Walawi 20:3 - Luganuzi Luswanu Kuli Wanhu Wose 2002

³ No munhu wo wose mono kumulavya yumonga wa muli wanagwe kuli mulungu Moleki, no kulinoza Lihema lyangu lyono lyelile liwe iwifyo, no kulipela cevu litagwa lyangu, nane nomuleka munhu yuyo hamba si nomuwaliliza kanyhi hamonga ne wanhu wangu.

Walawi 20:3 ပူးပေါင်းရင်းမြစ်များ

Wutuluce 30:33

No munhu wo wose mono kokwiga, yanoze mafuta gono genha gaga, hamba hono mafuta gaga yagetile muli munhu mono si yanojeye, munhu yuyo kotemanulilwa lukulu muli wanhu wakwe.’ ”

Ezekiyeli 20:39

Alu Muwaha Mulungu yakutya, “Nye nyo Waisilayeli, alu munoze nha vyono nyenye weneco mukuwona vyowa viswanu. Mosuma kubita mukavitumamile vihwani vyenyu hono mwende. Ninga nghumusugulenyi nha vyono, zizo zilaza kuwa zapuluta, baho langa ho molowa munojeye muhulice 'ne, no kuleka kulyavufya litagwa lyangu lyono lyelile, so wulavizya vilavywa i vihwani vyenyu.

Ezekiyeli 5:11

“Holeka ane vyono nili Mulungu mumi, azi zo nghani zo nghutya. Hambi 'nye nha mwayavufya Nyumba yangu ku soko ye zimbi zenyu, hamonga ne zinghani ze cevu zono mukwituma. Holeka nane nomulecenyi hamba si nomuwonelenyi lusungu yaye.

Walawi 15:31

Muwaha Mulungu yakamulonjela Musa yawalonjele wanhu wa Isilayeli, welanjilile muno muno kuli zo wiyavufye, ho walece kulyavufya Lihema lyakwe lyono lyelile, lyono lyali yisimye haciligati ye nghambi, vyono hono wejelele du, wofwa.

Walawi 17:10

Na hono Mwiisilayeli wo wose, hamba mujenzi mono wekalane, hono yalye nyama hamonga ne sakami yayo, hodu Muwaha Mulungu komuleka, si kowalilizwa kanyhi hamonga ne wanhu wo Mulungu.

Walawi 18:21

“Kanyhi mulecele lukulu kuwalavya i wana wenyu we cicekulu, wetumamilwe mu wuhembi wo mulungu Moleki. Hambi nghani yiyo, nha yoliletela cevu litagwa lyo Muwaha Mulungu.

Walawi 19:12

Kanyhi wulecele lukulu kwilahiziza mwi'tagwa lyangu, hono wuwe wumanyile vyono si kosuma kuwufisiliza wihuwizo wako. Hambi wunoza nhavivyo, nha wukuliletela cevu litagwa lyangu. Ane yo nene Muwaha Mulungu wenyu.

Walawi 20:4

Na hono mhuga ye Waisilayeli walece kuzicelelela zizo zono yetumile, hamba kumuwulaga,

Walawi 21:6

Mwene yanojeye yawe yelile, hamba yalece kulikoza cevu litagwa lyangu. Hambi mwene nha kalavyaga cilavywa ce ndigwa kuli 'ne, holeka yimunojeye yeze yelile.

Walawi 7:20

ninga munhu mono yakondya kwiyavufya, hono yayilye nyama ye likumbiko, munhu yuyo si kowalilizwa kanyhi hamonga ne wanhu wo Mulungu.

Walawi 7:21

Kanyhi munhu wo wose hono yayilye nyama yiyi ye cilavywa, lono yakondya kupamiza cinhu cavu, lunji mu wulawa muli munhu hamba mu mutugo, munhu yuyo si kowalilizwa kanyhi hamonga ne wanhu wo Mulungu.”

Wuwale 19:13

Munhu wowose mono kowupamiza muvimba, kanyhi yalece kwiyeza mweneco, hodu kokwikala vyo mwavufywe du. Vyono i malenga go weze si getiywe muli mwene. Nayo yakulyavufya Lihema lyo Muwaha Mulungu, hamba si kowalilizwa ne wanhu wo Mulungu.

Wuwale 19:20

No munhu wo wose mono kowa yakondya kwiyavufya, na kuno ho si yakwiyeza ng'o, ale munhu yuyo, kojendelela kuwa mwavufywe, vyono i malenga go wezwe si gamizizwe muli mwene, hambi munhu yuyo nha yakulyavufya Lihema lyo Muwaha Mulungu. Na ku soko yiyo, hamba si kowalilizwa ne wanhu wo Mulungu.

2 Wakolinto 6:16

Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, nane nowa Mulungu wawo, nawo wowa wanhu wangu.”

1 Petelo 3:12

Hambi Muwaha nha kawalangaga viswanu i wanhu we ling'ani no kuwuhuliciza u wulombe wawo. Ninga Mulungu kawatumbilaga mugongo iwetuma zimbi.”