Walawi 19:3 - Luganuzi Luswanu Kuli Wanhu Wose 2002

³ Na wose muli nyenye, yimunojeye munhu yawogope nyina no sogwe. Kanyhi muyibataje Sabato nha vyono namulajilizenyi. Ane yo nene Muwaha Mulungu wenyu.

Walawi 19:3 ပူးပေါင်းရင်းမြစ်များ

Mwamulizo 48:12

Ale, Yusufu yakawa kuwawusa wanagwe ha mafugamilo go sogwe, hanyuma mwene yakenama ho hasi.

Nehemiya 9:14

Yo gwegwe mono wawalanjiza, wayibate Sabato yako yono yelile. Wukawapelela ne malajilizo gako muli Musa u mwitumami wako.

Wutuluce 16:29

Ninga mumanye vyono, yo nene Muwaha Mulungu mono nimupelenyi lizuwa lilyo lye Sabato, na yo soko yono yikuleka nomupelenyi ndigwa ye vilo vyejete mwi'zuwa lyo mutandatu. No munhu wo wose, yimunojeye yekale baho du hono ho yuli, mwi'zuwa lilyo lye Sabato, yalece kuwuka mu kaya yakwe.”

Wutuluce 20:12

“Wogopaje sogo no nyina yako, vilo vyo wikale wako ho viwe vinji mu yisi yono yakukupela Muwaha Mulungu, u Mulungu wako.

Wutuluce 20:8

Weze kulikumbucila lizuwa lye Sabato wulisiwanule.

Wutuluce 21:15

“Munhu mono komutowa sogwe hamba nyina, yuyo yawulagwe.

Wutuluce 21:17

“Munhu mono komulijita sogwe hamba nyina, yuyo yawulagwe.

Zimbazi 1:8

Mwanangu, wuhulice mafundo gono sogo no nyina yako wakwijizaga wulece kugaleka.

Zimbazi 23:22

Mwanangu, wumuhulicize sogo mono yakulela. Hambi hono yali yawe si yuyo, agwe mhali si wuli mono'nze. Na lono nyina yako yawe yakombipa, agwe wulecele lukulu kumubedegala.

Zimbazi 30:11

Kanyhi ko wali wanhu, wono walijitaga wasogo zawo, no kuwakununghalila i wanyina zawo.

Zimbazi 30:17

No munhu mono kamusekangaga sogwe, hamba mono yakumubedegala nyina mu wukombi wakwe, munhu yuyo yanojeye yaligwe ne zi 'ndi, hamba meso gakwe gakopozolwe ne mahowe.

Isaya 58:13

Muwaha Mulungu yakutya nhavi, “Hono muyinoze Sabato yiwe yelile, na kanyhi hono mulece kuyitumamila so wiyendeza ne zenyu nyo weneco, na hono mulyeze lizuwa lyangu lyono lyelile no kulipela cogopo, mulece kujenda mihinzo hamba kwituma milimo yenyu, hamba kulonganjika nghani zono si zinojeye mwi'zuwa lilyo,

Ezekiyeli 20:12

Kanyhi nghawawicila no wibate we mazuwa ge Sabato, ciwe citanjilo hagati yetu ane na wene. Ho wamanye vyono, ane yo nene mono nghuweza.

Walawi 11:44

Hambi 'ne, nha yo nene mono nili Muwaha Mulungu wenyu. Holeka munojeye mweze mwelile, hambi 'ne nha nelile.

Walawi 19:25

Ninga mu mwaka we 'hano, mosuma kulya mana ge mibici. Na hono munoze nhavivi, mibici yenyu yolela mana kuciza. Ane yo nene Muwaha Mulungu wenyu.

Walawi 19:30

Wuyikamise Sabato, kanyhi muhapelaje cogopo i hanhu hono ane nghuhembelwa. Ane yo nene Muwaha Mulungu.

Walawi 19:31

“Mulece kuwabitila we macisi, hamba i wahawi, no kulondola wutazi kuli wene. Hambi hono munoze zizo, nha mowa mweza wavufywe. Ane yo nene Muwaha Mulungu wenyu.

Walawi 19:34

Muwanozeze viswanu nha vyono mukuwanozeza Iwaisilayeli wayenyu, kanyhi muwendaje nha vyono mwiyendile nyenye nyo weneco. Mukumbucile vyono nanye mwali wajenzi mu yisi ya Misili. Ane yo nene Muwaha Mulungu wenyu.

Walawi 23:3

Ho vili vilo mutandatu du vyono vinojeye mwitume milimo yenyu, ninga mweze kukumbucila vyono lizuwa lyo mupunghati, lyo lizuwa lye Sabato, ne lizuwa lilyo lyo lizuwa lyo kuceha. Holeka mwi'zuwa lilyo, mulece kwituma mulimo wunji, langa mwihangulizaje du so wuhembi. Hambi Sabato nha Sabato yo Muwaha Mulungu, hanhu ho hose hono mowa mwikaye.

Walawi 26:2

Holeka muzikamisaje zi sikukuu ze cidini. Kanyhi muhapelaje cogopo i hanhu hono mukuhembela 'ne. Ane yo nene Muwaha Mulungu.

Malaki 1:6

Muwaha Mulungu we mihanga yakuwatya wakohani, “Mwana kamogopaga sogwe, no mutumwa nayo kamogopaga u muwaha wakwe. Ane nili sogo yenyu, alu nhawule si mukunyogopa? Nane ho nili mutwa wenyu, alu nhawule nha si munyogopile, langa mukunyihepa? Akuno kanyhi mukuwuza ti mukutya, Cikukwihepa wule?

Wukumbucize wo Wulajilize 27:16

“Malijito go Mulungu, geze muli munhu wo wose mono yasina cihuliko kuli sogwe hamba kuli nyina. “Nawo wanhu wapitulile wose hamonga watye, ‘Heya.’

Wukumbucize wo Wulajilize 5:16

“Wuwogopaje sogo no nyina yako, nha vyono nghukulajiliza, ane no Muwaha Mulungu, u Mulungu wako, ho wusume kutuga wumoteswe, na kanyhi ho wusume kwikala vilo vinji mono yisi yono nghukupela.

Wahebelaniya 12:9

Ninga hamba nhavivyo, ase ciwogopile walezi wetu wono wacilela, hamba na hono wakucifunda. Holeka yicinojeye cimuhulice muno muno u Sogo yetu we cimuhe ho ciwumipe.