Walamuzi 3:4 - Luganuzi Luswanu Kuli Wanhu Wose 2002

⁴ U Muwaha Mulungu yasaka yawetumamile wawo wawajele Waisilayeli ho yamanye, hono mbeka Waisilayeli wakutyatya wulajilize wakwe, nha vyono yawapela walezi wawo mu nzila ya Musa hamba ng'o.

Walamuzi 3:4 ပူးပေါင်းရင်းမြစ်များ

Wutuluce 15:25

Nayo Musa yakamulomba ko winenenyhezi Muwaha Mulungu, nayo Muwaha Mulungu yakamulajila Musa cibici. Musa yakacigwiliza mu malenga, nago malenga gakawa maswanu ku wung'we. Nayo Muwaha Mulungu kuko yakawapela Waisilayeli lilajilizo hamonga no wulajilize, yakawajela ho yamanye wusikame wawo.

1 Wakolinto 11:19

hambi nha vyo yinojeye mahweso gono gesimajiye gawe gali muli nyenye ho wasume kwijela wono wakamile.

Wukumbucize wo Wulajilize 33:8

Na kuli za wo mulango wa Lawi, yakatya, “Gwe go Muwaha Mulungu, wuwalajililaje zo wuhile wako, i wetumami wako wehuwilwa i Walawi, mu nzila ye Ulimu na Tumimu. Wono wawajela ku Masa, ho wuwawone hono wali wanhu we mbeka, ha malenga ga Meliba.

Wukumbucize wo Wulajilize 8:2

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

Walamuzi 2:22

Nozitumamila zinghungugo zizo, ho mbone hono Waisilayeli mbeka wozityatya zinzila zangu, nha vyono i walezi wawo watendaga hamba ng'o.”

Walamuzi 3:1

Hobaho Muwaha Mulungu yakazisigaza nghungugo zinji, ho yawajele Waisilayeli wono si wali wawumanyile wulugu wa ku Kanani.