Walamuzi 17:3 - Luganuzi Luswanu Kuli Wanhu Wose 2002

³ Mika yakazikombola zifweza zizi kuli nyina, nayo unyina yakatya, “Alu, nane nomusiwanulila fweza zizi u Muwaha Mulungu, ho niwupate wulijitwe wulya kuli mwanangu. Ne zifweza zizo, zitumamilwe mu mulimo wo kunoza cihwani co mubici, cono cowa cihiliwe fweza. Holeka 'lu nokugomolela kanyhi zifweza zizi elufu yikumi ne ligana limonga.”

Walamuzi 17:3 ပူးပေါင်းရင်းမြစ်များ

2 Zinghomo 33:7

Yakawika cihwani mugati ye Nyumba yo Mulungu, i hanhu hono Muwaha Mulungu yamulonjela Dawudi, hamonga na Solomona u mwanagwe, yakawatya, “Bahano hono Yelusalemi, mu Nyumba yangu yiyi, ho hanhu hono nakondya kuhahagula ku soko ye yisi yose ye milango yose, yikumi na myejete ya Isilayeli, hawe ho hanhu hono nene no mweneco du nowa kuhembelwa.

Wutuluce 20:23

Holeka mulecele lukulu kwinozeza vihwani vye milungu ya fweza cihanje nane, hamba milungu ye zahabu.

Wutuluce 20:4

Wulece kwinozeza cihwani ciseswe, hamba cihwani cinji co cose cono cili ku wulanga kucanyha, hamba cono cili mono yinze, hamba cono cili mu malenga kusi ye yisi.

Wutuluce 34:17

“Mulece kwinozeza hamba kuyihemba milungu myenjedulwe.

Isaya 30:22

Nanye movisola vihwani vyenyu vyose vyono vihiliwe fweza, hamonga na vyono vihiliwe zahabu, muwe kuvitaga kutali, nha cinhu ca cikomaza, akuno mukuzoza mukutya, “Wuce ha meso gangu!”

Isaya 66:3

“Hambi i wanhu nha wetumaga nha vyono wendile weneco. Hambi wene nha wakuwona co cimonga du, hono mu makumbiko gawo wawulaje ng'ombe hamba munhu, hamba wawulaje ngholo, hamba kubena singo ye 'mbwa, hamba hono walavye cilavywa co wusaje, hamba sakami ye magubi, hamba na hono walavye wuvumba, hamba wavitogoze vihwani. Heya! Wene wendile zinzila zono ziwuhodangaga wuhembi.

Yelemiya 10:8

Wose nha walele du, kanyhi wasina mahala. Ale wene, wakwihwesa hamba wosuma kwiyijiza cicici, mumo mu vihwani lo vye mabici?

Walawi 19:4

Mulece kundeka no kuhemba milungu yo wulambi. Kanyhi mulecele lukulu kwinozeza milungu myenjedulwe no kuyihemba. Ane yo nene Muwaha Mulungu wenyu.

Yohana 16:2

Wanhu wolowa kumuwinjenyi mu matang'anilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

Wukumbucize wo Wulajilize 12:3

Mugamwagule makumbicilo gawo, mugatulanjize ne masumbili gawo ge mabwe. Muviticimize vihwani vyose vyo mulungu we cicekulu Ashela, muvibenanjize ne vihwani vyawo viseswe, ho walecele lukulu kuhemba kanyhi hanhu baho.

Wukumbucize wo Wulajilize 27:15

“ ‘Malijito go Mulungu, geze muli munhu wo wose mono kosesa cihwani ce libwe hamba ce libici, hamba ca cuma, yawe kucihemba cinyele. Hambi Muwaha Mulungu, nha si yazendile zizo.’ “Nawo wanhu wapitule wose hamonga watye, ‘Heya!’

Walamuzi 17:13

Mika yakatya, “Alu vyono nakondya kumutuga mukohani Mulawi, nitumbiye vyono 'lu, u Muwaha Mulungu, konozeza ziswanu nyinji.”

Walamuzi 17:2

Yakamulonjela nyina yakatya, “Fweza zi zilya elufu monga ne ligana limonga zono wahizizwa, nane nghakuhulika nha vyono wakumulijitiza u muhizi mono yahiza, langa ta! Zo azi nina nazo, yo nene mono nazisola.” Unyina yakamutya, “Gwe mwanangu, u Muwaha Mulungu yalumbwe, kanyhi yakulugute!”

Walamuzi 17:4

Hobaho nayo Mika, yakamukombolela kanyhi nyina fweza zizo. Nayo nyina yakasola fweza magana mejete, yakamupela u munghula wo kunoza vihwani. Nayo munghula yakawa kusesa cihwani ce 'bici, yakawa kucihiliwa fweza. Cikawa kuwikwa mu kaya ya Mika.

Walamuzi 18:30

Nawo i wanhu wa Dani wakaciwika cihwani, wakawa kucihemba. Nayo Yonazani u mwana wa Gelishomu kanyhi u mwizukulu wa Musa, yuyo yo yawetumamilaga u mulimo wo wukohani i wanhu wo mulango wa Dani hamonga ne wanagwe. Sunga lono vyaziza i vilo vya wuhamywe nawo.

Walamuzi 18:5

Nawo wakamulonjela wakamutya, “Cikukunena wuciwuzize ta ko Mulungu, ho cimanye vyono umuhinzo wetu kono cikubita wowa wina wumoteswe.”