Walawi 17:7 - Luganuzi Luswanu Kuli Wanhu Wose 2002

⁷ Holeka aluno wanhu Waisilayeli, walecele lukulu kuwa si wehuwilwa kanyhi kuli Muwaha Mulungu, walece kuziwulaga kanyhi mitugo zawo caka caka ako na ako mu mawimbi, nha vyono walavyaga kuli milungu ye mvulati yono wayihembaga. Holeka i wanhu wa Isilayeli, yiwanojeye walikamise lilajilizo lili sunga mu vilo vyono vikuza.

Walawi 17:7 ပူးပေါင်းရင်းမြစ်များ

2 Zinghomo 11:15

Hodu, nayo Yelobowamu yakawa kwiwicila wakohani wakwe mweneco, wono wosuma kwituma mulimo wo wukohani kuli milungu mu wuhembelo wawo, no kuhemba masetani, ne vihwani vyono yavinoza mweneco Yelobowamu, mu hwani ye zindama.

Zabuli 106:37

Wakawa kuwawulaga wana wawo we cilume, sunga na we cicekulu, no kuwalavya so makumbiko kuli masetani.

Zabuli 106:39

Holeka wakehodanga ku soko ye metumo gawo, wakawa wasina wihuwilwa kanyhi kuli Mulungu, wakawa nhe wasenyha.

Wutuluce 22:19

Munhu wo wose mono kogona no mutugo, yimunojeye yawulagwe.

Wutuluce 22:20

No munhu wo wose mono komulavizya makumbiko mulungu wo wulambi, yalece kumulavizya Muwaha Mulungu du yali wene, munhu yuyo yongomezezwe lukulu.

Wutuluce 27:21

Nayo Haluni hamonga ne wanagwe, wayiwice tala yiyo mugati ye Lihema lilyo lyono lyelile, kunze ye lipaziya lyono licitize Lisanduku lye Cilagane. Ne tala yiyo, yeze kwikala yacile ha mwande yangu vilo vyose cilo na misi. Ne lilajilizo lili, linojeye Waisilayeli walikamise mu zindelo zawo zose cibitilila.”

Wutuluce 32:8

Hambi nha wapatuka, wayileka lwa kamonga i nzila yono nawalajiliza. Alu wene wenozeza ndama nyenjedulwe, wakuyihemba no kuyilavizya zahabu, akuno wakulonga wakutya, ‘Gwe Isilayeli, ayu yo mulungu wetu mono yaciwusa mu yisi ya Misili!

Wutuluce 34:15

Kanyhi mulece kwilumbaniza ne wekazi wa mu yisi yiyo mu nghani yo yose, ho walece kumukwejelezenyi mu wuhembi wawo wo wusenyha, ho yilece kuwa, lono wakuyihemba milungu yawo yo wulambi no kuyikumbika, wamulalicenyi nanye sunga mulye vye makumbiko gawo,

Yelemiya 3:1

U Muwaha Mulungu yakutya nhavi, “Hono munhu yamulece mugolece wakwe no kumupela talaka, nayo mucekulu yuyo ho yabite yakatolwe na munhu yunji, hodu u munhu yuyo si kosuma kumuwuyila kanyhi u mucekulu yuyo. Ku soko hono yanoze nhavivyo, nghani yiyo, yoyavufya yisi muno muno. Gwe Isilayeli, alu nha watuga wendece wenji muno muno, kanyhi kunji ho wukusaka wumbuyile'ne!

Ezekiyeli 23:3

Nawo lono wali wakali wadodo, wekalaga ku Misili. Wakawuhodanga wunyacipale wawo, wakawa malaya.

Ezekiyeli 23:8

Nayo yajendelela no wumalaya wakwe, nha vyono yali yenha du kuko ku Misili, kono yawucila no wunyacipale wakwe. Hambi nha ku wulawa mu wuhinza wakwe, i walume nha wagonaga nayo, wakamutendela nhe wacekulu wamalaya.

Walawi 17:8

Holeka Mwiisilayeli wo wose, hamba mujenzi mono kekalanaga nawo, mono yakulavya cilavywa cinyanywe, hamba cilavywa ce liwala lyo lyose,

Walawi 20:5

nene no mweneco nomwizila munhu yuyo hamonga na we mhuga yakwe wose, sunga na wose wono wowa vihanjile nayo mu wu wula wihuwilwa kuli'ne, wono wakumuhemba Moleki. Ane nane si nowawaliliza kanyhi hamonga ne wanhu wangu.

Walawi 3:17

Kanyhi hasina Muisilayeli wo wose mono yakomboywe kulya mhama hamba kung'wa sakami. Ne lilajilizo lili munojeye mulikamise cibitilila mu zindelo zenyu zose ho hose hono mowa kubita.”

Yohana 12:31

Alu co cipango co kuling'anizwa iyinze yiyi, alu muwaha we yinze yiyi kotagwa kunze.

Yohana 14:30

Si nomulonjelenyi muno kanyhi, hambi u muwaha we yinze yiyi nha yakuza, nayo hamba si kosuma cinji kuli'ne.

1 Wakolinto 10:20

Hamba hadodo! Nane yono nghulonga yoyi, i makumbiko gono wakumbikaga wono si wamumanyile u Mulungu, wakumbikaga masetani, hamba si Mulungu ng'o. Ninga si nendile anye muhangahanje ne masetani.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

Waefeso 2:2

Na mwipango lilyo mwekalilaga mu mikalile mibi ya mononze yiyi, nanye mukawa mukumuhulika u muwaha wo muhe mubi we vilungo wa mu mwanya, wo muhe wono wuwatemile alu, iwanhu wono si wakumuhulika u Mulungu.

Wukumbucize wo Wulajilize 31:16

Muwaha Mulungu yakamulonjela Musa yakatya, “Alu agwe Musa, weza wuli behi no kufwa, na lono kowa wakondya kufwa, hodu wanhu hamba si wowa wehuwilwa kanyhi kuli'ne, kanyhi wocibena ne cilagane cangu cono nalagana nawo. Wondeka, wawe kuhemba milungu yo wulambi yono yili mu yisi yono wene wokwinjila.

Wukumbucize wo Wulajilize 32:17

Wakayilavizya vilavywa i milungu yo wulambi, i milungu mipya yono hamba ne walezi wawo wali si wayimanyile yaye. I milungu yono Waisilayeli wali wakali hamba nayitumamila yaye.

Wugubule 9:20

I wanhu wanji wono wasigala, wono si wawulagwa no wongomezwe wuwo, nawo hamba si wanena, no kuvileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye shaba, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.