Walawi 10:3 - Luganuzi Luswanu Kuli Wanhu Wose 2002

³ Hodu, Musa yakamulonjela Haluni yakatya, “Gwe Haluni, ayi yo nghani yono Muwaha Mulungu yayilongaga, lono yatya nhavi, ‘Munhu wo wose mono yakunyitumamila, yimunojeye yawupele cogopo u wele wangu, nane holeka noyilajila nhojo yangu kuli wanhu.’ ” Ninga mwene Haluni hamba si yapitula cinji yaye.

Walawi 10:3 ပူးပေါင်းရင်းမြစ်များ

Mwamulizo 18:25

Ninga nitumbiye vyono si konoza nhavivyo! Nha cinji wuwawulaje i wanhu waswanu hamonga ne wanhu wabi, wo wutya, i waswanu wanozezwe muling'ano ne wanhu wabi! Aa ng'o! Viswanu kuli muling'anizi we yinze yose kuwituma ling'ani.”

Jobu 2:10

Ninga Jobu yakamupitula mugolece wakwe, yakamutya, “Gwe mugolece wangu, mbeka wukulonga nghani za caka du! Alu kumbe, hono Mulungu yakuciletela nghani swanu, ayo langa ciyibocelaje na nyemo. Ninga kolo yakuciletela wugaye, hongo yicinojeye cimung'ung'ulicile?” Na muli zizo zose ze magayo zono zamwijelela Jobu, ninga mwene hamba si yalonga nghani yo yose 'mbi kuli Mulungu yaye.

Zabuli 119:120

Ane nghucicima so wogopa gwegwe, memile woga, ku soko ye ning'aniza yako.

Zabuli 148:14

Yawapela vilungo i wanhu wakwe, wose ho wamulumbe mwene, ne wana wa Isilayeli wono yawendile. Mumulumbe Muwaha Mulungu!

Zabuli 39:10

Holeka wulece kundipiciza kanyhi, hambi nha neza nili behi no kufwa, ku soko yo wutowe wako.

Zabuli 39:9

Ane nyamaye du, si nghulonga cinji kanyhi, hambi nha yo gwegwe mono witumile zizo.

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

Zabuli 89:7

Agwe wogopwe mu wihangulize wa wono welile, na wose wono wakupilime, wakukupela lilumbo, kanyhi wakogopile.

Zabuli 93:5

Gwe go Muwaha Mulungu, wulajilize wako wo we cibitilila, ne Nyumba yako, yelile cibitilila ne cibitilila.

Wutuluce 14:17

Nane nowanoza Wamisili wawe wasina cihuliko. Nawo wowatyatya Waisilayeli mu nyuma yawo mwi'lenga, nane nogagomoleza malenga, niwagubize Wamisili. Baho ho nokwitujila lilumbo yiwaha muno, kolo nakondya kuwongomeza Falawo, ne lipuga lyakwe, ne matuka gakwe go wulugu, hamonga ne wajendela mu zifwalasi wakwe.

Wutuluce 14:4

Nane nomunoza Falawo yawe yasina cihuliko, nayo komulondenyi, na kolo yakumutyatyenyi, nane nomongomeza hamonga ne lipuga lyakwe lyose. Nayo Falawo ne wanhu wakwe ho womanya vyono ane nili vilungo. Ne Wamisili ho womanya vyono, ‘Ane yo nene Muwaha Mulungu.’ ” Nawo Waisilayeli wakanoza nha vyono walonjelwa.

Wutuluce 19:22

Nawo wakohani wono wasejelelaga behi nane, nawo yiwanojeye weyeze, hono si nhavivyo, ane nowalipiciza.”

Wutuluce 19:24

Nayo Muwaha Mulungu yakamutya Musa, “Ale, wutime hasi ye litunda, wubite wukamulete Haluni, ninga langa wulanjilile, wulece kuwakombola wakohani, hamba wanhu wanji, walece kwijelela kuza kono kwangu, hono si nhavivyo, ane nowalipiciza.”

Wutuluce 30:30

Hanyuma, wumwitile mafuta Haluni hamonga ne wanagwe, wuwasiwanule ho wanyitumamile mu witumami wo wukohani.

