiyi wanago, wayiteme cibitilila.’

Mwamulizo 6:18

Ninga nonoza cilagane hagati yangu na gwegwe. Agwe kokwinjila mugati mu Safina, agwe hamonga no mugolece wako, hamonga ne wanago wose ne wagolece zawo.

1 Watemi 3:8

Nane ahano nili hamonga ne wanhu wono wawahagula wawe wako, i wanhu wono wenji muno muno, wono si wakusumika na kuwuwalwe.

2 Watemi 13:23

Ninga Muwaha Mulungu yakawa yali nheto no lusungu kuli Waisilayeli. Holeka hamba si yawaleceleza wongomezwe yaye. Langa mwene yawataza du ku soko ye cilagane cakwe kuli Abulahamu na Isaka, na Yakobo. Nayo hamba si yawasemwela lukulu wanhu wakwe.

Nehemiya 2:20

Nghawapitula nghatya, “Muwaha Mulungu wa ku wulanga, yo kocisumila muli zose. Ase cili wetumami wakwe, nali caza kulwanza luzengo lulu. Ninga anye nha musina igawo hamba ling'ani hamba cikumbucizo mwi'kaya lya Yelusalemi.”

Nehemiya 9:23

Wukawapela wana wenji muno, wakawa wenji nhe zinyelezi zono zikwijela ku wulanga. Kanyhi wukawasumila no wulugu wawo, wakekala na mu'si yilya yono wawehuwiza vyono kowapela walezi wawo.

Zabuli 107:38

Nayo yakawalugutiza wanhu wakwe, nawo wakonjezeka muno, sunga ne liwalo lye mitugo yawo, nalyo Mulungu yakalyonjeleza muno muno.

Zabuli 89:3

Wukawa kutya, “Ane noza cilagane no muhagulwa wangu, nimwilahila mwitumami wangu Dawudi.

Wutuluce 1:7

Ne wana wa Isilayeli wali welelile muno, wakacila konjelezeka, wakawa ne vilungo, kanyhi wakawa wenji muno muno, sunga ne yisi yiyilya ye Misili, yikamema weneco wose.

Wutuluce 2:25

Yakawuwona no wuwanda we Waisilayeli, Mulungu yakawakamisa.

Wutuluce 6:4

Hamba nhavivyo, nghanoza cilagane cangu nawo, kanyhi nghawehuwiza vyono nowapela yisi ya Kanani, yisi yono wekala katali nha wajenzi.

Isaya 55:3

“Holeka 'lu muhulicize 'ne, anye nyo wanhu wangu munyizize nene. Munyizize nene holeka mowumipa! Nane nonoza nanye cilagane ce cibitilila, kanyhi nomulugutizenyi nha vyono namwihuwiza Dawudi.

Yelemiya 23:3

Nane nolowakongholeza i wanhu wangu wono wolowa wasigaye, ku wulawa mu ma'si gose kono nali niweyagazize, nolowagomola kanyhi ku yisi yawo weneco. Nawo wolotuga wana wenji, no konjelezeka muno liwalo lyawo.

Yelemiya 23:4

Nane baho, nene no mweneco, nolowahagulila i walongola wawo wono wolowadima. Na mu vilo vivyo, i wanhu wolowa wekaye wasina woga hamba mutinu bwete. Nane hamba si nolowalipiciza kanyhi yaye. Vyo nghutya ane no Muwaha Mulungu.”

Yelemiya 33:3

“Wunyheme 'ne, nane nokupitula, nane nokulajila zinghani zimbaha, zono si wuzimanyile yaye.

Ezekiyeli 16:62

Nocinoza wupya cilagane cangu kuli'nye. Nanye baho, ho momanyila vyono ane yo nene Muwaha Mulungu.

Ezekiyeli 36:9

Na langa, ta! Ane nili ku lubavu lwenyu, nane nghusaka sunga nize mbone yisi yenyu yikulimwa, no kuhadikwa mbeyu.

Walawi 26:15

Na hono mulece kuwibata wulajilize wangu, hamonga ne malajilizo gangu, kanyhi mubene ne cilagane cono nacinoza nanye.

Luka 1:72

Yakatya, kowawonela lusungu walezi wetu. No kukumbucila cilagane cakwe cono celile.

Wukumbucize wo Wulajilize 28:11

Nayo Muwaha Mulungu, komupelenyi wana wenji, ne mitugo minji muno, hamonga ne nhwanga mbaha muno muno, mu yisi yono yawehuwiza i walezi wenyu, vyono komupelenyi.

Wukumbucize wo Wulajilize 28:4

“Muwaha Mulungu, komulugutizenyi nyenye, kumupelenyi wana wenji, hamonga ne nhwanga mbaha muno, hamonga ne zimitugo, zing'ombe ne zingholo nyinji muno muno.

Wukumbucize wo Wulajilize 7:13

Nayo Mulungu komwendenyi, kanyhi komulugutizenyi, ho monjelezece no kuwa na wana wenji. Kanyhi koyilugutiza ne migunda yenyu, ho mutuje wuhemba winji ne divayi, ne mafuta. Kanyhi komulugutizenyi yamupelenyi mitugo minji ne zingholo. Komupelenyi wulugute wuwu wose, mumo mu yisi yono yawehuwiza walezi wenyu nha vyono komupelenyi.

Wahebelaniya 8:9

Ne cilagane cico si cowa cihwanile ne cilagane acilya lono nawebatila muwoko niwahamye mu yisi ya Misili. Hambi nha si wekalaga mu cilagane cangu. Holeka nane sinawalanga, yakutya u Muwaha.