Walawi 24:4 - Luganuzi Luswanu Kuli Wanhu Wose 2002

⁴ Nayo Haluni, yimunojeye yazikamise zitala mu wuwiko wayo we zahabu nengu, kanyhi yazilanjilile ziwe kwikala zacile du hali Muwaha Mulungu.”

Walawi 24:4 ပူးပေါင်းရင်းမြစ်များ

1 Watemi 7:49

viwicilo yikumi vye zitala, vyono vyawikwaga hamwande ye Hanhu Hono Helile, Helile muno, navyo vikawa vihano ku lubavu lwa kutakama, ne vihano ku lubavu lwa kusumuka, ne maluwa, zitala, mibato,

1 Zinghomo 28:15

Hamonga ne zitala ne ciwicilo ce tala.

2 Zinghomo 29:7

Wakayidinda milango ye Nyumba yo Mulungu, wakazileceleza zitala zikazima, hamba si wasuma no kufusa wuvumba, hamba kulavya vilavywa vinyanywe mu Nyumba yo Mulungu we Waisilayeli,

Wutuluce 31:8

Kanyhi, ne meza, hamonga ne vitumamilwa vyayo, no wuwiko we zitala, hamonga ne vitumamilwa vyayo, ne cikumbicilo co kufusiza wuvumba.

Wutuluce 39:37

Hamonga no wuwiko we zitala, wunoze ne zahabu nengu, ne zitala zayo, ne vitumamilwa vyayo vyose, hamonga ne mafuta go kwasiza zitala zizo.

Yelemiya 52:19

Wakavisola vinhu vyose du, vye zahabu hamba fweza, hamonga sunga ne vibakuli vidodo-dodo vyose, hamonga ne visahani vyono wetumamilaga so kupalila makala go moto. Hamonga ne zibakuli zono wambilaga sakami ye zi mitugo ze makumbiko, ne viya vyo kuwusiza mavu, ne viwicilo vye zitala, ne visahani vyo kufusiza wuvumba, hamonga ne zibakuli zono wetumamilaga so vilavywa vye divayi.

Walawi 24:3

Nayo Haluni yowa yimunojeye yawe kuyikoleleza cinyamihe nhondo zose. Yayilece yikwaka sunga wele, kononze ye libupa lyo mwenda lye Lihema lyono lyelile ha mwande ye Lisanduku lye Cilagane, lyono lili i Hanhu hono helile, helile muno. Ne lilajilizo lili linojeye likamiswe sunga mu vilo vyono vikuza.

Wuwale 3:31

Nawo wakawa wo walindilizi we Lisanduku lye Cilagane, ne meza, hamonga ne tala, ne vikumbicilo, ne viya vyono vyelile, vyono wetumamilaga wakohani i Hanhu hono helile, ne libupa lyo mwenda, lyono litemanuye i Hanhu hono helile. Kanyhi wakawa wo walanjilizi wo wuhembi wose wono i viya vivyo vyetumamilwaga.

Wuwale 4:9

“Hanyuma kanyhi, wasole mwenda we liwala lye buluu, wawuvunjilize wuwiko we tala, ne zitala zayo, ne mibato yayo, ne visahani vyayo, hamonga ne viya vyayo vyose vyo kuwicila mafuta.

Wuwale 8:2

“Mulonjelaje Haluni, vyono, mu cipango cono kowa yeza kuziwicila zitala mupunghati mu wuwiko wayo, yakumbucile yaziwicile mu nzila yono zowa kumulika lubavu lwa kumwande.”

Wahebelaniya 9:2

Hali holili lihema linozwe, lyono hanze yayo lyali lina hanhu hono hacemwaga i “Hanhu Hono Helile.” Na baho ho hali no wuwiko we tala, ne meza ne mikate yono yali cilavywa kuli Mulungu.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga na hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.”

Wugubule 11:4

Ne wahomelezi wawo wejete, yo mibici myejete ye mizeyituni, ne zitala zinyejete zono zimaga hali Muwaha Mulungu we yinze.

Wugubule 2:5

Ale, wukumbucile vyono wali winha ha mwamulizo, lono wali wukali sinagwa, nalu lono wakondya kugwa! Holeka alu wunene wubi wako, witume nha vyono wali kwituma ha mwamulizo. Na hono wulece kunena no kuwuleka wubi wako, nokuza kuli'gwe, nowuwusa u wuwiko wako we tala hanhu hayo.