Walamuzi 17:2 - Luganuzi Luswanu Kuli Wanhu Wose 2002

² Yakamulonjela nyina yakatya, “Fweza zi zilya elufu monga ne ligana limonga zono wahizizwa, nane nghakuhulika nha vyono wakumulijitiza u muhizi mono yahiza, langa ta! Zo azi nina nazo, yo nene mono nazisola.” Unyina yakamutya, “Gwe mwanangu, u Muwaha Mulungu yalumbwe, kanyhi yakulugute!”

Walamuzi 17:2 ပူးပေါင်းရင်းမြစ်များ

Mwamulizo 14:19

yakamulugutiza Abulamu yakutya, “U Muwaha Mulungu, mono yawunoza wulanga ne yinze, yamulugutize Abulamu!

Nehemiya 13:25

Nghawakalipilanga wanhu no kuwalijita, nghawa kuwatowanga, kanyhi nghawakulanga ne zimvwili zawo. Nghawatya welahize hali Mulungu vyono, weneco hamba i wana wawo, si wolokwitolanila kanyhi na wono si Wayahudi.

Zabuli 10:3

U munhu mubi kedunhumulilaga mu masulumizi gakwe mabi, nayo we masulumizi, kamukanaga Muwaha Mulungu no kumubeza.

Wutuluce 20:7

“Wulece kulitumamila litagwa lyo Muwaha Mulungu wako mu zinzila zimbi. Hambi Muwaha Mulungu nha komulipiciza munhu wowose mono yakulitumamila litagwa lyakwe mu zinzila zimbi.

Zimbazi 28:24

Na mono yakwihwesa vyono, si'sutya kuwahiziza walezi wakwe, yuyo yakusutya, hambi wuhizi, nha wuhizi du nhe wahizi wanji.

Yelemiya 48:10

Mulijitwe munhu wo wose, mono si yakwituma u mulimo wo Muwaha Mulungu ko mutima wakwe wose! Mulijitwe munhu wo wose mono si yakutemanga no kuwulaga!

Matayo 26:74

Ale baho nhondo, Petelo yakanza kwilijita no kwilahiza, yakutya, “Ane si nimumanyile u munhu yuyo ye.” Hobaho nayo inzogolo nhondo yikawa kulila.

Walumi 9:3

Hono yali yiwe so cambuzi cawo, nali nyende niwe mulijitwe, no kusiwanulwa na Kilisito.

1 Wakolinto 16:22

U munhu wo wose mono siyamwendile Muwaha, yaweze mulijitwe. Go Muwaha wuze!

Wukumbucize wo Wulajilize 27:16

“Malijito go Mulungu, geze muli munhu wo wose mono yasina cihuliko kuli sogwe hamba kuli nyina. “Nawo wanhu wapitulile wose hamonga watye, ‘Heya.’

2 Yohana 1:11

Hambi mono yakumulamusa nha yakuhanga nayo mu metumo gakwe mabi.

Walamuzi 17:1

Kwali na munhu monga mono yacemwaga Mika, nayo yekalaga mu yisi ye matunda ya Efulayimu.

Walamuzi 17:3

Mika yakazikombola zifweza zizi kuli nyina, nayo unyina yakatya, “Alu, nane nomusiwanulila fweza zizi u Muwaha Mulungu, ho niwupate wulijitwe wulya kuli mwanangu. Ne zifweza zizo, zitumamilwe mu mulimo wo kunoza cihwani co mubici, cono cowa cihiliwe fweza. Holeka 'lu nokugomolela kanyhi zifweza zizi elufu yikumi ne ligana limonga.”

Walamuzi 5:23

Malayika wo Muwaha Mulungu yakatya, ‘Yilijite Melozi. Walijitwe na wose wono wekaye mumo. Vyono siwaza ho wamutaze Muwaha Mulungu, siwaza ha wasilikale wo wulugu ho wehome so Muwaha Mulungu.’

Lutu 3:10

Nayo Bowazi yakamutya, “Ale Muwaha Mulungu yakumotye mwanangu. Hambi nha wukulajila cogopo ciwaha ca mu mhuga yenyu, muli zono wukwituma aluno, kuciza zono wetuma kuli mukwewo Nawomi. Hamba nhavivyo, yali yinojeye wubite wukamulondole mulume muzelelo, hamba yawe mugoli hamba muciwa. Ninga agwe vyo si wunozize nhavivyo.

1 Samwili 14:24

Nawo Waisilayeli mwizuwa lilyo, wakawa wawula vilungo so mudabuko, hambi Sawuli, nha yali yawelahiza yatya, “Munhu wo wose mono kolya ndigwa zuwali, lono ane nghali si nelipiciza kuli walugu wangu, munhu yuyo kowa mulijitwe.” Holeka ku soko yiyo, hasina hamba munhu monga mono yalya cinji mu misi yose.

1 Samwili 14:28

Ninga munhu yunji wa muli wanhu wa walya yakatya, “Ase wose cadejepa cisina vilungo so nzala, ninga sogo yacogofya muno lono yatela, Munhu wo wose mono kolya ndigwa izuwali, munhu yuyo kowa mulijitwe.”

1 Samwili 15:13

Nayo Samwili yakawa kumubitila Sawuli, nayo Sawuli yakamulamusa Samwili yakutya, “Gwe Samwili, Muwaha Mulungu yakulugute! Nane nha nakondya kwituma zose nha vyono Muwaha Mulungu yalajiliza.”

1 Samwili 23:21

Nayo Sawuli yakawapitula yakawatya, “Ale du, Muwaha Mulungu yamulugutizenyi so wuswanu wenyu kuli 'ne!

1 Samwili 26:19

Gwe mutemi, wuhulicizaje 'ne, zono nghusaka kuzilonga. Hono yawe Muwaha Mulungu yo yakukundujize ho wuminje, ale i cilavywa comunoza yawupitule wuhile wakwe wuwo. Ninga hono wawe wanhu wo wazinozize zizo, ale, wulijite wo Muwaha Mulungu wuwaficile. Hambi nha waminga ane, ho mbuce mu yisi yo Muwaha Mulungu, ho mbite ku yisi yono yonyambuza niwe kuyihemba milungu yinji.