Walamuzi 13:1 - Luganuzi Luswanu Kuli Wanhu Wose 2002

¹ Ninga Waisilayeli waketuma kanyhi wubi hali Muwaha Mulungu. Nayo Muwaha Mulungu, yakawatajila mu miwoko ye Wafilisiti, wakawatema myaka makumi mane.

Walamuzi 13:1 ပူးပေါင်းရင်းမြစ်များ

Yelemiya 13:23

Alo wukwihwesa nha vyono u munhu mutitu, kosuma kuwukawaniza wutitu we nghuli yakwe lo, hamba suwi kugapata i mawalawala gayo? Na hono yiwe yisumice, ale, na gwegwe mono wuzoweye kwituma zimbi du, kumbe kosuma kwiyijiza ku wituma ziswanu.

Walumi 2:6

Mwi'zuwa lilyo, u Mulungu, kolomulipa munhu wo wose nha vyono genha imetumo gakwe.

Wahebelaniya 11:32

Alu nolonga cici kanyhi, hambi cilejeho nha si conghondya ho nonje za Gidiyoni, Balaki, Samusoni, Yefuta, na Dawudi, na Samwili na ze wawizi.

Walamuzi 10:6

Waisilayeli waketuma wubi kanyhi hali Muwaha Mulungu, so wuhemba milungu ya Baali na Ashitaloti hamonga ne milungu ya ku Siliya ya Zidoni. Ne milungu ya Wamowabi ne milungu ye Waamoni, na ye Wafilisiti. Wakamuleka Muwaha Mulungu, wakapela no kumuhemba.

Walamuzi 10:7

Na ku soko yiyo, Muwaha Mulungu yakawakolelwa yikuwo yiwaha muno muno Waisilayeli, yakawa kuwaleka. Yakawa kuwakombola Wafilisiti ne Waamoni, wawasume no kuwatema.

Walamuzi 12:15

Hanyuma yakafwa, yakazikwa ku Pilatoni mu yisi ya Efulayimu ya mu yisi ye matunda ye Waamaleki.

Walamuzi 14:4

Walezi wakwe hamba siwamanya vyono Muwaha Mulungu yo yamutongaga Samusoni mu wituma zizi, hambi Muwaha Mulungu nha yalondolaga nzila yo kuwahoma Wafilisiti. Na mu vilo vivyo Wafilisiti wali wawatemile Waisilayeli.

Walamuzi 15:11

Hobaho wanhu wa Yuda elufu yidatu, wakabita ku mhango, mwi'bwe, kuko ku Etamu, wakamutya Samusoni, “Alu gwe Samusoni, hongo siwumanyile nha vyono i Wafilisiti wo wacitemile? Alu ho kucitendela nghanici yiyi?” Nayo Samusoni yakawapitula yakawatya, “Ane nawatendela wene, nha vyono nawo wanhendela'ne.”

Walamuzi 15:20

Samusoni yakawa mulongola we Waisilayeli myaka makumi mejete mu vilo vye Wafilisiti lono wali watemile mu 'si.

Walamuzi 2:11

Hobaho i wanhu wa Isilayeli waketuma wubi hali Muwaha Mulungu, wakanza kanyhi kuyihemba Milungu ya Mabaali.

Walamuzi 3:7

Wanhu wa Isilayeli wakamusemwa Muwaha Mulungu wawo, waketuma wubi hali Muwaha Mulungu, wakajendelela kuhemba vihwani vya Baali na vyo mulungu we cicekulu Ashela.

Walamuzi 4:1

Na lono Ehudi yali yakondya kufwa wanhu wa Isilayeli waketuma wubi kanyhi hali Muwaha Mulungu.

Walamuzi 6:1

Kanyhi Waisilayeli waketuma wubi hali Muwaha Mulungu. Baho yakawaleka wakatemwa ne wanhu wa Midiyani myaka mupunghati.

1 Samwili 12:9

Ninga wanhu wakamusemwa Muwaha Mulungu, u Mulungu wawo, holeka nayo Muwaha Mulungu yakawaleka Wafilisiti, hamonga no mutemi wa Mowabu na Sisela, u muwaha we wasilikale we likaya lya Hazoli, wakawahoma walezi wenyu wakawasuma.

1 Samwili 4:9

Holeka alu anye nyo Wafilisiti mweze muli vilungo, kanyhi mwihome cilume-lume, ho cilece kuwa wawanda we Wahebelaniya, nha vyono wene wali wawanda wetu. Holeka mwihome cilumelume!”

1 Samwili 7:13

Hodu, Wafilisiti wakawa wasumwa, no Muwaha Mulungu yakawemila, ho walece kuyisola yisi ye Waisilayeli mu mapango gose gono Samwili yali yakali cawumi.