Walamuzi 8:4 - Luganuzi Luswanu Kuli Wanhu Wose 2002

⁴ Lulo Gideyoni hamonga ne wanhu wakwe magana madatu, wali wakondya kufika he 'kolongo lya Yoludani wakondya kulilowoka. Wali wakatala muno, ninga hamba nhavivyo wali wakali wajendeleye du kuwawinjiliza walugu.

Walamuzi 8:4 ပူးပေါင်းရင်းမြစ်များ

2 Wakolinto 4:16

Holeka si cikutimba, u munhu wetu wa kunze hamba yakombipe, ninga mugati mwetu, cikunozwa wapya nhondo zose.

Wagalatiya 6:9

Holeka cilece kukatala mu wituma ziswanu, ku soko hono cilece kukatala, codudula i nhwanga mu cipango cayo.

Walamuzi 7:25

Wakawateka watemi wejete we Cimidiyani, Olebu na Zeyebu. Wakamuwulajila Olebu he 'talawe lya Olebu nayo Zeyebu wakamuwulajila he 'tuli lyo kuminyila divayi ya Zeyebu. Wakajendelela kuwawinjiliza Wamidiyani, wakayileta mitwe ya Olebu na Zeyebu kuli Gideyoni, lulo Gideyoni yali yali ku lubavu lwa kucilima ya Yoludani.

Walamuzi 8:3

Hamonga na zizo kwe vilungo vyo Mulungu, mwawawulaga watemi wejete we Wamidiyani Olebu na Zeyebu, alu ane ma, netuma hayi zono zinha zizo?” Yaza kulonga nhavivyo nhondo likuwo likawa kupola.

1 Samwili 30:10

Mwene Dawudi hamonga ne wanhu magana mane, wakajendelela no muhinzo, hambi wawalya we magana mejete wono wasigala, nha wali wakatala muno no muhinzo, wakalemegwa no kulowoka cikolongo ca Besoli, na holeka wasigala ku nyuma.

1 Samwili 30:8

Dawudi yakawa kumuwuza Muwaha Mulungu mu nzila ya Ulimu na Tumimu, yakutya, “Go Muwaha Mulungu hono niwatyatye wanhu wawo, nowebata?” Muwaha Mulungu yakamutya, “Heya wuwatyatyaje, nagwe kowebata, wuwaboce ye na vyose vyono wavitecile.”