Walamuzi 7:2 - Luganuzi Luswanu Kuli Wanhu Wose 2002

² Muwaha Mulungu, yakamulonjela Gideyoni, yakatya, “I wanhu wono wina nawo, wenji muno, ho sume kuwapela wusume kuli Wamidiyani. Hambi nha wokwihwesa vyono, wawasuma Wamidiyani kwe vilungo vyawo weneco. Na ku soko yiyo, siwolajila cogopo kuli'ne kanyhi.

Walamuzi 7:2 ပူးပေါင်းရင်းမြစ်များ

Mwamulizo 46:2

Nayo Mulungu yakalongana na Isilayeli ne cilo mu wugubulilwe, yakamucema yakutya, “Yakobo gwe! Yakobo!” Nayo Yakobo yakedika yakatya, “Ane hano.”

2 Zinghomo 14:11

Asa yakawa kumulomba Muwaha Mulungu, u Mulungu wakwe, yakutya, “Gwe go Muwaha Mulungu, agwe yo gwegwe du, mono wudahile kuwapela wutazi lipuga lyono lisina vilungo, kuli lyono lili vilungo. Alu, wucitaze 'gwe go Muwaha Mulungu, go Mulungu wetu, hambi ase nha cikwitumbiye gwegwe du. Na mwi'tagwa lyako, holeka nase cijelela kuza cihome ne lipuga lili liwaha. Agwe go Muwaha Mulungu, agwe yo gwegwe yo wuli Mulungu wetu, hamba hasina mono kokwihwesa nha vyono yadahile yakusume agwe.”

Isaya 10:13

Nayo mutemi wa Ashuli, yakwilumba yakutya, “Ane nha nazituma zizo zose kwe vilungo vyangu nene no mweneco. Ane nili vilungo, kanyhi nina mahala, kanyhi nili musugu. Hambi nha nayiwusiza lukulu mipaka haciligati ye makungugo, nghasola sunga ne vinhu vyawo vyono wali wewutiye mu viwutwa vyawo. Nane nghawa nha nghambaku, nghawakanyanjiza i wanhu wono wekalaga mumo.

Isaya 2:11

Kanyhi lizuwa likuza, lono wiwoni wo munhu wolomalika, no widunhumuzi wo munhu wolokongomezwa. No Muwaha Mulungu du, yo kolopegwa lukumyo yali wene.

Isaya 2:17

No wiwoni wo munhu, baho langa ho wulamalicila, no widunhumuzi nawo, baho ho wolokogomezezwa lukulu.

Yelemiya 9:23

U Muwaha Mulungu yakutya nhavi, “I wanhu we mahala, walece kwikumya so mahala gawo, hamba wono wena vilungo, ku soko ye vilungo vyawo. Nawo i wagoli nhavivyo, walece kwikumya ku soko yo wugoli wawo.

Ezekiyeli 28:17

Agwe wedunhumulilaga wuswanu wako, ne lilumbo lyako likakunoza witume nghani zo wulele. Holeka ku soko ya zizo, nane nokugwisa ho hasi, nghulece wuwe suguzi kuli watemi wanji.

Ezekiyeli 28:2

“Gwe go munhu, alu, wumulonjelaje u mutemi we yisi ya Tulo, zono ane no Muwaha Mulungu nghumulonjela nghutya nhavi, Alu nha vyono wukwikumya, no kwiwona mu nhumbula yako nha vyono agwe wuli mulungu. Nalu ti, vyono wukwiwona nha wuli mulungu, holeka wikaye mwi'goda lyo wutemi, mu ciligati ye lilenga. Heya, kosuma nhawule kwihwesa wuli mulungu, kumbe nagwe ho wuli munhu du, hamba si wuli mulungu yaye.

Danyeli 4:30

Hambi nha yakatya, “Langa ta! Likaya lye citemitemi lya Babiloni vyono yiwaha! Yonene mono nalizenga ho wuwe wikalo wangu wo wutemi. Nane ho nhandaze u wuwaha wangu hamonga no wusume, ne vilungo vyo wutemi wangu.”

Habakuki 1:16

Sunga wakuzihemba zinyavu zawo, no kuzilavizya makumbiko, vyono zinyavu zawo zikuwapela iviswanu vyose.

Zakaliya 12:7

“Nane no Muwaha Mulungu, nolowapela wusume i wanhu wa Yuda, hanyuma ho lilumbo lyono we ndelo ya Dawudi ne wanu wa Yelusalemi wotuga, lilece kuwa licizize si nha lilumbo lye wanhu wa Yuda wono wasigaye.

Zakaliya 4:6

Malayika yakanonjela nghamutegulile Zelubabeli nghani yono yikulawa kuli Muwaha Mulungu, yono yikutya, “Si kwe vilungo, hamba si ko wusume wako go mweneco, aa, ng'o! Langa ko muhe wangu.

Wuwale 31:4

Holeka nghumulombenyi muwikanize wanhu walume, mu wulawa mu milango yenyu yose, wono wobita ku wulugu. Na mu mulango monga, walawe wanhu elufu monga.”

Walumi 11:18

Holeka mulece kuwabedegala awalya wono wadumuligwe nhe manhambi! Hamba muwe mwina inghani yo kwilumbila, ninga mweze kukumbucila vyono, yo si nyenye mo weneco, mono mukuyisikamya yiyo imilela, langa imilela yo yikumusikamyenyi anye.

Walumi 3:27

Hambi cosuma kwilumbila ya hayi? Hasina! Ku soko ya hayi? Hamba vyono cikuwufisiliza u wulajilize? Aa, ng'o, langa ku soko vyono cihuwiye.

2 Wakolinto 4:7

Hamba nhavivyo, ase mono cina cico i ciwutwa co Muhe, cihwanile i viya vye lilongo, ho yijele calinze vyono i vilungo vivyo viwaha, vikulawa kuli Mulungu hamba si muli sese co weneco.

Waefeso 2:9

Hamba si so metumo getu co weneco, ho munhu yalece kwilumba mu nghani yo yose.

Wukumbucize wo Wulajilize 32:27

Ninga hamba nhavivyo, si nolowaleceleza i walugu wawo waze welumbe, wawe kutya wawasuma wanhu wangu. Na kumbe nene no mweneco yo nizinozize zizi zose.’

Wukumbucize wo Wulajilize 8:17

Holeka mulecele lukulu kwihwesa nha vyono, i vinhu vivyo vyose, mwavisawa kwe vilungo vyenyu ne mahala genyu nyo weneco.

Wukumbucize wo Wulajilize 8:18

Langa mweze kukumbucila vyono, Muwaha Mulungu, u Mulungu wenyu, yo yakumupelenyi wusume wo kugolipa. Nayo yakwituma zizi vyono mwene kekalaga mwihuwilwa sunga izuwali, ku cilagane cono yacinoza ne walezi wenyu.

Yakobo 4:6

Ninga, lihewa lyono cikupegwa no Mulungu lili vilungo muno muno, nha vyono gatezaga i Mandiko, “Mulungu kawemilaga iwedunhumuzi, langa kawapelaga lihewa iwenenenyhezi.”

1 Samwili 14:6

Yonazani yakamulonjela yuyulya muzelelo yakatya, “Alu, ase cibite sunga ko ku nghambi ye Wafilisiti wanhu wono si walame. Hambi nha nitumbiye vyono Muwaha Mulungu kocitaza du. Na hono yacitaze, howa hasina cinji cono cosuma kumwimila ho yalece kucipela wusume, hamba ciwe cili wacefu.”