Walamuzi 7:4 - Luganuzi Luswanu Kuli Wanhu Wose 2002

⁴ Ninga Muwaha Mulungu, yakawa kumulonjela kanyhi Gideyoni, yakamutya, “Sunga na lulu wukali wina wanhu wenji. Holeka luno, wuwaletaje kwi'kolongo lye malenga, nane nowajela ho nghuhagulile wono wakwiliye. Nane hono nghulonjele vyono, munhu ayu, yo mobitana, ale yuyo yo mobitana. Na hono nghulojele nitye vyono, munhu ayuno mulece kubitana nayo, ale wulece kubita nayo.”

Walamuzi 7:4 ပူးပေါင်းရင်းမြစ်များ

Mwamulizo 22:1

Zali zeza kukondya zizo, hanyuma u Mulungu yakamujela Abulahamu, yakamucema yakutya, “Gwe Abulahamu!” Nayo yakedika yakatya, “Ane, baha Muwaha.”

Jobu 23:10

Ninga hamba nhavivyo, Mulungu yazimanyile zinghanzo zangu. Na hono yananje, kombona sina masutya.

Zabuli 33:16

Hasina mutemi mono kekalaga yapolile, ku soko yo winji we mapuga ge wasilikale wakwe, wo wulugu gono yena nago, hamba citung'ati, si kawasumizaga wayagwe, ku soko ye vilungo vyakwe mweneco.

Zabuli 66:10

Hambi 'gwe go Mulungu, nha wacipima, wacijela nha vyono fweza yikuwa kujelwa mu moto.

Zabuli 7:9

Wavu we wanhu wabi wudume, wumukamye munhu we ling'ani, 'gwe go Mulungu mono kwitumaga ling'ani, mono wuzimanyile zose ze cinyele za mu zinhumbula, ne mahweso ge wanhu.

Walamuzi 7:5

Ale, Gideyoni yakawategula wanhu sunga kwi 'kolongo lye malenga. Nayo Muwaha Mulungu yakamutya, Alu, wumusiwanule munhu wo wose mono kong'wa malenga, mu nzila yo kukabanga no lulimi nha vyono likabangaga li'bwa, musiwanulaje na awalya wono wakung'wa malenga wafugame.

1 Samwili 14:6

Yonazani yakamulonjela yuyulya muzelelo yakatya, “Alu, ase cibite sunga ko ku nghambi ye Wafilisiti wanhu wono si walame. Hambi nha nitumbiye vyono Muwaha Mulungu kocitaza du. Na hono yacitaze, howa hasina cinji cono cosuma kumwimila ho yalece kucipela wusume, hamba ciwe cili wacefu.”

1 Samwili 16:7

Ninga Muwaha Mulungu yakamutya, “Gwe Samwili, wulece kulanga wutali wakwe no wuswanu wakwe we mumbwa. Ane namulema, hambi ane nha si nghulanga nha vyono wanhu walangaga. Hambi munhu nha kalangaga za kunze du yo muwili, ninga ane nangaga nhumbula.”