Walawi 1:3 - Luganuzi Luswanu Kuli Wanhu Wose 2002

³ “Na hono yawe yakulavya ng'ombe yakwe, yiwe lyo likumbiko lye cilavywa cinyanywe, yimunojeye yalavye ng'ombe nume, yono yisina cilema cinji. Yayilete ha Mulango we Lihema lyono lyelile, no Mulungu nayo ho kosuma kumubocela.

Walawi 1:3 ပူးပေါင်းရင်းမြစ်များ

Mwamulizo 22:13

Nayo Abulahamu yali yeza kwinula meso gakwe, yalanje nhavi ku mugongo wakwe, yakayiwona nduwilu, yibatwe mahembe gayo mu cititika. Abulahamu yakawa kubita kuyisola ngholo yiyo, yakawa kuyilavya likumbiko linyanywe, yikahomela ho mwanagwe Isaka.

Mwamulizo 22:2

Mulungu yakamutya, “Ale, wumusolaje mwanago Isaka, u mwanago we ciwene, mono wumwendile, wubite nayo sunga ku yisi ya Moliya, wukamulavye kuko, likumbiko linyanywe, mucanyha ye litunda lyono nokulajila nene.”

Mwamulizo 22:8

Abulahamu yapitula yakatya, “Gwe mwanangu, u Mulungu mweneco yo kocipela i nyana ye ngholo so likumbiko linyanywe.” Hodu wakawa kujendelela no muhinzo wawo.

Mwamulizo 8:20

Nayo Noha yakamuzenjela u Muwaha Mulungu cikumbicilo, yakawa kusola i vilimu vyose vyono vyelile vye mawala gose, ne zindeje, yakawa kuvilavya vilavywa vinyanywe mu wukumbicilo.

2 Zinghomo 29:32

Wakaleta ng'ombe makumi mupunghati, na ngholo yigana limonga, hamonga na nyana za ngholo, magana mejete, vikawa so vilavywa vinyanywe kuli Muwaha Mulungu.

2 Zinghomo 35:12

Hanyuma, wakawa kuwagawila wanhu zimitugo, so cilavywa cinyanywe, mu nghango ye zimhuga zawo vyono zali zinha, mhuga monga monga. Ho wazilavye, nha vyono winha wulajilze wa Musa.

Zabuli 110:3

Nawo wanhu wako wokwilavya weneco, ko mutima muzelu, mwizuwa lyo kuwahoma no kuwasuma walugu wako. Nha vyono yinha buhe ya hakali mitondo, ale, nhavivyo ne wazelelo wako, nawo, vyo wolokuziza gwegwe, mu matunda gono gelile.

Zabuli 40:8

Nghusangalala kuwituma zo wuhile wako, go Mulungu wangu, no kuwukamisa wulajilize wako kwe nhumbula yangu yose.”

Wutuluce 12:5

Wudahile kusola ngholo hamba mhene, ninga yiweze nume yono yificile mwaka monga du, kanyhi yiweze yono yisina cilema co cose.

Wutuluce 24:5

Hayuma yakawa kuwatuma wazelelo we Ciisilayeli, wakamulavizya Muwaha Mulungu vilavywa vinyanywe, hamonga ne vilavywa vyo mulamu.

Wutuluce 29:18

Wuyiticimize nduwilu yose mu moto mucanyha ye cikumbicilo, wundavizye cilavywa cinyanywe. Ne mhunjile ye cilavywa cicino, yinyendezaga muno.

Wutuluce 29:4

“Na hanyuma yayo, wumusole Haluni hamonga ne wanagwe, wuwalete ha mulango we Lihema lyono lyelile, wuwazuguze migulu yawo.

Wutuluce 29:42

Ne cilavywa cici cinyanywe, cowa kulavizywa nhondo zose ha mulango we Lihema lyono lyelile, mu zindelo zenyu zose zono zikuza. Nane ho nowa kwitang'anila nanye baho, no kuduwana nanye.

Wutuluce 32:6

I mitondo yaco, wanhu wakelawa kwinuka hakali mitondo muno, wakalavya mitugo so vilavywa vinyanywe, hamonga ne vilavywa vyo mulamu. Wanhu wakekala hasi, wakalya no kung'wa ko wubugu, sunga wakagala no kwinjila mu wusenyha.

