Walawi 10:1 - Luganuzi Luswanu Kuli Wanhu Wose 2002

¹ Nawo wana wa Haluni, Nadabu na Abihu, wakasola munhu ne zaye lyakwe, wakapala moto munhu na wakwe, wakawa kusola wuvumba wakawutajila mu myoto yawo, wakawa kumulavizya Muwaha Mulungu. Ninga wuwo moto wono wene wawupala, si wali moto wono welile, hambi Muwaha Mulungu nha si yali yawalajilize wetume zizo.

Walawi 10:1 ပူးပေါင်းရင်းမြစ်များ

Wuwale 26:61

Nadabu na Abihu, wawo wo wafwa lwa kamonga, mwi'zuwa lililya lono walavizya kuli Muwaha Mulungu, u moto wono si wali welile mu cikumbicilo.

Walawi 16:12

yasole lizaye yalimemye makala gono gakulawa mu cikumbicilo. Yasole no wuvumba wuswanu muno maganza mejete. Yenjile navyo mu Hanhu hono helile, helile muno.

Wukumbucize wo Wulajilize 12:32

Holeka muzitumaje zose zono nakondya kumulajilizenyi, mulece konjeleza hamba kucepula nghani yo yose muli zizi.”

Wuwale 16:46

Musa yakamutya Haluni, “Ale wusole cifusizo cako, wucitajile ne makala gono gakulawa mu cikumbicilo, hanyuma, wutajile wuvumba mucanyha yayo. Wuwabitile wanhu musunho, wukawanozeze wilamule. Ale Wiyohaje! Hambi likuwo lyo Muwaha Mulungu nha lyakolela muno, ne lihuhuji lyakondya kuza.”

Wutuluce 24:1

Muwaha Mulungu yakamulonjela Musa yakatya, “Gwe Musa, muze akuno kono kwangu kwi'tunda kucanyha, gwegwe hamonga na Haluni, na Nadabu na Abihu, muze hamonga ne wanyamhala makumi mupunghati we Waisilayeli. Na kolo mweza muli behi no kufika kono kwangu, na lono mukali cidaha hadodo, nhondo mwiname hasi muhembe.

Wutuluce 6:23

Nayo Haluni yakamutola Eliseba, u mwana we cicekulu wa Aminadabu u lumbulye wa Nasoni, nayo yakamulelela wana we cilume awano, Nadabu, Abihu, Eleyezali, na Itamali.

Zabuli 141:2

No wulombe wangu wukuficile nha wuvumba, sunga no winule we mawoko gangu, wuweze nhe likumbiko lya mwi'daha lye cinya mihe.

Walawi 22:9

“Yiwanojeye wakohani wose wagebate malajilizo gose gono namupelenyi. Na hono si nhavivyo, wowa wasutyi, na wofwa, vyono si wagakamise malajilizo gono gelile. Ane yo nene Muwaha Mulungu, yo nene mono nghuweza.

Wutuluce 28:1

“Nagwe wumulete muwahawo Haluni hali 'ne, hamonga ne wanagwe, Nadabu, Abihu, Eleyezali, na Itamali ku wulawa mu Waisilayeli, ho wanyitumamile mu mulimo wo wukohani.

Wutuluce 24:9

Nawo Musa na Haluni na Nadabu na Abihu, wakawa kubita kwi'tunda kucanyha, hamonga ne wanyamhala makumi mupunghati we Waisilayeli.

Walawi 16:1

U Muwaha Mulungu, yakamulonjela Musa, lono i wana wejete wa Haluni, wali wakondya kufwa, so wulavya moto wono si welile kuli Muwaha Mulungu.

Walawi 9:24

Nayo Muwaha Mulungu yakagumila moto nhinicizo, wukacitakamiza cilavywa cinyanywe hamonga ne mhama yose ya mu cikumbicilo. Nawo wanhu wali weza kuziwona zizo, wakazozeza wose hamonga, wakafugama, wakenamya wusu wawo sunga ho hasi.

Wutuluce 27:3

Wunoze ne viya vyayo vyose, viya vyo kuzolela mavu, koleyo, mabeseni, ne vicinyilo, ne visahani vyo kupalila moto. Ne vivya vivino vyose, wuvinozaje kwa shaba.

