Walawi 15:2 - Luganuzi Luswanu Kuli Wanhu Wose 2002

² Walonjele wanhu wa Isilayeli wulajilize awuno wutye nhavi, Hono munhu yejele yakulawa wufila mu muwili wakwe, ale munhu yuyo yaweza mwavufywe so wuwo wufila wakwe,

Walawi 15:2 ပူးပေါင်းရင်းမြစ်များ

2 Samwili 3:29

Holeka wulipicizwe we lifwa lili, wuweze muli Yowabu hamonga na we mhuga yakwe yose! Na mu lulelo lwakwe lose, mu vilo vyose, mowa mo yuli munhu yunji mu wanhu wakwe, wa mu nyumba yakwe, mono kowa yena kaswende, hamba wukoma, hamba mono yakujendela makome, hamba mono yawulagwe ku wulugu, hamba mugaya ndigwa!”

Zabuli 78:5

Hambi nha yawika wulajilize kuli Waisilayeli, na kuli lulelo lwa Yakobo, yakasimya wuhomelezi. Yakawalajiliza walezi wetu, vyono wawejize ne wana wawo malajilizo gakwe.

Walawi 15:1

Muwaha Mulungu yakawalonjela Musa na Haluni yakatya,

Walawi 15:3

hamba yiwe wufila wakwe wukulawila hamba wuwe si wukulawila, mwene yawa mwavufywe du so wufila wakwe.

Walawi 22:4

“Kanyhi mu wana wa Haluni, hasina munhu mono kosuma kulya vilavywa vyono vyelile, akuno ho yena no wutamwa wo wukoma, hamba mono yakulavya wufila mu muwili wakwe. Langa yalindile sunga kolo yakondya kwezwa. No mukohani wo wose hono yapamize cinhu co cose cono cili 'wifyo, nha cinji, mu wupamiza muvimba, hamba munhu mono mbeyu yakwe yo lulelo yikulawila,

Walawi 5:3

Hono munhu yapamize cinhu co cose cavu cono cilawile muli munhu wula kumanya vyono cavu, munhu yuyo kowa yakondya kwiyavufya mweneco no kwinjila mwi'sutya. Nayo kolo yakondya kwizuka vyono kumbe kasutya, ale, ho kowa musutyi.

Wuwale 5:2

“Wuwalonjele Waisilayeli vyono, munhu wo wose mono kowa yatuga wutamwa wo wukoma, munhu yuyo yimunojeye yawuce mu nghambi yeleje mu wayagwe. Hamba mono yakulavya wufila mu muwili wakwe, hamba mono yapamize muvimba.

Matayo 9:20

Umucekulu yunji nayo mono yali yena wutamwa wo wuzaze we sakami mu myaka yikumi na myejete, yakamutyatya Yesu mu nyuma, yakapamiza limhembo lyo mwenda wa Yesu.

Maluko 5:25

Na muli wene mwali moyuli mucekulu yunji mono yali yena wutamwa wo wuzaze we sakami myaka yikumi na myejete.

Luka 8:43

Na mumo mwi'puga lye wanhu, mwali na mucekulu yunji mono yali yena wutamwa wo wuzaze we sakami myaka yikumi na myejete, [nayo hamba yawe yali yetumamila sawo yakwe yose mu waganga,] ninga hasina hamba yumonga mono yasuma kumuponya.

Walumi 3:2

Heya, kocili cambuzi mbavu zose, inongozi, u Mulungu yawakoza i Wayahudi inghani yakwe.