Walawi 26:1 - Luganuzi Luswanu Kuli Wanhu Wose 2002

¹ Muwaha Mulungu yakatya, “Mulece kwinozeza vihwani vye milungu yo wulambi, hamba mulece kwiyinulila cihwani ciseswe, hamba lisumbili lye libwe, hamba mabwe makakate, ho mugahembe. Ane yo nene Muwaha Mulungu wenyu.

Walawi 26:1 ပူးပေါင်းရင်းမြစ်များ

2 Watemi 17:10

Wakazenga masumbili ge mabwe, hamonga ne vihwani vyo mulungu we cicekulu Ashela mu matunda gose, sunga na hasi ye mibeho ye mibici miwaha.

2 Watemi 17:16

Wakagabena malajilizo gose go Muwaha Mulungu, u Mulungu wawo, wakenozeza vihwani vya ndama nyejete nyenjedulwe, wakazihemba. Wakenozeza ne cihwani co mulungu we cicekulu Ashela, wakahemba zinyelezi, wakamwitumamila mulungu Baali.

2 Watemi 17:8

wakatyatya metumo mabi ge wanhu wono Muwaha Mulungu yawawinga, wene i wanhu wakwe ho wekale mumo. Kanyhi wakatyatya ne myoto mibi yono wayileta watemi wa Isilayeli.

Zabuli 78:58

Wamukalaza Mulungu, mu wuhemba milungu yinji mu wuhembi wawo, holeka wamunoza Mulungu yawe, no wivu ku soko ye makumbicilo ge milungu yawo, ye vihwani.

Zabuli 97:7

Na wose wono wakuhemba vihwani, wakukozwa cevu, heya, sunga na wose wono wakwikumizya milungu, yono yisina cambuzi, milungu yose nha yimuhembaga Muwaha Mulungu du.

Wutuluce 20:2

“Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.

Wutuluce 20:23

Holeka mulecele lukulu kwinozeza vihwani vye milungu ya fweza cihanje nane, hamba milungu ye zahabu.

Wutuluce 23:24

Ninga mulecele lukulu kuyinamila hamba kuyihemba milungu yawo yo wulambi, hamba kuyitumamila kose, hamba kwiga mu zinghani zawo. Langa muyongomezaje milungu yawo yiyo, kanyhi mugabenanje hamonga ne masumbili gawo ge mabwe gono wagasiwanuye so wuhembi wawo.

Wutuluce 34:17

“Mulece kwinozeza hamba kuyihemba milungu myenjedulwe.

Isaya 2:20

Ne lizuwa lilyo lilawa kuza, i wanhu wologagumilila mafuto ne mabudibudi, vihwani vyawo vye zahabu na vye zifweza, vyono wali wenozeze, ho wavihembe.

Walawi 19:4

Mulece kundeka no kuhemba milungu yo wulambi. Kanyhi mulecele lukulu kwinozeza milungu myenjedulwe no kuyihemba. Ane yo nene Muwaha Mulungu wenyu.

Walawi 25:55

Mumanye vyono, si yisumice kuli Mwiisilayeli yawe muwanda cibitilila. Hambi Waisilayeli nha wetumami wo Muwaha Mulungu. Mwene yawawusa mu yisi ya Misili, nayo yo Muwaha u Mulungu wawo.”

Walawi 7:33

ayo yapegwe mukohani yuyo, mono kokwituma mulimo we cilavywa ce sakami, hamonga ne mhama ye cilavywa co mulamu.

Wuwale 33:52

Ale, munojeye muwawinje wekazi wose wa mu yisi yiyo. Muvyongomezeze lukulu i vihwani vyawo viseswe, hamonga ne hanhu hawo hose ho wuhembelo wawo.

Metumo ge Watumwa 17:29

“Ale, holeka hono ase cili wana wo Mulungu, si yicinojeye kumuganiciza u Mulungu nha cihwanicizo ca Zahabu, lunji Pesa, lunji yibwe lyono lisesigwe no kutajilwa wihambo ne wanhu.

Wukumbucize wo Wulajilize 27:15

“ ‘Malijito go Mulungu, geze muli munhu wo wose mono kosesa cihwani ce libwe hamba ce libici, hamba ca cuma, yawe kucihemba cinyele. Hambi Muwaha Mulungu, nha si yazendile zizo.’ “Nawo wanhu wapitule wose hamonga watye, ‘Heya!’

Wukumbucize wo Wulajilize 5:6

‘Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose, si wokwinjilila lukulu mwi'kaya lilyo, langa wokwikala kunze du.

Walamuzi 18:30

Nawo i wanhu wa Dani wakaciwika cihwani, wakawa kucihemba. Nayo Yonazani u mwana wa Gelishomu kanyhi u mwizukulu wa Musa, yuyo yo yawetumamilaga u mulimo wo wukohani i wanhu wo mulango wa Dani hamonga ne wanagwe. Sunga lono vyaziza i vilo vya wuhamywe nawo.