Walawi 22:2 - Luganuzi Luswanu Kuli Wanhu Wose 2002

² yamulonjele Haluni hamonga ne wanagwe, yatye nhavi, “Mulecele lukulu kuliletela cevu litagwa lyangu lyono lyelile. Holeka muvinozeze cogopo vilavywa vyono wanhu wa Isilayeli wakusiwanulila 'ne, ane no Muwaha Mulungu.

Walawi 22:2 ပူးပေါင်းရင်းမြစ်များ

Ezila 8:28

Nghawatya, “Alu anye mweza mwelile muli Muwaha Mulungu u Mulungu we walezi wenyu. Ne viya avi vye fweza ne zahabu vyono wanhu wavilavizye ko mutima muzelu, navyo vyeza vyelile.

Wutuluce 13:12

yowa yimunojelenyi nanye mumulavizye Muwaha Mulungu u mwana mulongozi kulelwa. Ne nyana nume ze mitugo zinongozi kulelwa, zizo yo sawo yo Mulungu.

Wutuluce 28:38

Nayo Haluni kowa kucivwala he handa lyo wusu wakwe, nayo kowudinghula wuhoswe wose, wono wanhu wa Isilayeli wowa wawunoza, lono wakulavya likumbiko lyono lyelile. Nane nogavumila makumbiko gawo.

Isaya 52:11

Mumanye vyono wose mwakondya kuwuka mu Babiloni, anye wose mono muvidinghulaga viya vye Nyumba yo Mulungu! Kanyhi mulecele lukulu ku vipamiza vinhu vyavu, Mutuluce muwuce, akuno mwelile.

Ezekiyeli 44:8

Hamba si wasuma kuvikamisa vinhu vyangu vyono vyelile vya mu Nyumba yangu yaye, langa wene wakewicila i wanhu wajenzi, wawe wo wetumami wo mulimo wangu, mu Nyumba yangu.

Walawi 15:31

Muwaha Mulungu yakamulonjela Musa yawalonjele wanhu wa Isilayeli, welanjilile muno muno kuli zo wiyavufye, ho walece kulyavufya Lihema lyakwe lyono lyelile, lyono lyali yisimye haciligati ye nghambi, vyono hono wejelele du, wofwa.

Walawi 18:21

“Kanyhi mulecele lukulu kuwalavya i wana wenyu we cicekulu, wetumamilwe mu wuhembi wo mulungu Moleki. Hambi nghani yiyo, nha yoliletela cevu litagwa lyo Muwaha Mulungu.

Walawi 19:12

Kanyhi wulecele lukulu kwilahiziza mwi'tagwa lyangu, hono wuwe wumanyile vyono si kosuma kuwufisiliza wihuwizo wako. Hambi wunoza nhavivyo, nha wukuliletela cevu litagwa lyangu. Ane yo nene Muwaha Mulungu wenyu.

Walawi 20:3

No munhu wo wose mono kumulavya yumonga wa muli wanagwe kuli mulungu Moleki, no kulinoza Lihema lyangu lyono lyelile liwe iwifyo, no kulipela cevu litagwa lyangu, nane nomuleka munhu yuyo hamba si nomuwaliliza kanyhi hamonga ne wanhu wangu.

Walawi 21:6

Mwene yanojeye yawe yelile, hamba yalece kulikoza cevu litagwa lyangu. Hambi mwene nha kalavyaga cilavywa ce ndigwa kuli 'ne, holeka yimunojeye yeze yelile.

Walawi 22:1

Muwaha Mulungu yakamulajiliza Musa,

Walawi 22:32

Mulecele lukulu kulikoza cevu litagwa lyangu lyono lyelile. Ne wanhu wose wa Isilayeli yiwanojeye wamanye vyono, ane nelile. Ane yo nene Muwaha Mulungu mono nghumwezenyi.

Wuwale 18:32

Nanye si mowa muli wasutyi yaye, so wulavya vivyo vyono visigaye, hambi nha mowa mwakondya kumulavizya Muwaha Mulungu wenyu, i viswanu vyose. Ninga mulanjilile, mulecele lukulu kuvyayufya i vilavywa vyono vyelile vye Waisilayeli, so wulongola kulya cilavywa cocose, lono vivilya vilavywa viswanu vikali si vinasiwanulwa no kulavywa. Na hono mwijelele du munoze nhavivyo, langa mofwa.’ ”

Wukumbucize wo Wulajilize 15:19

“Mweze kukumbucila kumuwicila Muwaha Mulungu, u Mulungu wenyu, zinyana zinume zinongozi kulelwa ze zing'ombe na ze zingholo zenyu. Mulece kuzitumamila ko mulimo wo wose zi mitugo zizi. Hamba mulece kuzicenyenha zingholo wukunzeje wazo.