Walawi 26:3 - Luganuzi Luswanu Kuli Wanhu Wose 2002

³ “Hono muwukamise wulajilize wangu no kwibata malajilizo gangu.

Walawi 26:3 ပူးပေါင်းရင်းမြစ်များ

Nehemiya 1:9

Ninga hono mumbuyile, no kumhitucila nene, mwitume na zono namulajilizenyi, nane nomukongholezenyi wose, no kumuwicenyi hanhu hono nahahagula ho niwe kuhembelwa, hamba yiwe mwiyagaye mu yinze yose, ane nomugomolenyi.’

Wutuluce 23:25

Nanye hono muhembe nene, no kunyitumamila nene no Muwaha Mulungu, u Mulungu wenyu, nane nomulugutizenyi mu ndigwa zenyu ne malenga genyu, nogawusa ne matamwa muli'nye.

Isaya 1:19

Na hono muhulice 'ne, nanye molya vinhu viswanu vyono vikulawa mu'si.

Isaya 30:23

Nanye kolo mwahadika zimbeyu mu migunda yenyu, Muwaha Mulungu komutonyezezenyi mvula ho zicindice, no kumuletelenyi nhwanga mbaha muno. Ne mitugo zenyu zowa no wudimo winji muno.

Yelemiya 11:4

Hambi nha co cilagane cono nacinoza ne walezi wawo, lono nawawusiza mu yisi ya Misili, mu yisi yono yali yinha nha moto mukali kuli wene. Nane nghawalonjela nha vyono wahulice 'ne no kwituma zinghani zose, zono nawalajiliza. Nane nghawaloloseza nha vyono, hono wazibate, wowa wanhu wangu, nane nowa Mulungu wawo.

Walawi 19:25

Ninga mu mwaka we 'hano, mosuma kulya mana ge mibici. Na hono munoze nhavivi, mibici yenyu yolela mana kuciza. Ane yo nene Muwaha Mulungu wenyu.

Zakaliya 8:12

Wolohadika zimbeyu zawo ko mulamu. Ne mizabibu yawo yolela mikalo viswanu, nawo muhangha we yisi wololavya wuhemba, ne mvula yowa kutonya muno. No wulugutizwe wuwu nowapela i wanhu wa mu nghungugo yangu wono wasigaye.

Malaki 3:10

Holeka letenyi ku Nyumba yo Mulungu zaka yenyu yono yikwilaniciye, ho hawe na ndigwa nyinji. Ta munjelaje, nanye mowona, nodigula madilisha ga ku wulanga, nimumwajilenyi ko winji muno muno i vinhu vyose i viswanu.

Wukumbucize wo Wulajilize 7:12

“Na hono mugahulice malajilizo gaga mugakamise no kugetuma ko wihuwilwa, u Muwaha Mulungu, u Mulungu wenyu, nayo kojendelela kucikamisa cilagane cakwe cono yacinoza nanye, kanyhi komulajilenyi no lusungu lwakwe luwaha, nha vyono yawehuwiza walezi wenyu.

Wugubule 22:14

Wo wamoti wawo wono wakuvikanza i vivwalo vyawo, hambi wawo nha wo wowa ne ling'ani yo kulya mana go mubici wo wumi, kanyhi wo wowa ne ling'ani yo kukolela mu milango yalyo, no kwinjila mwi'kaya.