Walawi 22:4 - Luganuzi Luswanu Kuli Wanhu Wose 2002

⁴ “Kanyhi mu wana wa Haluni, hasina munhu mono kosuma kulya vilavywa vyono vyelile, akuno ho yena no wutamwa wo wukoma, hamba mono yakulavya wufila mu muwili wakwe. Langa yalindile sunga kolo yakondya kwezwa. No mukohani wo wose hono yapamize cinhu co cose cono cili 'wifyo, nha cinji, mu wupamiza muvimba, hamba munhu mono mbeyu yakwe yo lulelo yikulawila,

Walawi 22:4 ပူးပေါင်းရင်းမြစ်များ

Walawi 11:39

Na hono mutugo wo wose wono wunojeye wuligwe, ninga hono wifwile weneco, munhu wo wose mono kowupamiza mudunhu wayo, u munhu yuyo kowa yeyavufya, sunga kono lyoswela lizuwa.

Walawi 15:17

Ne cinhu co cose cono colagalilwa na yiyo mbeyu yakwe yo lulelo, hono ciwe cinozwe na nyhingo hamba mwenda, cinhu cico cinojeye cikanzwe, kanyhi cojendelela kuwa iwifyo sunga lizuwa kono lyoswela.

Walawi 2:10

Ne cilavywa cono cowa cisigaye, cowa sawo ye wakohani, hambi nha celile muno, vyono cisolwa ku wulawa mu ndigwa yono yilavigwe kuli Muwaha Mulungu.

Walawi 2:3

No wusaje wono wowa wusigaye, awo wowa sawo ya Haluni hamonga ne wanagwe, hambi nha welile, vyono wusigala mu wulawa mu ndigwa yono yilavigwe kuli Muwaha Mulungu.

Walawi 21:1

Muwaha Mulungu yakamulajiliza Musa yawalonjele wana wa Haluni, yawatye nhavi, “Mukohani wowose yalece kwiyavufya so wulongoza wuhembi we maziko, lono yafwilwa no nduguye.

Walawi 21:22

Munhu we liwala lilyo, mwene kosuma kulya ndigwa yono ndavye kuli'ne, hamonga ne ndigwa yono yelile, sunga ne ndigwa yono yelile muno muno.

Hagayi 2:13

Hanyuma Hagayi kanyhi yakawawuza yakutya, “Ma, hono yiwe munhu yeyavufya ku soko yo kuwupamiza muvimba. Na hono yapamize cinhu co cose ca muli zindigwa zizo, wule, kowa yazitajila wavufywe zindigwa zizi?” Nawo i wakohani wakapitula wakatya, “Heya, kowa yavitajila wavufywe.”

Wuwale 18:19

“Ne vilavywa vinulwe vye vinhu vyono vyelile, vyose vye mawala gose, vyono Waisilayeli wowa kundavizya, vyose nghukupela gwegwe, vyowa vyako gwegwe hamonga ne wanago we cilume, na we cicekulu, sunga mu vilo vyose vyono vikuza. Na ci cino cowa co cilagane, cono si cosuma kubenwa yaye, cilagane cono nakondya kucinoza kuli'gwe, hamonga no lulelo lwako lose.”

Wuwale 18:9

Na kuli vilavywa vyono vyelile, vyono si vinyanywe mu cikumbicilo, navyo vyowa vyako, navyo vyovi: Vilavywa vyo wusaje, vilavywa vyo wubi, ne vilavywa vyo wusutye. Cinhu co cose cono celile cono colavywa kuli'ne, aco cowa cako, hamonga ne wanago.

Wuwale 19:20

No munhu wo wose mono kowa yakondya kwiyavufya, na kuno ho si yakwiyeza ng'o, ale munhu yuyo, kojendelela kuwa mwavufywe, vyono i malenga go wezwe si gamizizwe muli mwene, hambi munhu yuyo nha yakulyavufya Lihema lyo Muwaha Mulungu. Na ku soko yiyo, hamba si kowalilizwa ne wanhu wo Mulungu.