Wutuluce 35:21

Nawo, muli wose mono yali yendile, wakawa kuza yumonga yumonga no kumulavizya Muwaha Mulungu vinhu ku soko ye Lihema lyono lyelile, hamonga ne visakwa vyayo vyose, ne vivwalo vyayo vyono vyelile.

Wutuluce 35:29

Ne wanhu wose wa Isilayeli, walume ne wacekulu, wono zinhumbula zawo, zikawa zendile kulavya cinhu co cose, ku soko yo mulimo wo Muwaha Mulungu. Mulimo wono Mulungu yali yamulajiliza Musa witumwe. Nawo wavileta vinhu vivyo kwa nhumbula nzelu, wakavileta viwe vyo vilavywa vyawo kuli Muwaha Mulungu.

Wutuluce 35:5

Mumulavizye Muwaha Mulungu vinhu vyono vikulawa mu zisawo zenyu. No munhu wowose mono yena nhumbula nzelu, yamulavizye Muwaha Mulungu zahabu, fweza, shaba.

Wutuluce 36:3

Nawo wakavibocelela kulawa kuli Musa i vinhu vyose vyono vyali vyalavywa ne wanhu wa Isilayeli na nhumbula nzelu, ku soko yo mulimo we Lihema lyono lyelile. Ne wanhu wa Isilayeli, wakajendelela nhondo zose hakali mitondo, kumuletela Musa vilavywa vyawo na nhumbula nzelu.

Wutuluce 38:1

Yakanoza kanyhi ne cikumbicilo co mubici wo mukambala ce cilavywa cinyanywe. Naco cikumbicilo cikawa ciling'aniye mbavu zose. Wutali wayo, mita nyejete na lobo, no wugazi wayo nawo, mita nyejete na lobo. Wima wayo, mita monga na lobo.

Isaya 1:11

Yakutya nhavi, “Alu mwene, anye mukwihwesa vyono 'ne, nghugasaka gago makumbiko genyu, gono mukundavizya? Ane nha nakondya kucilwa ne vilavywa vyenyu vinyanywe vye zi nduwilu, vyono mukundavizya nha makumbiko, hamonga ne mhama ye zimitugo zenyu zono zijinile. Nakondya kuyikatala sunga ne sakami ye zing'ombe, hamba ye zingholo, hamba ye zimhene.

Ezekiyeli 20:40

Nanye nyo wanhu wangu, nyo wanhu wa Isilayeli, wose molohemba nene du, mu yisi ya Isilayeli, mwi'tunda lyangu lyono lyelile, litunda litali muno lya mu yisi ya Isilayeli. Nane baho ho nolokwendezwa nanye, na kuko ko nologasaka ne makumbiko genyu, ne vilavywa viswanu, hamonga ne vipegwa vyenyu vyono vyelile.

Ezekiyeli 40:39

Na ha balaza yo kwambila lubeho, hali ho zili meza yine. Nazo zali mbice nyejete ku lubavu aluno, ne zinyejete nazo, ku lubavu aluno baho ha balaza. Nawo, mu zi meza zizo, mo waziwulajilaga zimitugo ze vilavywa vye makumbiko, hamba ze vilavywa vinyanywe, hamba ze vilavywa so wubi, hamba ze vilavywa vyo mulamu.

Walawi 1:10

“Na hono munhu yawe kulavya cilavywa ce ngholo hamba mhene, yimunojeye yalavye nduwilu hamba mvulati yono yisina cilema cinji.

Walawi 14:10

Na mwi'zuwa lyo munana, munhu yuyo yalete nduwilu nyejete, na ngholo nyhekulu monga, ya mwaka monga, zono nhelevu zisina cilema co cose. Hamonga na kilo yidatu zo wusaje wono muhanzahanzwe ne mafuta. Kanyhi ne mafuta cikombe cimonga.

Walawi 16:7

Hanyuma ho yazitegule zi zilya zimhene zi nyejete ha mulango we Lihema lyono lyelile.

Walawi 17:4

hono yalece kuyiwulajila ha mulango we Lihema lyono lyelile, munhu yuyo kowa yabena wulajilize. Kamwaga sakami caka, holeka nayo, si kowalilizwa ne wanhu wo Mulungu.

Walawi 17:8

Holeka Mwiisilayeli wo wose, hamba mujenzi mono kekalanaga nawo, mono yakulavya cilavywa cinyanywe, hamba cilavywa ce liwala lyo lyose,

Walawi 17:9

kuli Muwaha Mulungu, mono kolavizya cilavywa cico caka caka ako na ako, yalece kuleta no kulavizya ha mulango we Lihema, munhu yuyo si kowalilizwa kanyhi hamonga ne wanhu wo Mulungu.

