Walawi 24:3 - Luganuzi Luswanu Kuli Wanhu Wose 2002

³ Nayo Haluni yowa yimunojeye yawe kuyikoleleza cinyamihe nhondo zose. Yayilece yikwaka sunga wele, kononze ye libupa lyo mwenda lye Lihema lyono lyelile ha mwande ye Lisanduku lye Cilagane, lyono lili i Hanhu hono helile, helile muno. Ne lilajilizo lili linojeye likamiswe sunga mu vilo vyono vikuza.

Walawi 24:3 ပူးပေါင်းရင်းမြစ်များ

Wutuluce 27:21

Nayo Haluni hamonga ne wanagwe, wayiwice tala yiyo mugati ye Lihema lilyo lyono lyelile, kunze ye lipaziya lyono licitize Lisanduku lye Cilagane. Ne tala yiyo, yeze kwikala yacile ha mwande yangu vilo vyose cilo na misi. Ne lilajilizo lili, linojeye Waisilayeli walikamise mu zindelo zawo zose cibitilila.”

Walawi 24:2

yawalonjele wanhu Waisilayeli wityatye awuno wono wityatizye yawatye, “Ale letenyi mafuta malengu maswanu getumamilwe so tala yono yili mugati ye Lihema lyono lyelile, ho yiwe kwikala yacile du nhondo zose.

Walawi 24:4

Nayo Haluni, yimunojeye yazikamise zitala mu wuwiko wayo we zahabu nengu, kanyhi yazilanjilile ziwe kwikala zacile du hali Muwaha Mulungu.”

Walawi 3:17

Kanyhi hasina Muisilayeli wo wose mono yakomboywe kulya mhama hamba kung'wa sakami. Ne lilajilizo lili munojeye mulikamise cibitilila mu zindelo zenyu zose ho hose hono mowa kubita.”

Wuwale 18:5

Gwegwe go mweneco, hamonga ne wanago, yo nyenye mono munojeye muwitume mulimo wuwo we Hanhu hono helile, hamonga ne cikumbicilo. Likuwo lyangu ho lilece kuwaziza kanyhi i wanhu Waisilayeli.

1 Samwili 3:3

Samwili nayo, yali yagonile hono hali liwicigwe Lisanduku lye Cilagane mu Nyumba yo Mulungu. Na hakali mitondo muno, lono kwali kukali kutitu ne zitala zali zikali nazima,