Walawi 19:2 - Luganuzi Luswanu Kuli Wanhu Wose 2002

² yawalonjele wanhu we mhuga ya Isilayeli yatye nhavi, “Mweze mwelile hambi 'ne no Muwaha Mulungu wenyu, nha nelile.

Walawi 19:2 ပူးပေါင်းရင်းမြစ်များ

Zabuli 99:3

Wanhu wose walikumye litagwa lyakwe, lyono lilawiliciye kanyhi lyo wogofye. Hambi Mono Yelile, nha yo mweneco du!

Wutuluce 19:6

Nanye kuli'ne mowa wutemi we wakohani, kanyhi nghungugo yono yelile.” Nazo zizi zo nghani zono kowalonjela Waisilayeli.

Wutuluce 22:31

Anye muli wanhu wangu, mono mwasiwanulwa ku soko yangu. Holeka mulecele lukulu kulya nyama yo mutugo wo wose, wono gawulaje malimu ga mu mbago. Langa muzigumililaje zimbwa zenyu zo ziyilye nyama yiyo.”

Walawi 19:1

Muwaha Mulungu yakamulonjela Musa,

Walawi 20:26

Munojeye muwe mwelile, kanyhi muli wangu, hambi 'ne nha yo nene Muwaha Mulungu, nelile. Nane nghamusiwanulenyi mu wulawa mu makungugo ganji, ho muwe muli wangu nene du nili wene.

Walawi 20:7

Mweze mwelile, hambi 'ne nha yo nene Muwaha Mulungu wenyu.

Walawi 21:15

Hono si nhavivyo, iwana wono kolela, wowa wavufywe, hamba si wowa welile, nha vyono wakusakwa wawe. Ane yo nene Muwaha Mulungu nimusiwanula nha Mukohani Muwaha.”

Walawi 21:23

Ninga ku soko ye cilema du cono yena mu muwili wakwe, holeka si kosuma kusejelela behi ne libupa lyo mwenda, hamba kusejelela ha cikumbicilo. Ho yalece kuvitajila iwifyo vinhu vivyo vyono vyelile. Hambi ane, nha yo nene Muwaha Mulungu. Nane yo nene mono nghuvyeza.”

Walawi 21:8

Ne wanhu, wanojeye wamuwone mukohani vyono yo munhu mono yelile, hambi nha yo kandavizyaga ane no Muwaha Mulungu i vilavywa vye ndigwa. Ane yo nene Muwaha Mulungu mono nimwezajenyi 'nye, nha nelile.

Amosi 3:3

Alu 'mbi wanhu wejete wosuma kujendana hamonga muhinzo lono siwalagane?

Matayo 5:48

Holeka mweze mukwilaniciye, nha vyono u Senyu wa ku wulanga yakwilaniciye.”

2 Wakolinto 7:1

Holeka nyo wendece, vyono cakondya kupegwa i vilagane vivyo, yicinojeye nase ciyeze muli zose zono zosuma kucitipiza mu miwili, sunga na mu zinhumbula zetu, ho ciwe celile muno muno, no kwikala mu mikalile yono yimogopile Mulungu.

Waefeso 1:4

U Mulungu yacihagula lono yinze yali yikali si nawumbwa, ho ciwe cili wakwe mu wilunza na Kilisito, ho ciwe celile mono cisina hamba yilema hali mwene, ku soko yo wendo wakwe.

Wukumbucize wo Wulajilize 27:10

Holeka munojeye mumuhulice kanyhi mwibate ne malajilizo gakwe gono nghumulonjelenyi izuwali.”

Yoshuwa 24:19

Yoshuwa yakawalonjela wanhu yakawatya, “Ninga simosuma kumwitumamila Muwaha Mulungu. Hambi mwene nha yo Mulungu mono yelile, kanyhi yo Mulungu wo wivu, holeka sikosuma kumunenelenyi masutya genyu, hamonga no wubi wenyu.

1 Samwili 2:2

“Hasina mono yelile nha vyono Mulungu yelile, hambi nha hasina yunji, langa gwegwe du, hamba hasina mudimi yunji mono yehwanile no Mulungu wetu.”