Walawi 23:12

Na mwi'zuwa lilyo lono wukulavya cilavywa co wuhemba, ale wulavye hamonga ne cilavywa cinyanywe, ca nduwilu monga, ya mwaka monga, nhelevu yono yisina cilema co cose.

Walawi 23:18

Kanyhi hamonga no mukate wuwo, mhuga yose yinojeye yilete nyana mupunghati za ngholo, za mwaka monga monga, hamonga na nyehe monga, na nduwilu nyejete, na zose zeze nhelevu zisina cilema co cose. Navyo vinojeye vyose vilavywe nha cilavywa cinyanywe kuli Muwaha Mulungu, hamonga ne cilavywa co wusaje, ne cilavywa ce divayi. Ne mhunjile ye cilavywa cico yikwendeza kuli Muwaha Mulungu.

Walawi 3:1

“Na lono yunji yawe yakulavya ng'ombe monga ya mwi'tewa lyakwe, yiwe cilavywa co mulamu, ng'ombe yiyo hono yiwe nume hamba nyhekulu, yeze nhelevu yisina cilema co cose.

Walawi 4:15

Nawo wanyamhala we mhuga, wajelece miwoko yawo mu mutwe we nzeku yiyo, hanyuma wawe kuyiwulajila baho hali Muwaha Mulungu.

Walawi 4:23

ale, yimunojeye baho baho du lono yakumanya vyono yasutizye, yalavye cilavywa ca mvulati nhelevu yono yisina cilema co cose.

Walawi 4:3

Hono yiwe mukohani mweneco yo yasutya no kuwasutizya wanhu, yowa yimunojeye yalavye nzeku nhelevu, yamulavizye Muwaha Mulungu so wubi wuwo wono yawitumile.

Walawi 4:32

“Na hono munhu yalavye ngholo, yiwe co cilavywa co wubi, ngholo yiyo yiweze ngholo nyhekulu nhelevu, yono yisina cilema co cose.

Walawi 5:15

Hono munhu yasutye wula kumanya, so wulemwa kuleta cilavywa co wusutye, cono cisiwanuliywe Muwaha Mulungu, ale, munhu yuyo yanojeye yalete nduwilu nhelevu, yono yisina cilema co cose, hamba mhene yono yisina cilema. Ne cifo cayo, ciweze ce nghango ye mapesa gono gakwitumamilwa mwi 'Hema lyono lyelile.

Walawi 5:18

Nayo yimunojeye yalete nduwilu hamba mhene nhelevu yono yisina cilema co cose kuli mukohani, ciwe co cilavywa cakwe co wusutye. Ne cifo cayo ciweze ce nghango ye mapesa gono gakwitumamilwa mwi 'Hema lyono lyelile. Nayo mukohani komunozeza wilamule ku so wubi wo munhu yuyo wono yawitumile wula kumanya. Nayo munhu yuyo konenelwa wubi wakwe.

Walawi 6:2

“Cilavywa, cinojeye cilavywe lono munhu yamusutizya Muwaha Mulungu, so wulema kumugomolela Mwiisilayeli muyagwe, cinhu cono yaleceywe no muyagwe nha mupinga, hamba cono yamuhizize muyagwe,

Walawi 6:8

Muwaha Mulungu yakamulonjela Musa yakatya,

Walawi 7:16

Na hono munhu yawe yakuleta cilavywa co mulamu ku so wilahize wakwe, hamba lunji ku soko vyono keyendela mweneco du, ale, si nghani yaye, hamba hono nyama yayo yilece kuligwa yose mwizuwa lilyo lyono yilavigwe, na hono nyama yiyo yisigale, yosuma kuligwa hamba mitondo yaco hakali mitondo.

Walawi 8:18

Hanyuma kanyhi Musa yakasola nduwilu ye cilavywa cinyanywe. Nayo Haluni hamonga ne wanagwe, wakajeleka miwoko yawo mu mutwe we nduwilu yiyo.

