Walawi 13:4 - Luganuzi Luswanu Kuli Wanhu Wose 2002

⁴ Ninga hono livimbe liwe yizelu, kanyhi likwijela lisina yikombo mu nghuli, sunga ne zimvwili zayo ziwe si zizelupe, ale, mukohani komukoma munhu yuyo vilo mupunghati.

Walawi 13:4 ပူးပေါင်းရင်းမြစ်များ

Ezekiyeli 44:10

U Muwaha Mulungu yakanonjela yakatya, “Alu ane neza kuwalipiciza wawo i Walawi, hamonga ne wanhu wanji wa muli Waisilayeli, wono vyahangana hamonga, wakawa kundeka no kuhemba i vihwani viseswe.

Walawi 13:11

ale lilyo lyakondya kuwa wutamwa wo wukoma. Nayo mukohani komwanza munhu yuyo vyono mwavufywe. Hamba howa hasina kanyhi soko yo kukomwa ne wayagwe. Hambi nha yaweza mwavufywe cagalanze.

Walawi 13:25

ale, mukohani yamulanje munhu yuyo. Na hono yijele zimvwili za mu cilonda zisweluliye, na liwe lyahimba yikombo, ale wuwo waweza wutamwa wo wukoma wono wamulizize mu cilonda, so wupye wo moto wono wumunyanyile. Holeka mukohani yamwanzaje munhu yuyo vyono mwavufywe.

Walawi 13:26

Ninga zimvwili zayo, hono ziwe si zisweluliye yaye, kanyhi hamba si lihimbile yikombo, ninga lyakondya kwanza kutukuwala, ale mukohani yamukomaje munhu yuyo mu wayagwe vilo mupunghati.

Walawi 13:3

Nayo mukohani yalilanje livimbe lilyo. Na hono yijele zimvwili zono zili he 'vimbe, zagaluka zawa nzelu, ne futa ye livimbe likwijela yikombo mu nghuli yakwe, ale wuwo weza wutamwa wo wukoma. Holeka mukohani komwanza munhu yuyo vyono mwavufywe.

Walawi 13:31

Na lono mukohani yawe yamulanga, yawone vyono cilonda si cihimbile yikombo, ninga zimvwili zayo ziwe zikali si zinatukuwala yaye, ale mukohani yamukomaje muli wayagwe vilo mupunghati.

Walawi 13:5

Ninga hanyuma mukohani ho yamulanje kanyhi mwi'zuwa lyo mupunghati, na hono yawone vyono livimbe likali lili nhavivilya du hamba si lipituce liwala, hamba si lyonjelezece yaye, hodu mukohani komukoma kanyhi vilo mupunghati.

Walawi 13:50

Nayo mukohani kowulanga mwenda wuwo, nayo yawusole yawuwice kutali muno ne wanhu, wikale kuko vilo mupunghati.

Walawi 14:38

ale, munya kaya yahame mu kaya yiyo, nayo mukohani yayilanjilile vilo mupunghati.

Wuwale 12:14

Muwaha Mulungu yakapitula yakatya, “Hono sogwe yali yamufunyile mate mu wusu wakwe, yali yakozwe cevu vilo mupunghati. Holeka mulekaje Milyamu yekale kunze ye nghambi vilo mupunghati. Na kolo vyapuluta vilo vivyo vyo mupunghati, ale ho kosuma kugomolwa kanyhi mono nghambi.”

Wuwale 12:15

Hobaho Milyamu yakawa kudindilwa kunze ye nghambi, nayo yakawa kuko kunze vilo mupunghati. Nawo wanhu, hamba si watuluka yaye, sunga Milyamu yakagomolwa mu nghambi.

1 Wakolinto 4:5

Holeka mulece kuling'aniza lono vilo vikali si nafika, muzilekaje ziwe nhavivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, ku wulawa kuli Mulungu.

Wukumbucize wo Wulajilize 13:14

Holeka hono wuhulice wihehemeze wono winha wuwo, wupiligale kuwuzawuza. Na hono zijele vyono nghani zizo zimbi zili mbeka,

1 Timoteyo 5:24

Uwubi we wanhu wanji wijelaga calinze, nawo wukuwa kuwalongolela ku wuling'anizwe, ninga wubi we wanji, wijelaga du lwa hanyuma yayo.