Walamuzi 3:9 - Luganuzi Luswanu Kuli Wanhu Wose 2002

⁹ Hobaho Waisilayeli wakamulilila Muwaha Mulungu, nayo Muwaha Mulungu yakawapela munhu mono kowaponya, litagwa lyakwe Otiniyeli u mwana wa Kenazi u mwanakwawe wa Kalebi.

Walamuzi 3:9 ပူးပေါင်းရင်းမြစ်များ

Nehemiya 9:27

Na ku soko yiyo nagwe wukawaleka, wakatowa no kutemwa ne walugu wawo. Na mu mapango go wugaye, wakakulomba wutazi, nagwe wukawapitula ku wulawa ku wulanga. Na ko lusungu lwako luwaha, wukawaletela walongola, wono wawakomboza mu walugu wawo.

Zabuli 22:5

Wakulilila lono wali wali mu zimbali, wakaponywa, wakwitumbila, hamba si wawona cevu.

Zabuli 78:34

Na mu nghango yono yajendelelaga kuwawulaga, awalya wono wasigalaga, wakajendelela kumupitucila, wakanena wubi wawo wakamupitucila Mulungu, kwe zinhumbula zawo zose.

Yoshuwa 15:17

Nayo Otiniyeli u mwana wa Kenazi, u mwanakwawe wa Kalebi, yakalihoma likaya, yakalisola. Hobaho Kalebi yakamukombolela Otiniyeli u mwanagwe we cicekulu Akisa, wetole nayo.

Walamuzi 1:13

Nayo Otiniyeli u mwana wa Kenazi u mwanakwawe wa Kalebi, yakalihoma likaya yakaliteka. Hobaho Kalebi yakamupela Otiniyeli u mwanagwe we cicekulu Akisa ho wetole nayo.

Walamuzi 10:10

Nhondo Waisilayeli wakamulilila Muwaha Mulungu, wakutya, “Gwe go Muwaha Mulungu, ase cetuma wubi hali'gwe, kanyhi cakuleka gwegwe go Mulungu wetu, no kuyihemba milungu ya Baali.”

Walamuzi 2:16

Hobaho Muwaha Mulungu yakawapela kanyhi Waisilayeli, walongola wono wakawataza ho wawasume walugu wawo.

Walamuzi 2:18

Mu vilo vyono Muwaha Mulungu yawapelaga Waisilayeli mulongola, Muwaha Mulungu yamupelaga wutazi wuwaha, yuyo mulongola, hamonga no kuwaponya wanhu kuli walugu wawo, mu vilo vyose vyo wikale wo mulongola yuyo. Kanyhi Muwaha Mulungu yawawonelaga lusungu ko soko ye mawine gawo, na so wutamiswe wawo hamonga no wiwonelwe wawo.

Walamuzi 3:15

Baho kanyhi Waisilayeli wakamulilila Muwaha Mulungu nayo yakawapela munhu mono kowaponya, litagwa lyakwe Ehudi u mwana wa Gela mono yetumamilaga muwoko wo kucekulu, mono yalawa mu mulango wa Benyamini. Wanhu wa Isilayeli wakamupela vipegwa vinji Ehudi yamutegulile Egeloni u mutemi wa ku Mowabu.

Walamuzi 3:8

Baho kanyhi Muwaha Mulungu yakawakolelwa likuwo Waisilayeli. Yakawatajila mu miwoko yo mutemi Kushani-lishatayimu wa ku Mesopotamiya nayo yakawasuma na kuwatema myaka munana.

Walamuzi 4:3

Yabini yali yena matuka ga cuma go wulugu magana yicenda. Kanyhi yali yawatemile Waisilayeli ko wukali hamonga no kuwagaza muno myaka makumi mejete. Lolulo Waisilayeli kanyhi wakamulilila Muwaha Mulungu ho yawataze.

Walamuzi 6:7

Hobaho i Waisilayeli kanyhi wakamulilila Muwaha Mulungu ho yawawuse mu miwoko ye Wamidiyani,

1 Samwili 12:10

Nawo wakamulilila Muwaha Mulungu yawataze, wakatya, ‘Gwe go Muwaha Mulungu, ase cikusutizya, vyono cikulecile go Muwaha Mulungu wetu, ciwa kuhemba i vihwani viseswe vye Mabaali na Maashitaloti. Holeka cikukulomba wuciponye mu miwoko ye walugu wetu, nase cokuhemba gwegwe du wuli wene!’