Walawi 15:5 - Luganuzi Luswanu Kuli Wanhu Wose 2002

⁵ No munhu wo wose mono kocipamiza cico citanda cakwe,

Walawi 15:5 ပူးပေါင်းရင်းမြစ်များ

Zabuli 26:6

Ane nghwizuguza miwoko yangu, 'gwe go Muwaha Mulungu, ho ndajile vyono ane nili mutelevu, nghwilunza no wihangulize wo wuhembi, mu wupilime we cikumbicilo cako,

Zabuli 51:2

Wunyezeze lukulu wavu wangu, wunghweme wubi wangu.

Zabuli 51:7

Wumbusize wubi, niwe nyelile, wunghweme, ne Hisopo niwe muzelu swee.

Wutuluce 19:10

Muwaha Mulungu yakamulonjela kanyhi Musa, yakatya, “Alu, wubite wukaweze wanhu izuwali ne mitondo. Nawo wose wanojeye wakanze vivwalo vyawo,

Isaya 1:16

Holeka alu, mwizuguze, mwiyeze, muwusize lukulu hali'ne, u wubi wono mukwituma, mulece kwituma vibi,

Isaya 22:14

Muwaha Mulungu we mihanga, yakanonjela yakatya, “Hamba si wolonenelelwa lukulu u wubi wuwu, sunga kono walafwila. Ane yo nene no Muwaha Mulungu we mihanga, vyo nghutya.”

Ezekiyeli 36:25

Nomumizizenyi malenga maswanu, nimwezenyi mu wavufywe wenyu, ku soko yo wuhemba vihwani wenyu, hamonga ne makani menji du mabi gono gamwavufyajenyi.

Ezekiyeli 36:29

Nane nomuponyenyi mu wavu wenyu wose. Nowulajiliza wuhemba wuwe winji muno, ho mulece kutuga nzala hamba hadodo.

Walawi 11:24

Na muli wose, mono koyipamiza midunhu ye vilimu avino vyono vityatizye, yuyo kowa yeyavufya, sunga kono lyoswela lizuwa.

Walawi 11:25

Vilimu vyose vyono visindulaga vyono vina mabangho, na vyono vina magulu gapanduce.

Walawi 11:28

Ninga hamba nhavivyo, kojendelela kuwa yeyavufye sunga kono lyoswela lizuwa.

Walawi 11:32

Na hono midunhu yazo yigwile muli cinhu co cose, i cinhu cico naco, hodu cowa cavufywa. Ne nghani yiyino, yowa yili muli vinhu vye mawala gose, iviya vye mabici, myenda, nyhingo, hamba mhinda hamba cinhu cocose du cono citumamilwaga, hamba ciwe vyono cinha, cinhu cico cinojele cizabikwe mu malenga, hamba nhavivyo cowa cavu sunga kono lyoswela lizuwa.

Walawi 13:34

Ninga mukohani yamulanje kanyhi kolo vyeza kupuluta vilo mupunghati. Na hono lilonda liwe si litandaye hamba si lihimbile yikombo, hodu mukohani yamwanzaje munhu yuyo vyono yakondya kwezwa. Nayo munhu yuyo yayikanze myenda yakwe, nayo kowa yezwa.

Walawi 13:6

Nayo mukohani yamulanje kanyhi mwi'zuwa lyo mupunghati. Na hono yawone livimbe likucepuka hamba si lyonjelezece yaye, hodu mukohani komwanza munhu yuyo vyono si mwavufywe yaye, langa lyali yivimbe du. Nayo munhu yuyo yayikanze myenda yakwe no kwiyeza.

Walawi 14:27

hanyuma yazabice cidole cakwe co muwoko wo kulume. Yagamize mafuta gago kali mupunghati, mucanyha hali Muwaha Mulungu.

Walawi 15:18

Kanyhi mulume lono yawe yakondya kugona no mucekulu, no kulavya mbeyu yo lulelo yiwanojeye wose vyono wejete, wehovuje miwili yawo, kanyhi wojendelela kuwa wavufywe sunga lizuwa kono lyoswela.

