Walawi 2:3 - Luganuzi Luswanu Kuli Wanhu Wose 2002

³ No wusaje wono wowa wusigaye, awo wowa sawo ya Haluni hamonga ne wanagwe, hambi nha welile, vyono wusigala mu wulawa mu ndigwa yono yilavigwe kuli Muwaha Mulungu.

Walawi 2:3 ပူးပေါင်းရင်းမြစ်များ

Ezila 2:63

Umulongola we Wayahudi, yakawalonjela vyono walece kulya ndigwa yono ndavye kuli Mulungu, sunga langa mukohani mono yakwitumamila Ulimu na Tumimu yawe yali baho.

Wutuluce 29:37

Nagwe mu vilo mupunghati, kocinozeza wilamule cikumbicilo no kuceza. Kolo weza wazikondya zizo, ale nhondo, cikumbicilo cowa cakondya kwelela lukulu, na muli cinhu co cose cono copamiza cikumbicilo, hodu naco cowa celile.

Ezekiyeli 44:29

Langa i wene, ndigwa yawo, yowa i vilavywa vyo wusaje, ne vilavywa vyo wubi, hamonga ne vilavywa vye masutya, hamonga ne vinhu vyose vyono wanhu wa Isilayeli wowa kundavizya, ane no Mulungu wawo.

Ezekiyeli 46:20

yakanyitya, “Ahano, ho hanhu hono i wakohani watelecelaga nyama yono yalavywa makumbiko, so wubi, hamba so cilavywa co wusutye, kanyhi baho ho watelecelaga ne vilavywa vyo wusaje. Wanozezaga vivyo baho, ho cinhu cinji cono celile cilece kusolwa no kutegulwa kwi'kumbo lya kunze, ho vilece kuwataciza wanhu u wele wavyo.”

Walawi 10:15

Yiwanojeye walete cico cima cinulwe hamonga ne nyama ye ng'hwa, sinjiswe mu cipango cono mhama yikulavywa nha cilavywa ce ndigwa sinjiswe hali Muwaha Mulungu. Na gago gowa go magawo gako, gwegwe hamonga ne wanago cibitilila, nha vyono Muwaha Mulungu yalajilize.”

Walawi 14:13

Mukohani yayiwulajile ngholo yiyo i hanhu hono helile, i hanhu hono zikuwa kuwulajilwa mitugo ye cilavywa co wubi, ne cilavywa cinyanywe. Mukohani yanojeye yetume nhavivi, hambi nha vyono cinha cilavywa co wusutye, ale, nhavivyo vyo cinha ne cilavywa co wubi, vyose vikuwa vyo mukohani, hambi nha vyelile muno muno.

Walawi 2:10

Ne cilavywa cono cowa cisigaye, cowa sawo ye wakohani, hambi nha celile muno, vyono cisolwa ku wulawa mu ndigwa yono yilavigwe kuli Muwaha Mulungu.

Walawi 21:22

Munhu we liwala lilyo, mwene kosuma kulya ndigwa yono ndavye kuli'ne, hamonga ne ndigwa yono yelile, sunga ne ndigwa yono yelile muno muno.

Walawi 5:13

Nayo mukohani komunozeza wilamule so wubi munhu yuyo wono yawitumile. Nayo munhu yuyo konenelwa wubi wakwe. No wusaje wono wowa wukali wusigaye, wowa sawo yo mukohani, nha vyono yinha du mu cilavywa co wusaje.”

Walawi 6:26

No mukohani mono yakwituma mulimo wo kulavya cilavywa cico ce likumbiko lyo mutugo wuwo, yimunojeye yayilile nyama yayo i hanhu hono helile, mugati ye luwa ye Lihema lyono lyelile.

Walawi 6:9

“Ale wumulonjelaje Haluni hamonga ne wanagwe wutye, cilavywa cinyanywe, cinojeye cikongogwe mu cikumbicilo, cilo cose sunga wele. No moto wa mu cikumbicilo weze kwaka vilo vyose.

Walawi 7:7

Kanyhi ko wuli wulajilize wono wihwanile na we cilavywa co wubi, ne cilavywa co wusutye, nha cinji, i nyama yayo yikuwa yo mukohani mono yetumile mulimo wuwo wo kuwunozeza wilamule.

Walawi 7:9

Kanyhi, sunga ne vilavywa vyose vyo wusaje, vyono vikalinjigwe mu nyungu, hamba mu nghalango, vyowa vyo mukohani, mono yetumile mulimo wuwo we likumbiko kuli Muwaha Mulungu.

Wuwale 18:9

Na kuli vilavywa vyono vyelile, vyono si vinyanywe mu cikumbicilo, navyo vyowa vyako, navyo vyovi: Vilavywa vyo wusaje, vilavywa vyo wubi, ne vilavywa vyo wusutye. Cinhu co cose cono celile cono colavywa kuli'ne, aco cowa cako, hamonga ne wanago.

1 Samwili 2:28

Na mu wulawa mu zimbeyu zose ze wana wa Isilayeli, ane nghayihagula mhuga ya Haluni, wawe wo wakohani wangu, wanyitumamile ha cikumbicilo, wawe kufusa wuvumba, kanyhi wawe kuvwala Efodi hali 'ne. Kanyhi nghawapela ne ling'ani, yo kusola ligawo, mu wulawa mu makumbiko manyanywe ga mu cikumbicilo.