Isaya 39:8

Nayo mutemi Hezekiya yakamanya nha vyono, mu vilo vyakwe, wowa mulamu du. Holeka yakapitula yakatya, “Nghani yo Muwaha Mulungu yono wuyilonjile, swanu.”

Isaya 49:3

Hanyuma yakanonjela yakutya, “Isilayeli, agwe wuli mwitumami wangu hambi nha ku soko ya gwegwe, wanhu wose wonghumya.”

Isaya 52:11

Mumanye vyono wose mwakondya kuwuka mu Babiloni, anye wose mono muvidinghulaga viya vye Nyumba yo Mulungu! Kanyhi mulecele lukulu ku vipamiza vinhu vyavu, Mutuluce muwuce, akuno mwelile.

Ezekiyeli 20:41

Nane kolo nakondya kumuwusenyi mu zi'si zizo zono mowa muyagazizwe, no kumukongholelenyi wose hamonga, nhondo ho nolovibocela ne vilavywa vyenyu vinyanywe. Ne makungugo baho ho wolowonela nha vyono ane nelile.

Ezekiyeli 28:22

Wuwalonjele i wanhu wono wekalaga mwi'kaya lilyo, zono ane no Muwaha Mulungu nghuwalonjela nghutya nhavi, Ane no Muwaha Mulungu nili mulugu wenyu anye wanhu wa Sidoni, ne wanhu wose wolonghumya nene, so zono nomutendelenyi. Nawo baho ho wolomanyila nha vyono yo nene Muwaha Mulungu, kolo nakondya kwilajila nha vyono ane nelile, mu nzila yo kuwalipiciza i wanhu wono wekaye muli'gwe Sidoni.

Ezekiyeli 38:16

Nanye mowahoma i wanhu wangu Isilayeli, nhe libeho liwaha lyo mukukunzo lyono likudumula yisi. Na kolo lipango lyakondya kuza, ane nokutegula wukayihome yisi yangu, ho wuwamanyize we makungugo, wamanye vyono nene nani, na kanyhi wuwamanyize zo wele wangu, mu nzila yono nghwitumila muli'gwe.

Ezekiyeli 40:46

ne nyumba yo mulango wono wulanjile ku lubavu lwa kusumuka, yo nyumba ye wakohani wono wetumaga ha cikumbicilo. Ne wakohani wawa, wose wo wana wa Zadoki, wa mu mhuga ya Lawi, nawo wo wali wakomboligwe du, wamwitumamile u Muwaha Mulungu.

Ezekiyeli 42:13

U munhu yuyo yakanonjela yakatya, “I mazengo gaga gose gelile, hambi i wakohani wono wenjilaga hali Muwaha Mulungu, nha mo wakuwa kulila mumo i vilavywa vyono vyelile. Ku soko vyono i vinyumba vyeneco vyelile, holeka ne wakohani nawo wakuwa kuwika mumo i vilavywa vyono vyelile. I vilavywa vyo wusaje, ne makumbiko ge vilavywa so wubi, hamonga ne vilavywa vyo munhu mweneco mono yetumile lisutya.

Walawi 21:15

Hono si nhavivyo, iwana wono kolela, wowa wavufywe, hamba si wowa welile, nha vyono wakusakwa wawe. Ane yo nene Muwaha Mulungu nimusiwanula nha Mukohani Muwaha.”

Walawi 21:17

ya mulonjele Haluni yatye, “Mu lulelo lwako lose, munhu mono kowa yena cilema mu muwili wakwe, ayo si kowa yanojeye yandavizye cilavywa ce ndigwa. Ne nghani yiyi yinojeye yikamiswe na mu vilo vyose vyono vikuza.

Walawi 21:21

Holeka munhu mono kowa yena cilema mu lulelo lwa Haluni mukohani, yuyo si kosuma kundetela cilavywa ce ndigwa.

Walawi 21:6

Mwene yanojeye yawe yelile, hamba yalece kulikoza cevu litagwa lyangu. Hambi mwene nha kalavyaga cilavywa ce ndigwa kuli 'ne, holeka yimunojeye yeze yelile.

Walawi 21:8

Ne wanhu, wanojeye wamuwone mukohani vyono yo munhu mono yelile, hambi nha yo kandavizyaga ane no Muwaha Mulungu i vilavywa vye ndigwa. Ane yo nene Muwaha Mulungu mono nimwezajenyi 'nye, nha nelile.