Walawi 8:21

Yakawa kuwusola wutumbu wayo, yakawa kuwukwema ne malenga hamonga ne migulu yayo. Hanyuma yakawa kuyisola mhama, hamonga no mutwe, na vinji vyose vyono vyali visigaye vya mu mudunhu we nduwilu, yakawa kuviticimiziza mu cikumbicilo, nha vyono Muwaha Mulungu yamulajiliza. Ne cilavywa cicino cinyanywe cikawa co cilavywa ca ndigwa. Ne mhunjile yayo yikwendeza kuli Muwaha Mulungu.

Walawi 9:2

Yakawa kumulonjela Haluni yakatya, “Ale, wulete nzeku hamonga ne nduwilu nhelevu vyono visina cilema co cose, wuvilavye kuli Muwaha Mulungu. Wulavye nzeku so cilavywa co wubi, nayo nduwilu yiwe so cilavywa cinyanywe.

Zakaliya 13:7

U Muwaha Mulungu we mihanga yakutya, “Winuce 'gwe go mumaje, wumuhungucile mudimi wangu, mono yakunyitumamila. Wumuwulagaje, ne zingholo zokwiyagala, Nane nowatowanga wanhu wangu.

Malaki 1:14

Wulijitwe wuli muli mukoci, mono yakundavizya vye mitugo yono yisoceye, na kuno, ho yena ne mitugo miswanu mwi'tewa lyakwe, yono yelahiza vyono komhela 'ne! Hambi 'ne nha nili mutemi Muwaha, ne makungugo gose, wanyogopile nene.”

Wuwale 15:3

Yiwanojeye wamulavizye Muwaha Mulungu nghongolo, hamba ngholo, hamba mhene, yiwe so cilavywa cinyanywe, hamba so cilavywa co wufisilize wo wilahize, hamba so cilavywa ce lihewa, hamba so cilavywa cono wazoweye kulavya mu zi sikukuu zenyu ze nhondo zose, ne mhunjile ye vilavywa vye ndigwa, yikumwendeza Muwaha Mulungu.

Wuwale 15:8

Na hono yiwe nghongolo yo yikulavywa kuli Muwaha Mulungu nha cilavywa cinyanywe, hamba nha cilavywa co wufisilize wo wilahize, hamba lunji so cilavywa co mulamu,

Wuwale 19:2

wawapele Waisilayeli wulajilize wuwu, wawatye. Ale muwaletele Musa na Haluni ndama ye liwala lidunghu, ndama nhelevu yono yisina cilema co cose, yono yikali sinawicilwa lubano, no kwituma mulimo wunji yaye,

Wuwale 23:19

Mulungu si yehwanile wanhu wono walambaga. Hamba si yehwanile wuwe wo wuhile wo munhu wono wupitukaga, Ninga mwene ketumaga zose zono yehuwize, Mwene kalongaga ko mulomo, nazo ziwa kwijela.

Wuwale 23:27

Nayo Balaki yakatya, “Alu nhondo wunhyatyaje kanyhi, nane nokutegula kanyhi hanhu hanji. I hanhu hono lunji Mulungu kokwenda kukukombola ho wundijitile wanhu wawo ku wulawilila hanhu baho.”

Wuwale 23:3

Hanyuma, Balamu yakamulonjela Balaki yakatya, “Balaki 'gwe, ale wime baho ha cilavywa cako cinyanywe, lono nane nghali kubita nghamanye, hono Muwaha Mulungu konyiziza hamba ng'o.” Ninga nane nokulonjela du zose zono mwene kononjela. Hobaho yakawa kubita kucanyha ye litunda yali wene.

Wuwale 23:30

Nayo Balaki yakazituma zose nha vyono yali yalajilizwe, yakawa kulavya nghongolo mupunghati, hamonga na nduwilu mupunghati, nghongolo monga monga, na nduwilu monga monga, mu vikumbicilo vyose.

Wuwale 28:11

Weze kumulavizya Muwaha Mulungu cilavywa cinyanywe mwi'zuwa lilongozi lya mu myezi yose. Weze kulavya nzeku nyejete, hamonga ne nduwilu monga, hamonga na nyana za ngholo nume za mwaka monga, zili mupunghati, nazo zose zeze nhelevu, zono zisina cilema co cose.

Wuwale 28:19

Kanyhi mumulavizyaje Muwaha mulungu cilavywa cinyanywe ciwe co cilavywa ce ndigwa kuli mwene. Mumulavizye nzeku nyejete, na nduwilu monga, hamonga na nyana ze zingholo nume za mwaka monga, zili mupunghati, nazo zose zeze nhelevu zono zisina cilema co cose.