Wahebelaniya 9:4

Mumo mo mwali cifusizo ca zahabu so kufusiza wuvumba ne lisanduku lye cilagane, nalyo lyali yihiliwe zahabu mbavu zose, na mugati yalyo, mwali na ciya ca zahabu cono cali cina mana, ne nghome ya Haluni yono yali yitulile mahamha, hamonga na azilya i zimbawo zi nyejete zono zali zandicigwe i cilagane.

Yelemiya 44:15

Ale, baho, i wanhu wose we cilume, wono wakamanya nha vyono, wagolece zawo wayilavizya makumbiko milungu yinji, hamonga ne wacekulu wono wali wali bahalya, hamonga ne Waisilayeli wose wono wekalaga ku lubavu lwa kutakama lwe yisi ya Misili, wawa lipuga lyose, wakanonjela wakatya,

Yelemiya 44:8

Alu nhawulenyi mukunghalaza, no kunghoza likuwo so wuhemba vihwani, na so wukumbika milungu yinji, mu yisi yiyi ya Misili, mono mwikaye? Hamba mukwituma zizi ho mwiyongomeze nyo weneco, ne makungugo gose ga mono'nze gamubedegalenyi, no kwitumamila litagwa lyenyu nha wulijitwe ne cevu lo?

Yelemiya 32:35

Kanyhi wazenga vikumbicilo vya Baali, mwi'lolo lyo mwana wa Hinomu, no kuwalavya mumo makumbiko, i wana wawo we cilume na we cicekulu, kuli mulungu Moleki. Kumbe nane, si nawakombola wetume zizo. Na kanyhi hamba si nali nihwesize nha vyono wosuma kwituma nghani zono zinha zizo, no kuwanoza wanhu wa Yuda wetume wubi.”

Yelemiya 19:5

Kanyhi wakondya kumuzenjela Baali vikumbicilo vinji, vyono wowa kuwanyanyila i wana wawo mu moto, wawe likumbiko linyanywe kuli Baali. Ne nghani yiyi, yo nghani yono ane si nawalajiliza yaye, yo nghani yono nghali nehwesa na mu nhumbula yangu.

Yelemiya 7:31

Kanyhi wakazenga cikumbicilo cono cacemwaga Tofeti, mwi'lolo lya Hinomu, ho wawalavye i wana wawo we cilume na we cicekulu, wawakongojeze mu moto. Ninga nane ho si nawalajiliza wetume zizo. Kanyhi ne nghani yiyo, yali yili musina muli'ne.

Wukumbucize wo Wulajilize 17:3

kabena cilagane, yakuhemba milungu yinji no kuyitumamila, lunji lizuwa, hamba mwezi, hamba nyelezi, si nhe lilajilizo lyo Muwaha Mulungu.

Wukumbucize wo Wulajilize 4:2

Ninga mulece konjeleza hamba kucepula muli zose zono nghumulajilizenyi. Langa mweze ne cihuliko du kuli malajilizo go Muwaha Mulungu, u Mulungu wenyu, gono nakondya kumulonjelenyi.

Wutuluce 40:27

Yakawa kuwufusa mumo wuvumba we mhunjile swanu, nha vyono yalajilizwa no Muwaha Mulungu.

Wutuluce 38:3

Yakanoza ne vitumamilwa vyose vye cikumbicilo, nha cinji, vyungu, koleyo, mabeseni, vicinyilo, hamonga ne visahani vyo kupalila moto. Nayo yakavinoza vinhu vivi vyose vya shaba.

Wutuluce 37:29

Yakanoza ne mafuta gono gelile go witile, hamonga no wuvumba, wono wina mhunjile swanu muno muno, wono wuhanzahanze kotya manukato.

Wutuluce 31:11

Kanyhi, ne mafuta go witile, no wuvumba we mhunjile swanu, so hanhu hono helile. Nawo wavinoze vinhu vivyo vyose nha vyono nakulajiliza.”

1 Watemi 18:38

Nayo Muwaha Mulungu yakacikoleza moto cikumbicilo, nawo moto wukavitakamiza vyose, likumbiko ne zingwagu hamonga ne mabwe gayo. Wukanyanya muhangha no kuganyaza malenga gose mu musinji.

Wutuluce 8:27

Holeka langa, yicinojeye cibite ku nyika muhinzo wa vilo vidatu, kuko ko cikamulavizye makumbiko u Muwaha Mulungu, u Mulungu wetu, nha vyono mwene yacilajiliza.”

Wuwale 4:18

“Mulece kuwaleceleza wawa i wana wa Kohati wafwe,