Walamuzi 7:9 - Luganuzi Luswanu Kuli Wanhu Wose 2002

⁹ Na mu cilo cico Muwaha Mulungu yakamulajiliza Gideyoni yakamutya, “Winukaje, wuyihome nghambi yawo, hambi nha noyitajila mu miwoko yenyu.

Walamuzi 7:9 ပူးပေါင်းရင်းမြစ်များ

2 Zinghomo 20:17

Nanye kolo mwawagana, mulece kwihoma nawo. Langa anye mutandale du hanhu henyu, muwe kulindila, nanye mowona vyono Muwaha Mulungu yakumulewelenyi, no kumupelenyi wusume. Holeka anye nyo wanhu wa Yuda na Yelusalemi, mulece kuwa na woga. Anye mubite du ku wulugu, ninga Muwaha Mulungu kowa hamonga nanye!’ ”

Jobu 4:13

Yikawa nha wilimucilwe, yikanyaza ne zinhongo zangu.

Matayo 1:20

Ninga lono yali yakali yakuyihwesa inghani yiyo, malayika wo Muwaha yakamulawila mu ndoto, yakamulonjela, yakatya, “Gwe Yusufu go mwana wa Dawudi, wulece kogopa kumusola Malyamu yawe mugolece wako, hambi u muda wuwo wono yena nawo, nha kawutuga kwe vilungo vyo Muhe Mono Yelile.

Matayo 2:13

Iwajenzi wawalya waza kuwuka, hobaho Malayika wo Muwaha Mulungu yakamulawila Yusufu mu ndoto, yakamutya, “Ale, winuce! Wumusolaje mwana, hamonga no nyina, mutizize ku Misili. Mukekalaje kuko du sunga kolo neza kukulonjela, hambi Helode nha yakuhila kumuwulaga u mwana yuyu.”

Metumo ge Watumwa 27:23

Ku soko Malayika wo Mulungu wangu, mono nimuhembaga, kema hali nene mu cilo ce zuwali,

Yoshuwa 10:8

U Muwaha Mulungu yakamulonjela Yoshuwa yakamutya, “Wulece kuwogopa wawo, hambi nha nakondya kukupela wusume. Hasina hamba yunji muli wene, mono kosuma kwima ha mwande yako ho mwihome nayo.”

Yoshuwa 11:6

Muwaha Mulungu yakamulonjela Yoshuwa yakamutya, “Wulece kuwogopa yaye, hambi nha mu vipango vivi mitondo, nowa nakondya kuwahoma no kuwawulaga wose ha mwande ye Waisilayeli. Nanye muzidumule matimba zifwalasi zawo, kanyhi mugaticimizaje ne matuka gawo go wulugu.”

Yoshuwa 2:24

Wakatya, “Mbeka cina witumbilo vyono Muwaha Mulungu yakondya kucipela yisi yiyilya yose. Hambi i wanhu wose wa mu yisi yiyo, nha wakucicima, kanyhi wakucogopa muno muno.”

Walamuzi 20:28

Nayo Finehasi u mwana wa Eleyezali, kanyhi yo mwizukulu wa Haluni, yali yo mulanjilizi walyo. Wanhu wakamuwuza u Muwaha Mulungu, wakatya, “Gwe go Muwaha Mulungu, wule, ciwuyajile kanyhi cikehome ne wandugu zetu Wabenyamini hamba hodu cilece?” Nayo Muwaha Mulungu yakawapitula yakawatya, “Heya! Mubite mukawahome! Nane baho mitondo nhondo, nomupelenyi wusume wuwaha muno kuli wene.”

Walamuzi 3:10

Muhe wo Muwaha Mulungu wukamuziza Otiniyeli, nayo yakawa mulongola muli Waisilayeli. Otiniyeli yakabita ku wihomi, u Muwaha Mulungu yakamupela wusume, yakamusuma Kushani-lishatayimu u mutemi wa Mesopotamiya.

Walamuzi 3:28

Yakatya, “Wose munhyatyaje! Muwaha Mulungu yakondya kumupelenyi wusume kuli walugu wenyu, Wamowabi.” Hobaho wakamutyatya Ehudi no kuyibata yisi mu malowoko gose ga Yoludani, gono wamowabu wasakaga kulowocela. Hakawa hasina hamba monga muli Wamowabi mono yasuma kulowoka.

Walamuzi 7:10

Ninga nagwe hone wuwe wukogopa kuwahoma, ale wutenenhuce cinyele, gwegwe no mwitumami wako Pula, sunga ha nghambi yawo.

Walamuzi 7:8

Lulo Gideyoni yakawagomola Waisilayeli wose ku zikaya, zawo yakasigaza wawalya du we magana madatu, wawo wo wakasola vitwalo vyose, hamonga ne zindulele. Ne nghambi ye Wamidiyani yali yili kusika yawo mwi'lolo.

1 Samwili 14:8

Yonazani nayo yakamupitula yakatya, “Ale viswanu! Alu ciwabitilaje cilajile kuli wene, ciwalece wamule waciwone.

1 Samwili 23:4

Ninga Dawudi yakamuwuza kanyhi Muwaha Mulungu, nayo Muwaha Mulungu yakamutya, “Wubite wukayihome Keyila, hambi ane nha nokupela wusume kuli Wafilisiti.”