Wuwale 28:31

Nanye muzilavye zizi hamonga ne cilavywa ce divayi, hamonga ne cilavywa cinyanywe ce nhondo zose, hamonga ne cilavywa co wusaje.

Wuwale 29:13

Na mwi'zuwa lili lilongozi, munojeye mumulavizye Muwaha Mulungu cilavywa ce ndigwa. Hambi mhunjile yayo nha yikumwendeza muno Muwaha Mulungu, mumulavizye nzeku yikumi ne 'datu, nduwilu nyejete, hamonga na nyana za ngholo nume, yikumi na yine za mwaka monga, zose nhelevu, zisina cilema co cose.

Wuwale 29:2

Kanyhi mulavye ne cilavywa cinyanywe kuli Muwaha Mulungu, ne mhunjile yayo, yikumwendeza Muwaha Mulungu. Mulavye nzeku monga, nduwilu monga, hamonga na nyana za ngholo, nume, mupunghati za mwaka monga, nhelevu zono zisina cilema co cose.

Luka 1:35

Malayika yakapitula yakamutya, “U Muhe mono yelile kokuziza, ne vilungo vyo Mulungu Mono Yalawiliciye vyokusiciliza. Holeka mwana mono kolela, kocemwa Yelile, Mwana wo Mulungu.

Yohana 1:36

Yaza kumuwona Yesu yakukola, yakatya, “Mulanje ayu Mwana Ngholo wo Mulungu!”

Yohana 10:7

Holeka Yesu yakawatya kanyhi, “Mbeka nghumutyenyi, Ane yo nene mulango we zingholo.

Yohana 10:9

Ane yo nene mulango, munhu hono yenjilile muli nene, kopona, kokwinjila kolawaniza, nayo kowona wudimo.

2 Wakolinto 8:12

Hono munhu yawe yena mutima wo wutazi, u Mulungu nayo kabocelaga co cose cono u munhu yuyo kosuma kulavya, Mwene si kakanililaga yaye.

2 Wakolinto 9:7

Holeka munhu wo wose yalavye mu nghango nha vyono yalamuye, ninga yiweze ko mutima muzelu, hamba si ko wukalale, hamba kwe dindimiza, hambi u Mulungu, nha kamwendaga u munhu mono kalavyaga no wusangalale.

Waefeso 2:18

Holeka mu nzila yakwe ase wose, Wayahudi na wono si Wayahudi, cosuma kumubitila Baba mu Muhe monga.

Waefeso 5:27

ho yetujile Likanisa lyono lyelile, na lyono yiswanu, Likanisa lyono lisina manamha manamha hamba cilema, hamba ganji go gose gono genha gaga.

Wukumbucize wo Wulajilize 12:27

Mweze kulavizya baho ha cikumbicilo co Muwaha Mulungu, i makumbiko ge vilavywa vinyanywe, ne makumbiko gose, gono anye moyilya nyama yayo no kuyita sakami yayo mucanyha ye cikumbicilo.

Wukumbucize wo Wulajilize 15:21

Ninga hono mutugo wunji wutuje cilema, lunji yiwe yikusenzegula, hamba yabofula, hamba lunji yiwe yina cilema co cose. Hodu mutugo wuwo, mulece kumulavizya Muwaha Mulungu, u Mulungu wenyu.

Wukumbucize wo Wulajilize 17:1

“Kanyhi mulecele lukulu kumulavizya Muwaha Mulungu, u Mulungu wenyu, mutugo wowose, ng'ombe hamba ngholo, yono yina cilema, mwene si yakwendezwa nazo.

Wahebelaniya 7:26

Holeka Yesu yo Mukohani Muwaha mono kocikwila muno muno mu visakwa vyetu. U mwene Yelile, yasina hamba yilema, hamba wubi muli mwene musina, yali musina mwipuga lya wanyo wubi, nayo yenuywe sunga ko ku wulanga.

Wahebelaniya 9:14

Ninga mu sakami ya Kilisito zitumwaga nghani mbaha kuciza! Vyono mu vilungo vyo Muhe we cibitilila, Kilisito yelavya mweneco ho yawe likumbiko lyono likwilaniciye kuli Mulungu. I sakami yakwe yocikwema i viselinji vyetu mu metumo gono gakuleta u wufwe, ho cimwitumamile u Mulungu u mumi.