Walamuzi 8:3 - Luganuzi Luswanu Kuli Wanhu Wose 2002

³ Hamonga na zizo kwe vilungo vyo Mulungu, mwawawulaga watemi wejete we Wamidiyani Olebu na Zeyebu, alu ane ma, netuma hayi zono zinha zizo?” Yaza kulonga nhavivyo nhondo likuwo likawa kupola.

Walamuzi 8:3 ပူးပေါင်းရင်းမြစ်များ

Zabuli 115:1

Kuli'gwe go Muwaha Mulungu wuli wene, yo si sese, langa yo gwegwe du wuli wene, mono wunojeye lukumyo, ku soko yo lusungu lwako, no wihuwilwa wako.

Zabuli 44:3

Ne wanhu wako hamba si wayisola yisi yiyo, mu nzila yo mumaje, hamba si wasuma kuyitema mu nzila ye vilungo, vyawo weneco, langa wayitema ku so wusume wako ne vilungo vyako, vyono 'gwe wali wuli hamonga nawo, hambi nha wali wuwendile.

Zimbazi 15:1

Wupitule we mhola mhola, wutuzaga likuwo Ninga nghani yono yikutamisa, yisagahazaga likuwo.

Zimbazi 16:32

Yili ciba hono wuwe si wuli mupelu kwi'kuwo, si nho munhu wa vilungo. Kanyhi, yili ciba wuwe no wiyimizi, si nho kutema mu makaya gose.

Zimbazi 25:11

Ne nghani yono yikulonjelwa hono hanojeye, yihwanile ne mikalo ye zahabu mu nhoto za fweza.

Zimbazi 25:15

Zinghani ze ngola, ziwusaga wiwanganile we vilungo no kutuza watemi.

Yohana 4:37

Holeka nghani yiyi ya mbeka, ‘Yunji yakuhadika, yunji nayo yakutwanga.’

Walumi 12:3

Ku soko ye lihewa lyo Mulungu lyono napegwa, holeka nghumulonjelenyi nyenye wose, vyono, mulece kwiwona nha muli cinji si nha vyono mwinha. Langa imahweso genyu, geze galing'aniciye cijelo co wihuwilo, nha vyono u Mulungu yamugawila munhu na cakwe.

Walumi 12:6

Kanyhi, cina vipegwa vyono visimajiye, vyono linha ilihewa lyono capegwa. Na mono yena icipegwa co wuwile, yimunojeye yacitumamilaje mu nghango yo wihuwilo wakwe.

Wafilipi 2:3

Mulece kwitumila nghani yo yose mu mutima wo wivu, hamba mu widunhumuzi wa bwete, mweze mwina winenenyhezi nyenye wose, na munhu wo wose yamuwonaje muyagwe yo yamucizize lilumbo sinha mweneco.

Walamuzi 8:2

Nayo mwene yakawatya, “Ninga cono nitumile 'ne, sicosuma kwihwananizwa na cono mwitumile 'nye. Kanyhi hamba yiwe nha nghani ndodo yono anye mo wanhu wa Efulayimu mwetuma, ninga yina cambuzi ciwaha si nha zose zono we mhuga yangu wetuma.

Walamuzi 8:4

Lulo Gideyoni hamonga ne wanhu wakwe magana madatu, wali wakondya kufika he 'kolongo lya Yoludani wakondya kulilowoka. Wali wakatala muno, ninga hamba nhavivyo wali wakali wajendeleye du kuwawinjiliza walugu.