Walawi 12:2 - Luganuzi Luswanu Kuli Wanhu Wose 2002

² “Walonjelaje wanhu wa Isilayeli wulajilize awu, wutye nhavi, ‘U mucekulu hono yatuje 'nda yasawe mwana we cilume, mucekulu yuyo kowa yeyavufya, sunga vipulute vilo mupunghati, nha vyono kawezaga yeyavufye, lono yali mu vilo vyakwe vyo mwezi.

Walawi 12:2 ပူးပေါင်းရင်းမြစ်များ

Mwamulizo 1:28

U Mulungu yakawalugutiza, yakutya, “Mwilele mwinjipe muno muno, no kuyimemya yinze, no kuyinoza yinze yimuhulicenyi nyenye. Kanyhi muteme mu zisomba ne zindeje zose, na muli viwumbwa vyose vyumi vyono vili mono yinze.

Mwamulizo 3:16

Mulungu yakamulonjela nayo mucekulu, yakamutya, “Agwe nagwe, nokuciziliziza i magaziko mu wudinghule wako we mida, na kanyhi nokuciziliziza no wusungu lono wukusawa mwana. Kosawa wana ko wusungu wuwaha muno, ninga hamba nhavivyo, kowa kwikala wukumusulumila u mulume wako, nayo kowa yakutemile.”

2 Samwili 11:4

Hodu hobaho Dawudi yakawa kutuma wanhu wabite wakamulete kuli mwene. Nawo wakamuleta kuli mwene, nayo yakawa kugona nayo. (Nayo Betisheba yali ho yakulawa du mu wiyeze we vilo vyakwe vyo mwezi). Hanyuma ya zizo Betisheba yakawa kuwuya ku kaya yakwe.

Jobu 14:4

Hambi nha hasina ciswanu co cose cono cosuma kulawa muli cono si ciswanu, nha vyono munhu yenha.

Jobu 15:14

Alo munhu mbeka kosuma kuwa yelile hongo? Hamba kuwa ling'ani hali Mulungu?

Jobu 25:4

Hamba ho yuli yunji mono kowa ling'ani, hali Mulungu, hamba mono yelile ha meso gakwe?

Zabuli 51:5

Ane nha nili musutyi ku wulawa vyono nalelwa, nili mubi ku wulawilila mu'nda ya yaya.

Walawi 12:1

Muwaha Mulungu yakamulonjela Musa yakatya,

Walawi 12:5

Langa hono mucekulu yasawe mwana we cicekulu, mucekulu yuyo, kokwikala yeyavufye vilo yikumi na vine, nha vyono kawezaga mu vilo vyakwe vyo mwezi. Kanyhi yajendelele kuwa yali mu wavufywe wakwe du, sunga vipulute vilo makumi mutandatu na mutandatu, lono yakali neyeza mu wulawa mu sakami yo wezwe wakwe.

Walawi 15:19

Na hono mucekulu yawe yali mu vilo vyakwe vyo mwezi, yekalaje mwavufywe sunga vilo mupunghati vipulute. No munhu wowose mono komupamiza, nayo kowa yakondya kwiyavufya sunga lizuwa kono lyoswela.

Walawi 18:19

“Kanyhi wulecele lukulu kugona no mucekulu, lono yali mu vilo vyakwe vyo mwezi, hambi nha yakali yeyavufye.

Walawi 5:3

Hono munhu yapamize cinhu co cose cavu cono cilawile muli munhu wula kumanya vyono cavu, munhu yuyo kowa yakondya kwiyavufya mweneco no kwinjila mwi'sutya. Nayo kolo yakondya kwizuka vyono kumbe kasutya, ale, ho kowa musutyi.

Luka 2:22

Vyaza kuficila vilo vyo wezwe wawo, ko wulajilize wa Musa, wa Yusufu na Malyamu wakamusola mwana, wakabita nayo ku Yelusalemi, wamuwice hali Muwaha.