Walawi 15:4

Ne citanda co cose cono munhu yuyo kukwikalila, hamba kutambalala mucanyha yaco, ne citanda cico naco cawa iwifyo.

Walawi 15:6

hamba kwikala mucanyha ye cinhu co cose cono cakondya kwikalilwa no munhu yuyo, yinojeye yakanze myenda yakwe, kanyhi yehovuje no muwili wakwe. Kanyhi yajendelele kuwa mwavufywe sunga lizuwa kono lyoswela.

Walawi 16:26

Nayo munhu yuyulya mono yayiteguye ku nyika mvulati kuli Azazeli, yimunojeye yakanze myenda yakwe, yehovuje no muwili wakwe, lono yakali si nenjila mu nghambi.

Walawi 16:28

Nayo munhu mono kowituma mulimo wuwo wo kukongoga, yimunojeye yamule yakanze myenda yakwe, yehovuje no muwili wakwe, ho yenjile mu nghambi.

Walawi 17:15

No munhu wo wose, hono yawe Mwiisilayeli hamba yawe mujenzi, mono kolya nyama ya nimu yo yose yono yifwiliye yeneco, hamba yono yiwulagwe ne zinimu za mu mbago, yimunojeye munhu yuyo yakanze myenda yakwe, yehovuje no muwili wakwe, ninga kojendelela kwikala nhavivyo sunga lizuwa kono lyoswela, nayo ho kowalwa vyono yakondya kwezwa.

Wuwale 19:10

No munhu yuyo mono kozola i mavu gago ge ndama, yimunojeye yakanze myenda yakwe, ninga kanyhi kokwikala mwavufywe du sunga kono lyoswela lizuwa. No wulajilize wuwu, wojendelela du sunga mu vilo vyono vikuza, nawo wowa kuli Waisilayeli sunga na kuli wajenzi wono wekalane nawo.

Wuwale 19:22

Na muli cinhu co cose cono kocipamiza u munhu mwavufywe, hodu ne cinhu cico naco cowa cakondya kwavufywa. Nayo munhu mono kocipamiza cinhu cico, nayo kowa yakondya kwiyavufya. Holeka kokwikala mwavufywe, sunga kono lyoswela lizuwa.

Wahebelaniya 10:22

Holeka cimusejelelaje u Mulungu ne nhumbula yo winenenyhezi no wihuwilo wono wumemeleceye, mu nhumbula yono yezigwe mu ciselinji cibi, na mu miwili yono yihovugwe ne malenga mazelu.

Wahebelaniya 9:14

Ninga mu sakami ya Kilisito zitumwaga nghani mbaha kuciza! Vyono mu vilungo vyo Muhe we cibitilila, Kilisito yelavya mweneco ho yawe likumbiko lyono likwilaniciye kuli Mulungu. I sakami yakwe yocikwema i viselinji vyetu mu metumo gono gakuleta u wufwe, ho cimwitumamile u Mulungu u mumi.

Wahebelaniya 9:26

hambi nha hono yali yiwe nhavivyo, nha yali yimunojele Kilisito yagazwe kali kenji ku wulawa mu mwamulizo wo wuwumbwe we yinze. Ninga alu vipango avi lono vikusejelela ku mudumo wayo, u mwene yejela kamonga du, ho yawuwuse u wubi mu wilavya mweneco kuwa yikumbiko.

Yakobo 4:8

Mumusejelelaje Mulungu, nayo komusejelelenyi. Kwemenyi miwoko yenyu nyo wahodanji! Mweze zinhumbula zenyu nyo wakoci!

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swee.

1 Samwili 20:26

Ninga Sawuli hamba si yalonga cinji cocose mwizuwa lilyo, hambi nha yehwesa yakatya, “Lunji kowa nghani yinji yimwijelela, na kowa si yeyezize yaye.”