Walamuzi 18:4 - Luganuzi Luswanu Kuli Wanhu Wose 2002

⁴ Nayo yakawapitula yakatya, “Ane nina wilumbanize na Mika, yasolile niwe mukohani wakwe, nayo yokuwa kundipa musahala so mulimo wuwo.”

Walamuzi 18:4 ပူးပေါင်းရင်းမြစ်များ

Walamuzi 17:10

Mika yakamutya, “Ale wikalaje hono hangu, wuwe munyamhala wangu, kanyhi wuwe mukohani wangu, nane nowa kukupela fweza yikumi kwa mwaka, hamonga ne vivwalo ne zindigwa zako.”

2 Petelo 2:3

Na ku soko ye masulumizi gawo mabi, wolokwisavizya muli nyenye, kolo wakumulonjelenyi zinghani zo wulambi-lambi. No wulipicizwe wawo wakondya kuwikanizwa kulawa katali, siwocela yaye. Nayo mono kowongomeza, yali meso!

Tito 1:11

Yiwanojeye i milomo yawo yidindwe, hambi nha weza kuwahodanga i wanhu wose so mejizo gawo gono si gawanojeye wejize, nawo wakwituma zizo ko wuhile wubi wo kusaka ho watuje mapesa.

1 Timoteyo 3:3

yalece kuwa mukolwa, hamba munhu we ciwuma wuma, langa yeze mupolo, mono yendile mulamu, kanyhi yalece kuwa munhu mwenda pesa,

Metumo ge Watumwa 20:33

Ane hamba kamonga, si nasulumila mapesa, hamba zahabu, hamba vivwalo vya munhu.

Malaki 1:10

U Muwaha Mulungu we mihanga yakutya, “Yali yiwe yili ciba yunji wa muli nyenye, yadinde milango yo wuhembelo, ho muze mulece kwasa moto wono wusina cambuzi mu cikumbicilo cangu. Ane singhwendezwa nanye hamba hadodo, hamba sinovibocelela lukulu ne vilavywa vyono mukundavizya.

Ezekiyeli 13:19

Kanyhi mwakondya kumbedegala'ne hamwande ye wanhu wangu ku so wubocela shayili ndodo du yono yimemile mu maganza, hamonga ne vibegulwa vicefu vye mikate. Mukuwawulaga wanhu wangu wono si wanojeye kufwa. Mukuwaleka womi wono si wanojeye walekwe wekale womi. Na ku soko yiyo, mukuwakonga-konga i wanhu wangu, nawo wakumwitumbilenyi.”

Isaya 56:11

Kanyhi wehwana i mabwa malaku gono si gegutaga yaye. Na kanyhi walongola wawa, mbeka wasina hamba wizuce bwete. Hambi nha wene wose, munhu yakwituma nha vyono yakusaka mweneco du, no kulondola cambuzi cakwe du mweneco.

Zimbazi 28:21

Nako kuwahijila mbejele wanhu, si kuswanu ng'o. Ninga mahakimu wanji, wakonga-kongwaga mu nzila yo kupegwa cinhu cidodo du ca mafupo.

Walamuzi 17:12

Mika yakamuwika Mulawi yuyo yawe yo mukohani wakwe. Yakajendelela kwikala mu kaya ya Mika.

Walamuzi 18:3

Na lono wali wali baho wakalimanya lizi lyo muzelelo Mulawi, hobaho wakamubitila wakamuwuza wakatya, “Alu 'gwe! Wukunozaci baha, hamba nani mono yakuleta baha?”

Walamuzi 18:5

Nawo wakamulonjela wakamutya, “Cikukunena wuciwuzize ta ko Mulungu, ho cimanye vyono umuhinzo wetu kono cikubita wowa wina wumoteswe.”