Walawi 22:9

“Yiwanojeye wakohani wose wagebate malajilizo gose gono namupelenyi. Na hono si nhavivyo, wowa wasutyi, na wofwa, vyono si wagakamise malajilizo gono gelile. Ane yo nene Muwaha Mulungu, yo nene mono nghuweza.

Walawi 8:35

Holeka munojeye muwe baho du, ha mulango we Lihema vilo mupunghati cilo na misi, mukufisiliza zono Muwaha Mulungu yalajilize. Na hono mulece kuzifisiliza, mofwa. Nazo zizi zo Muwaha Mulungu yandajilize.”

Wuwale 16:5

Hanyuma, yakawa kumulonjela Kola, hamonga ne watyati wakwe, yakawatya, “Ale, i mitondo hakali mitondo, u Muwaha Mulungu kocilajila, nani mono munhu wakwe, kanyhi wa hayi mono wakwe, nha cinji mono yamuhagula, komusejeleza ha cikumbicilo.

Wuwale 20:12

Ninga Muwaha Mulungu yakawahosa Musa na Haluni, yakawatya, “Alu vyono si munyihuwiye 'ne, na kanyhi vyono si musacile no kuvilajila vilungo vyangu viwaha vyono vyelile, hali wanhu wawa Waisilayeli, hodu, nanye si mowalongoza wanhu wawa, sunga muwafise ku yisi yono nawehuwiza vyono nowapela.”

Matayo 10:37

“Nayo mono yamwendile muno muno u sogwe, hambo nyina si nha vyono yanyendile nene, ale yuyo siyanghwiliye yaye. Nayo mono yamwendile muno muno u mwanagwe we cilume hamba we cicekulu si nha nene, ale yuyo hamba si yanghwiliye yaye.

Yohana 12:28

Baba wulikumyaje litagwa lyako.” Baho likaza lizi likulawa ku wulanga, likutya, “Nalikumya, kanyhi nolikumya.”

Yohana 14:13

Na yo yose yono molomba mwitagwa lyangu, nokwituma, ho Sogo yo Munhu yakumizywe muli mwanagwe.

Wukumbucize wo Wulajilize 32:51

Hambi anye wose vyono muli wejete, nha mwambedegalila ha mwande ye Waisilayeli. Hambi, lono mwali muli ha malenga ga Meliba, behi ne likaya lya Kadeshi mu nyika ya Zini, agwe nha wambedegalila ha mwande ye wanhu wa Isilayeli.

2 Watesalonike 1:10

kolo yakuza mwizuwa lilyo no kulubocela u lukumyo ne lilumbo kulawa kuli wanhu wose wono wamwihuwiye. Nanye nhavivyo, molowa wayagwe na wawo, hambi nha mwayibocela i nghani yono camuletelenyi.

1 Petelo 4:17

I cidaha co wuling'anizwe nha cakondya kuza, no wuling'anizwe wuwo, wukwamulila kuli wanhu wo Mulungu mweneco. Na hono wulinga'nizwe wuwo wamulile kuli sese, co weneco, alu ma, i ndumo ya wawalya wono siwehuwilaga u Luganuzi Luswanu lo Mulungu, ho yolowa wule?

1 Samwili 2:30

Agwe Eli, mono ane no Muwaha Mulungu we Waisilayeli, nehuwiza mu vilo vyono vipulute, nha vyono i mhuga yako, hamonga na wo mulango wako, wo wonyitumamila du nha wakohani mu vilo vyose. Ninga aluno nghutya, ane si nosuma kujendelela kugakangalila kanyhi, makani gono genha gaga! Langa, nowakumya du wono wakunghumya, kanyhi nowabedegala wono wakumbedegala.

1 Samwili 3:18

Ale, Samwili yakawa kumuloloseza zose, si yamuhundika nghani hamba monga yaye. Eli nayo yakamupitula yakamutya, “Hambi nha yo Muwaha Mulungu, holeka kosuma kwituma nghani yo yose yono mweneco koyiwona swanu.”

1 Samwili 6:20

Holeka i wanhu wa Bete-shemeshi wakatya, “Nani 'mbi kanyhi mono kosuma kwima hali Muwaha Mulungu yuyu, u Mulungu mono yelile? Alu hamba cimutegule hayi, ho yawuce kono kwetu?”